यूहन्ना 8:2 - चम्बयाली नौआ नियम

² कने भ्यागा-भ्यागा यीशु फिरी मन्दिर रे अंगण बिच आए, ते मते सारे मणू तिसका आए, ते से बेई करी तिन्हा जो उपदेस दैणे लग्गे।

यूहन्ना 8:2 ပူးပေါင်းရင်းမြစ်များ

मत्ती 26:55

तिस बेल्ले यीशु ने भीड़ जो बोल्लेया, कै तुसा तलवारां ते लाठियां लेई करी मेरे जो डाकू सांई पकड़ने तांइ निकले रे हिन? मैं हर रोज मन्दिर बिच बेई करी उपदेस देया करदा थिया ते तुसा मेरे जो नी पकड़ेया।

लूका 21:37

यीशु हर रोज मन्दिर बिच उपदेस दिन्दे थिये, पर से रात बताणे तांइ जैतून ना री पहाड़ी जो चली जान्दे थिये।

लूका 21:38

सब मणू भ्यागा तड़के उठ्ठी करी मन्दिर जो जान्दे थिये ताकि से यीशु री गल्लां सुणी सकण।

लूका 4:20

फिरी तिन्हा ने से कताब बन्द कित्ती ते तित्ते कम्म करणे वाले सेवक रे हत्थां देई करी थल्ले बेई गे, ते सभास्थल बिच सबणी मणूआं री हाख्खियां यीशु पर टिकी रेई।

लूका 5:3

मते मणू होणे री वजह कने यीशु तिन्हा दो किस्तियां बिच का इक्क पर चढ़ी गे जे शमौन री थी ते तिन्हा ने शमौन जो बोल्लेया, किस्ती जो कनारे का जरा कर अग्गे जो लेई चल ते से लेई गेया, अते फिरी यीशु किस्ती पर बेई करी मणूआं जो उपदेस दैणा लगे

यूहन्ना 4:34

यीशु ने तिन्हा जो बोल्लेया, मेरी रोट्टी से है कि परमेश्वर जिन्हा ने मेरे जो भेज्जे रा है, तिन्हेरी मर्जी रे हिसाब कने चलां ते तिसेरा कम्म पूरा करां।

यूहन्ना 8:20

ए गल्लां तिन्हा ने मन्दिर रे अंगण बिच उपदेस दिन्दे होए भण्डार घर बिच बोल्ली, कने कुसी ने तिसजो नी पकड़ेया किजोकी तिसेरा हल्ले तिन्हेरा पकड़ी करी सताए ते मारे जाणे रा बेल्ला नी आया थिया।

यूहन्ना 8:3

जां से बोल्लेया ही करदे थिये तां शास्त्रि ते फरीसी मणू इक्क जनानी जो लयाये, जे व्यभिचार करदे पकड़ी गे री थी, अते तिसजो लोक्कां सामणे खड़ा करी के यीशु जो बोल्लेया,

प्रेरितां रे कम्म 5:21

जिय्यां तिन्हा जो बोल्लेया गेया थिया, तिस हिसाब कने से भ्यागा उठी करी मन्दिर बिच जाई करी ए उपदेस दैणा लगे, तां प्रधान पुरोत्त ते तिसेरे साथिया ने आई करी महासभा जो ते इस्राएली लोक्कां रे सारे बुजुर्ग मणू जो कठेरेया ते जेलखानेयां बिच ए बोल्ली भेज्जेया कि तिन्हेरे जो लेई आए,