यूहन्ना 8:12 - चम्बयाली नौआ नियम

¹² तां यीशु ने तिन्हा मणूआं जो बोल्लेया, दुनिया री रौसनी मैं है, ते जे कोई मेरे मेरी गल्लां मन्नी करी मेरे पीच्छे चलगा, तिनिये पाप रे न्याहरे बिच नी रैह्णा, पर तिसका हमेसा री जिन्दगी री रौसनी होणी।

यूहन्ना 8:12 ပူးပေါင်းရင်းမြစ်များ

मत्ती 5:14

तुसा दुनिया रे लोक्कां तांइ इक्क लौ सांई हिन, इक्क इदेया सहर जे पहाड़ पर बस्से रा है, जे लूकाया नी जाई सकदा।

लूका 2:32

ताकि मसीह गैर यहूदी मणूआं जो परमेश्वर रा रस्ता दिखाणे वाली रौसनी बणना, ते इस्राएल रे मणू, जे कि तुसा रे अपणे हिन, तिन्हा तांइ ए परमेश्वर री महिमा लियाणे री वजह बणना।

यूहन्ना 12:35

यीशु ने तिन्हा जो बोल्लेया, अवे थोड़ी देर तिकर तुसा रे मझाटे है, जां तिकर रौसनी तुसा रे कन्ने है, तां तिकर चलदे रेयो, इय्यां ना हो कि न्याहरा तुसा जो आई घेरे, जे न्याहरे बिच चलदा से नी जाणदा कि कुते जाया करदा है।

यूहन्ना 12:36

जां तिकर रौसनी तुसा रे कन्ने है, रौसनी पर विश्वास रख्खो ताकि तुसा रौसनी री सतांन बणो। ए गल्लां बोल्ली करी यीशु तित्ते का चली गे ते तिन्हा लोक्कां का दुर रे।

यूहन्ना 12:46

मैं दुनिया बिच रौसनी होई करी आए रा है, ताकि जे कोई मेरे पर विश्वास करे, ओ न्याहरे बिच ना रे

यूहन्ना 14:6

यीशु ने तिसजो बोल्लेया, रस्ता अते सच्चाई ते जिन्दगी मैं ही है, बगैर मेरे कोई पिता-परमेश्वर का नी पूज्जी सकदा।

यूहन्ना 3:19

ते सजा रे हुकम री वजह ए है कि रौसनी दुनिया अन्दर आई, ते मणूआं ने न्याहरे जो रौसनी का प्यारा मन्नेया किजोकी तिन्हेरे कम्म बुरे थिये।

यूहन्ना 7:17

जे कोई मणू परमेश्वर री इच्छा पर चलणा चाए तिसने ए समजी जाणा कि मेरी शिक्षा परमेश्वर रे पास्से का है या मैं अपणी मर्जी कने बोलदा।

यूहन्ना 9:5

जां तांइ मैं दुनिया बिच है, तां तांइ दुनिया री लौं है

प्रेरितां रे कम्म 13:47

किजोकी प्रभु ने असा जो हुकम दित्तेया है, कि मैं तिज्जो गैर यहूदियां रे लोक्कां री लौ ठहराया है, ताकि तू दुनिया रे हर कुणे तांइ छुटकारा रे रस्ते रा जरिया हो।

प्रेरितां रे कम्म 26:23

कि मसीह यीशु जो जुल्म सैहणा पैणे, ते तिन्हा ने ही सबणी का पैल्ले जिन्दे होई करी, असा रे लोक्कां अन्दर ते गैर यहूदी लोक्कां अन्दर रौसनी रा प्रचार करणा ताकि से छुटकारा पाण।

2 पतरस 2:17

ए झूठ्ठे भविष्यद्वक्ता बेकार रे कुएं सांई हिन जे सुकी गेरे हिन। से बरखा होणे का पैल्ले तिस धुंद सांई कुसकी कम्मे रे नी हिन जे हवा कने उड़ाई दित्ती जांदी। परमेश्वर ने तिन्हा तांइ इक्क इदेइ जगाह् तैयार कित्ते री है जे बिल्कुल ही न्याहरी है।

2 पतरस 2:4

तुसा जाणदे कि जां बड़े लम्बे समय पैल्ले शैतान रे दूतां ने परमेश्वर रे हुकम री ना-फरमानी कित्ती थी, तां परमेश्वर तिन्हा जो तिन्हेरे कम्म तांइ सजा दित्ती थी। तिन्हा ने उन्हा सारेयां जो नरक बिच सूटी दित्तेया, ते तित्ते तिस दिन तिकर कैद करी रखणा जां तांइ से तिन्हा का हिसाब-किताब लेई सजा नी दिंदे।

1 यूहन्ना 1:6

जे असी ए बोलण कि असी उसेरे साझी हिन पर असी पाप रे न्याहारे बिच अपणी जिन्दगी जिंदे तां असी झूठ बोल्लेया करदे हिन ते सच रे रस्ते पर नी चलेया करदे हिन,

यहूदा 1:13

जिय्यां समुंद्र री जोरदार छलारां गंदी झाग बणादी तिय्यां ही ए मणू भी शर्मिंदगी भरे कम्म करदे। से मणू सुरुआत ता करदे पर सीद्दे रस्ते पर नी चलदे, से सही रस्ता नी दिखांदे। परमेश्वर ने तिन्हा लोक्कां तांइ इदेइ न्याहरी जगाह् बणाए री है जित्ते तिन्हा लोक्कां जो रख्खेया जाणा।

यहूदा 1:6

याद करो कि प्रभु ने किय्यां तिन्हा शैतान रे दूतां जो सजा दित्ती थी जे अपणी जिम्मेदारी जो नी निभाया पर इसेरे उलट तिन्हा ने अपणे तिस ओह्दे जो छड्डी दित्तेया जे परमेश्वर ने तिन्हा जो सौप्पेयां थिया। परमेश्वर ने इन्हा स्वर्गदूतां जो इक्क न्याहरी जगाह् बिच तिस दिन तिकर झंझिरां कन्ने बन्नी करी रख्खे रा है जां परमेश्वर ने तिन्हा जो गुनेह्गार ठैहराणा।

प्रकाशित वाक्य 21:24

जाति-जाति रे लोक्कां ने तिसेरी रौसनी बिच चलणा-फिरणा, ते धरती रे राज्जेयां ने अपणा अपणा कीमती समान तिस सहर बिच लाणा।