यूहन्ना 7:41 - चम्बयाली नौआ नियम

⁴¹ दुज्जेया ने बोल्लेया, ए मसीह है पर किच्‍छ ने बोल्लेया, किजो? कै मसीह ने गलील प्रदेश का आणा?

यूहन्ना 7:41 ပူးပေါင်းရင်းမြစ်များ

यूहन्ना 1:41

तिसने पहले अपणे सगे भ्याल शमौन जो मिली करी तिसजो बोल्लेया, हमारे जो मसीह मिली गे।

यूहन्ना 1:46

नतनएल ने तिसजो बोल्लेया, कै कोई ठीक चीज भी नासरत का निकली सकदी है? फिलिप्पुस ने तिसजो बोल्लेया, चली करी दिख्खी लै

यूहन्ना 1:49

नतनएल ने तिसजो जवाब दिता, ओ गुरु, तू परमेश्वर रा पुत्तर है, तू इस्राएल रा महाराजा है।

यूहन्ना 4:25

जनानी ने तिसजो बोल्लेया, मैं जाणदी कि मसीह जे ख्रिस्त है, आणे वाला है, जिस बेल्ले तिसने आणा तां सारी गल्लां असा जो दसणियां।

यूहन्ना 4:29

आओ कने इस मणू जो दिखो जिस ने सारा किच्‍छ जे मैं अपणी जिन्दगी बिच कित्ते रा थिया मेरे जो दस्सी दित्ता, कुत्ते ए ही तां मसीह नी है?

यूहन्ना 4:42

अते तिस जनानी जो बोल्लेया, अवे असी तेरे बोलणे कने विश्वास नी करदे किजोकी असी अप्पु ही सुणी लिता कने जाणदे हिन कि ऐई सच्चो ही दुनिया छुटकारा दैणे वाले है।

यूहन्ना 6:69

असा ने तुसा बिच विश्वास कित्या, कने जाणी गे हिन, कि परमेश्वर रा भेज्जे रे पवित्र मसीह तू ही है।

यूहन्ना 7:27

इसजो ता असी जाणदे कि ए कुते रा हैं, पर मसीह जिस मौके आंगा, तां कोई नी जाण्गां कि ओ कुते रा है।

यूहन्ना 7:31

फिरी भी भीड़ बिच का मते लोक्कां ने यीशु पर विश्वास कित्ता, ते ए बोलणा लग्गे, मसीह ने जां आणा तां कै इसका बधी करी चमत्कार दिखाणे जे इन्हा ने दिखाए?

यूहन्ना 7:52

नीकुदेमुस ने यीशु जो जवाब दित्ता, “क्‍या तुसा भी गलील प्रदेश रे हिन? अप्पु ही पवित्रशास्त्र बिच तोप्पि करी समजी जाओ कि गलील प्रदेश का कोई भविष्यद्वक्ता नी बणी सकदा।”