यूहन्ना 8:28 - चम्बयाली नौआ नियम

²⁸ तां यीशु ने बोल्लेया, कि जां तुसा मणू रे पुत्तर, जो ऊचें पर चढ़ांगे, तां जाणगें कि मैं से ही हैं, ते मैं अपणे आप का किच्‍छ नी करदा, पर पिता मेरे जो जिय्यां सिखान्दा, से ही गल्लां मैं बोलदा।

यूहन्ना 8:28 ပူးပေါင်းရင်းမြစ်များ

मत्ती 24:5

किजोकी मते सारे इदेय होणे जिन्हा ने मेरे नां कने आई करी बोलणा, मैं मसीह यीशु है, ते मते जणेया जो भड़काणा।

मरकुस 13:6

किजोकी मते जणेया ने मेरा नां लेई करी आणा, ते बोलणा कि, “मैं ही मसीह है” ते मते जणेया जो भटकाई दैणा।

लूका 21:8

यीशु ने बोल्लेया, ध्यान रखो, कुदखी कोई तुसा जो ठग्गी ना लेयो। किजोकी मेरे ना कने बड़े जणेयाँ ने आणा अते तिन्हा बोलणा, कि मैं मसीह यीशु है। अते ए भी बोलणा कि से बेल्ला नेड़े आई गे रा है तां तुसा तिसेरे पीछे मत चली जान्दे।

यूहन्ना 11:42

मैं जाणदा थिया कि तू हमेसा मेरी सूणदा, पर जै भीड़ नेड़े-तेड़े खड़िती री है, उनहेरि वजह कने मैं ए जादा जोरे बोल्लेया कि जिस कने ए विश्वास करण कि तैं मेरे जो भेज्जे रा है,

यूहन्ना 13:19

अवे मैं तिसेरे होणे का पैल्ले तुसा जो जताई दिंदा कि जां ए होई जांगा तां तुसा विश्वास करो कि से मैं ही है।

यूहन्ना 16:10

अते धार्मिकता रे बारे बिच इधेरे तांइ किजोकी मैं पिता का चलेया, अते तुसा मेरे जो फिरी नी दिख्खी सकणा।

यूहन्ना 18:32

ए इधेरे तांइ होया कि यीशु री गल्ल पूरी होई जाओ जे तिन्हा ने अपणे मरणे रे बारे बोल्ली थी, कि तिन्हेरी मौत कुस तरिक्के कने होणी।

यूहन्ना 19:18

तित्ते तिन्हा ने यीशु जो दो होर जणेया कने सुली पर चढ़ाया, इक्क जो सीद्दे हत्थ पास्से, अते दूये जो पुठ्ठे हत्थ पास्से ते मझाटे यीशु जो

यूहन्ना 3:11

मैं तुसा कने सच्ची-सच्ची बोलदा, असी जे जाणदे, से बोलदे, ते जिस जो असी दिखदे तिसेरी ही गवाई दिन्दे, तुसा असा री गवाई पर विश्वास नी करदे,

यूहन्ना 3:14

जिस तरिक्के कने मूसा ने बियाबान जगाह् बिच पीतल रे कीड़े जो ऊचे पर चढ़ाया उसी तरिके कने जरुरी है कि मणू रा पुत्तर, जे मैं ही है भी उँचे पर चढ़ाया जाए।

यूहन्ना 4:26

यीशु ने तिसजो बोल्लेया मैं जे किच्‍छ तेरे कने बोल्लेया करदा है, मैं से ही ए।

यूहन्ना 5:19

इस पर यीशु ने तिन्हा जो बोल्लेया, मैं तुसा जो सच-सच बोलदा, पुत्तर अपणी मर्जी कने किच्‍छ नी करी सकदा, पर सिर्फ से ही, जे परमेश्वर पिता जो करदे दिखदा, किजोकी जिन्हा-जिन्हा कम्मां जो “पिता” करदा, तिसजो पुत्तर भी तिसी तरिक्के करदा।

यूहन्ना 5:30

मैं अप्पु का किच्‍छ नी करी सकदा, जदेया मेरे जो “पिता” करणे तांइ बोलदे से ही करदा। मैं हिसाब-किताब करदा कने मेरा हिसाब-किताब सच्चा है किजोकी मैं अपणी मर्जी नी पर अपणे भेजणे वाले री मर्जी पूरी करणा चाहन्दा।

यूहन्ना 6:38

किजोकी मैं अपणी मर्जी कने नी, पर अपणे “पिता” री मर्जी पूरी करणे तांइ स्वर्ग का उतरेया।

यूहन्ना 8:24

इस तांइ मैं तुसा जो बोलदा, कि तुसा अपणे पाप री माफी पाए बगैर ही मरी जाणा किजोकी तुसा विश्वास नी कित्ता कि मैं से ही हैं, अपणे पाप री माफी पाए बगैर ही मरी जाणा।

यूहन्ना 8:27

से न समजे कि असा जो पिता रे बारे बिच दसदा।

यूहन्ना 8:58

यीशु ने तिन्हा जो बोल्लेया, मैं तुसा जो सच-सच बोलदा, कि अब्राहम रे पैदा होणे रे पैल्ले का भी मैं है।

प्रेरितां रे कम्म 2:41

अते जिन्हा ने तिसेरा बसेख सूणेया ते विश्वास कित्ता, तिन्हा ने बपतिस्मा लित्ता ते तिसी दिन त्रै हजार लोक्कां रे लगभग तिन्हा विश्वासियां रे दल बिच मिली गे।

प्रेरितां रे कम्म 4:4

पर बसेख रे सुनणे वालेयां बिच का मते जणेया ने यीशु पर विश्वास कित्ता, ते तिन्हेरी गिनती लगभग पांज्ज हजार आदमियां तिकर होई गई।

रोमियों 1:4

ते जां से पवित्रात्मा री ताकत कने मरे रे लोक्कां बिच का फिरी जिन्दे कित्ते गे, तां से परमेश्वर रे पुत्तर ठैहरे।