यूहन्ना 8:11 - चम्बयाली नौआ नियम

¹¹ तिस जनानी ने बोल्लेया, ओ प्रभु, कुसकी ने भी नी: यीशु ने बोल्लेया, मैं भी तिज्जो सजा नी दिन्दा। जा, ते फिरी दुबारा पाप मत करदी।

यूहन्ना 8:11 ပူးပေါင်းရင်းမြစ်များ

लूका 13:3

नी पर मैं तुसा जो बोलदा कि जे अगर तुसा अपणे पाप्पां का तौबा ना करो तां तिस्सी तरिक्के कने मुकाए दित्ते जाणे।

लूका 13:5

यीशु ने यरुशलेम रे सबणी मणूआं जो बोल्लेया इदेया किच्‍छ भी नी है तुसा अपणे पाप्पां का तौबा करी लेयो, नी तां तुसा भी तिय्यां ही मरणा।

लूका 15:10

मैं तुसा जो बोलदा, कि इय्यां ही जां कोई मणू पाप्पां जो छड्डी करी परमेश्वर रे रस्ते पर चलणा लग्गी पैन्दा, तां तिसेरे तांइ स्वर्गदूतां रे सामणे उतणी ही खुसियां मनाई जान्दियां।

लूका 15:32

पर अज्ज असा जो तेरे हल्के भ्याल रे हटी आणे री खुसी मनाणा चाएदी किजोकी असा जो लग्गेया थिया कि तेरा हल्का भाई मरी गे रा होणा पर ए जिन्दा है, ए गुआच्ची गे रा थिया, पर अवे वापिस मिली गे रा है।

लूका 15:7

मैं तुसा जो बोलदा, कि इय्यां ही जां कोई मणू अपणे पाप्पां का तौबा करी लिन्दा तां स्वर्ग अन्दर इतणी ही खुसियां मनाई जान्दियां, जितणी कि तिन्हा नढ़िनूए ऐसे धार्मिक मणूआं तांइ नी, जिन्हा जो ए लगदा कि तिन्हा जो मन फिराणे री जरुरत नी है।

लूका 5:32

पर, मैं तिन्हा लोक्कां तांइ नी आया, जे कि भले अते नेक हिन, पर पापियां जो तिन्हेरे पाप्पां का तौबा कराणे तांइ तिन्हा जो सद्दणे तांइ आये रा है

लूका 9:56

ते फिरी से कुसकी होरसी ग्रां बिच चली गे

यूहन्ना 18:36

यीशु ने जवाब दित्तेया, मेरा राज इत्ते रा नी है जे मेरा राज इत्ते रा हुन्दा तां मेरे पीच्छे चलणे वाले ते मेरी शिक्षा पर चलणे वालेयां ने मेरे जो यहूदियां रे हवाले दैणे का बचाणे तांइ लड़ाई करणी थी पर असलियत बिच मेरा राज इत्ते रा नी है।

यूहन्ना 3:17

परमेश्वर ने अपणे पुत्तर जो दुनिया बिच इस तांइ नी भेज्जेया कि दुनिया रे लोक्कां पर सजा रा हुकम दे, पर इस तांइ कि दुनिया रे मणू तिसेरे जरिए छुटकारा पाए।

यूहन्ना 5:14

इन्हा गल्लां रे बाद से मणू यीशु जो मन्दिर रे अंगण बिच मिल्लेया, यीशु ने तिसजों बोल्लेया, दिख्ख, तू ठीक होई गे रा है: फिरी पाप मत करदा, इय्यां न हो कि इसेरे का भी कोई बड्डी मुसीबत तेरे पर आई पे।

यूहन्ना 8:15

तुसा इन्सानी तौर-तरिक्के रे हिसाब कने मेरा हिसाब-किताब करदे, पर मैं कुसकी रा हिसाब-किताब नी करदा।

रोमियों 2:4

कै तुसा परमेश्वर री भलाई, सहनशीलता, ते सबर करणे रे धन्न जो बेकार समजदे? कै तू ए नी समजदा कि परमेश्वर री भलाई तुसा जो पाप्पां का तौबा करणे जो सिखांदी?

1 कुरुन्थियों 5:12

जे मणू विश्वासी नी हिन, तिन्हेरा हिसाब-किताब करणा मेरी जिम्मदारी नी है। पर शायद तुसा इदेय लोक्कां जो सजा देई सकदे जे तुसा री कलीसिया रे हिस्से हिन।

2 पतरस 3:15

असा रे प्रभु रे सबर जो अपणे तांइ इक्क समझो, से तुसा जो तिन्हेरे हिसाब-किताब लैणे का बचणे रा मौक्का देया करदे हिन। ए ही गल्ल असा रा संगी विश्वासी पौलुस भी तुसा जो अपणी तिस समझ रे हिसाब कने चीठ्ठी बिच लिख्खी करी समजाया करदा है जे परमेश्वर ने तिसजो दित्ते री है।