यूहन्ना 8:25 - चम्बयाली नौआ नियम

²⁵ यहूदी अधिकारियां ने तिसजो बोल्लेया, तू कुण है? यीशु ने तिन्हा जो बोल्लेया, मैं से ही है जे सुरु का तुसा जो बोलदा आए रा है।

यूहन्ना 8:25 ပူးပေါင်းရင်းမြစ်များ

लूका 22:67

तिन्हा ने यीशु का पूच्छेया, कि अगर तू मसीह यीशु है, तां असा जो दस्सी दे यीशु ने तिन्हा जो जवाब दित्ता, कि अगर मैं तुसा जो दस्सी भी देयां, तां भी तुसा मेरे पर विश्वास नी करणा

यूहन्ना 1:19

यूहन्ना री गवाई ए है कि जिस बेल्ले यहूदी अधिकारियां ने यरुशलेम सहर रे लेवी पुरोत्तां ते लेवी गोत्र रे लोक्कां जो तिसका ए पूछने जो भेज्जेया “तू कुण है।”

यूहन्ना 1:22

“तां तिन्हा ने तिसजो पूच्छेया, फिरी तू कुण है ताकि असी अपणे भेजणे वालया जो जवाब देई सकन् कि तू अपणे बारे बिच कै बोलदा?”

यूहन्ना 10:24

तां यहूदियां रे अधिकारियां ने यीशु जो घेरी लित्ता ते पूच्छेया, तुसा ने असा रे मन जो लम्बे समय का परेसानी बिच पाई रख्खे रा है। जे अगर तुसा मसीह हिन तां असा कने साफ-साफ बोल्ली देयो।

यूहन्ना 19:9

अते फिरी राजपाल रे किले अन्दर जाई करी यीशु जो बोल्लेया, तू कुते का आया? पर यीशु ने तिसजो कोई जवाब नी दित्तेया।

यूहन्ना 8:12

तां यीशु ने तिन्हा मणूआं जो बोल्लेया, दुनिया री रौसनी मैं है, ते जे कोई मेरे मेरी गल्लां मन्नी करी मेरे पीच्छे चलगा, तिनिये पाप रे न्याहरे बिच नी रैह्णा, पर तिसका हमेसा री जिन्दगी री रौसनी होणी।

यूहन्ना 8:24

इस तांइ मैं तुसा जो बोलदा, कि तुसा अपणे पाप री माफी पाए बगैर ही मरी जाणा किजोकी तुसा विश्वास नी कित्ता कि मैं से ही हैं, अपणे पाप री माफी पाए बगैर ही मरी जाणा।

यूहन्ना 8:26

मेरे का तुसा रे बारे बिच बोलणे ते तुसा पर इल्जाम लाणे तांइ मता किच्‍छ है। पर परमेश्वर, जिन्हा ने मेरे जो इस दुनिया रे लोक्कां का भेज्जे रा है, से सच्चा है, ते जे किच्‍छ मैं तिसका सूणेया, से ही दुनिया रे लोक्कां कने बोलदा।