यूहन्ना 8:19 - चम्बयाली नौआ नियम

¹⁹ तिन्हा ने तिसजो बोल्लेया, तेरा पिता कुते है? “यीशु ने जवाब दित्ता, ना तुसा मेरे जो जाणदे ते ना पिता जो, जे तुसा मेरे जो जाणदे तां पिता जो भी जाणदे।”

यूहन्ना 8:19 ပူးပေါင်းရင်းမြစ်များ

मत्ती 11:25

तिस्सी बेल्ले यीशु ने बोल्लेया, ओ पिता, आसमान ते जमीन रे प्रभु, मैं तेरा शुकर करदा कि तुसा ने इन्हा गल्लां जो अते समजदार लोक्कां का लुकाई रखेया, पर आम लोक्कां पर जाहिर कित्तेया।

यूहन्ना 1:10

से दुनिया बिच आया, कने दुनिया तिसेरी वजह कने बणेया थिया, ते दुनिया रे लोक्कां ने तिसजो नी पछाणेया।

यूहन्ना 1:18

परमेश्वर जो कदी कुसकी ने नी दिख्खेया पर इकलौते पुत्तर ने जे अप्पु ही परमेश्वर है, ते पिता रे सबका जादा करीब है। तिन्हा ने ही असा पर परमेश्वर जो प्रकट कित्ते रा है।

यूहन्ना 15:21

पर तिन्हा लोक्कां ने तुसा पर भी जुल्म करणा किजोकी तुसा मेरे चेल्‍ले हिन, किजोकी से परमेश्वर जो नी जाणदे जिस ने मेरे जो भेज्जे रा है।

यूहन्ना 16:3

अते तिन्हा ने इय्यां इधेरे तांइ करणा किजोकी तिन्हा ने ना ता स्वर्ग बिच रैह्णे वाले पिता जो जाणेया ते ना ही मेरे जो जाणेया,

यूहन्ना 17:3

ते इस तरिक्के कने हमेसा री जिन्दगी जो हासिल कित्तेया जाई सकदा कि मणू इकलौते सच्चे परमेश्वर जो ते यीशु मसीह यानी मेरे जो जाणे जिस जो तुसा दुनिया रे लोक्कां का भेज्जे रा है।

यूहन्ना 7:28

तां यीशु ने मन्दिर रे अंगण बिच उपदेस दिंदे बेल्ले ऊच्ची अवाज बिच बोल्लेया, तुसा मेरे जो जाणदे ते ए भी जाणदे कि मैं कुते का है: मैं अपणे पास्से का नी आया पर मेरा भेजणे वाला सच्चा हैं, तिसजो तुसा नी जाणदे,

1 कुरुन्थियों 15:34

तुसा जो पाप करणा छड्डी करी वापिस धार्मिकता रे कम्म करणा चाएदे। किजोकी तुसा बिच किच्‍छ लोक्कां रा परमेश्वर कने गहरा रिस्ता नी है। ए गल्ल मैं तुसा जो शर्मिंदा करणे तांइ ए बोलदा।

गलातियों 4:9

पर अवे ता असा ने परमेश्वर जो जाणी लित्ते रा है, बल्कि इय्यां बोलणा जादा सही होणा कि पैल्ले परमेश्वर ने असा कने रिस्ता बणाया। तां फिरी किय्यां तिस कमजोर ते सुरुआती शिक्षा पास्से मुड़ी सकदे? तुसा फिरी किजो तिन्हेरे गुलाम बणना चाह्‍ंदे?

इफिसियों 1:17

मैं प्रार्थना करदा कि असा रे प्रभु यीशु मसीह रे महिमामय पिता परमेश्वर तुसा जो आत्मिक ज्ञान ते समजदे ताकि तुसा तिन्हा जो पूरी तरिक्के कने जाणी सको।

कुलुस्सियों 1:10

तां तुसा रा चालचलन प्रभु जो पसंद आणे वाला बणना, ते तुसा परमेश्वर जो हर तरिक्के कने खुस करणे वाली जिन्दगी जीणी, ते तिसेरी वजह कने तुसा अपणी जिन्दगी बिच हर तरिक्के रे ठीक कम्म करदे रैह्णा, ते तुसा परमेश्वर जो होर भी ठीक तरिक्के कने जाणदे रैह्णा।

कुलुस्सियों 1:15

कोई भी परमेश्वर जो नी दिख्खी सकदा, पर जां तिन्हेरे पुत्तर ने इक्क मणू रे रुप बिच जन्म लित्ता, तां तिसने परमेश्वर जो लोक्कां पर ज़ाहिर कित्ता किजोकी से अप्पु परमेश्वर रे स्वरूप बिच है। परमेश्वर रा पुत्तर पूरे ब्रम्हांड रे बणाए जाणे रे पैल्ले का है, ते परमेश्वर री बणाए री हर चीज पर तिन्हेरा हक है।

इब्रानियों 1:3

पुत्र ही परमेश्वर री महिमा री रौसनी है, ते पुत्र रे जरिये ही असी दिखदे कि परमेश्वर कदेय हिन। अते से अपणी ताकत रे वचनां कने से ब्रम्हांड जो चलाया करदे हिन। तिन्हा ने लोक्कां रे पाप्पां जो माफ कित्ता, ते परमेश्वर री महिमामय बिच स्वर्ग अंदर तिन्हेरे सज्जे पास्से बेई गे।

1 यूहन्ना 2:23

जे कोई पुत्तर रा इन्कार करदा तिसका पिता परमेश्वर भी नी: जे पुत्तर जो मन्नी लिदां तिसका पिता परमेश्वर भी है।

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।

2 यूहन्ना 1:9

मैं तुसा जो बोलदा कि जे अगर कोई मणू मसीह यीशु री शिक्षा पर चलणा छड्डी दिंदा पर तिस शिक्षा बिच अपणी गल्लां भी जोड़ी दिंदा तां तिसेरा परमेश्वर कने कोई रिस्ता नी है। पर जे अगर कोई मणू मसीह री शिक्षा पर बराबर चलदा रैहन्दा तां तिस मणू रा पिता परमेश्वर ते तिन्हेरे पुत्तर मसीह यीशु कने रिस्ता है।