यूहन्ना 7:4 - चम्बयाली नौआ नियम

⁴ किजोकी इदेया कोई नी होणा जे मसहूर होणा चाए, फिरी लुकी करी चिन्ह-चमत्कार करे, पर जां तू ए कम्म करेया ही करदा है तां लोक्कां रे सामणे कर।

यूहन्ना 7:4 ပူးပေါင်းရင်းမြစ်များ

मत्ती 23:5

से ठीक कम्म इधेरे तांइ करदे कि मणू उन्हा जो दिखण, से पवित्रशास्त्र रे लिख्खे री वचनां री लम्बी-लम्बी पट्टियां अपणे जिस्म पर बन्नी करी फिरदे, अते अपणे कपड़ेयां री झालरां जो बड़ा बड्डा करदे।

मत्ती 4:6

उसने यीशु जो बोल्लेया, “जे तू परमेश्वर रा पुत्तर है तां तू इत्ते का छाल मारी करी साबित कर किजोकी पवित्रशास्त्र बिच लिख्खे रा है: तिसने तेरी रक्षा तांइ अपणे स्वर्गदूतां जो हुकम दैणा अते तिन्हा तिज्जो हत्थों हत्थ चुक्की लैणा, ताकि तेरे पैरां पर बट्टे कने चोट भी ना लग्गो।”

मत्ती 6:16

“जां तुसा ब्रत्त रख्खो, तां ढोंगी लोक्कां सांई तुसा रे मुँह नी उत्तरे रे होणे चाएदे, किजोकी से अपणा मुँह उदास बणाई रखदे ताकि सबणी मणूआं जो पता लग्गो कि तिन्हा ने ब्रत्त रख्खे रा है, मैं तुसा जो सच-सच बोलदा कि तिन्हा जो ईनाम बिच सिर्फ लोक्कां री तारिफ ही है।”

मत्ती 6:5

“जां तू प्रार्थना करेया करे, तां ढोंगी लोक्कां सांई लोक्कां री तारिफ तांइ सड़कां रे मौड़ां पर ते सभास्थल बिच मत करदा, मैं तुसा जो सच बोलदा कि इय्यां करणे वाले लोक्कां रा ईनाम सिर्फ लोक्कां री तारिफ ही है।

लूका 6:45

खरा मणू अपणे ठीक मन का ठीक गल्लां ही कडदा, ते बुरा मणू अपणे बुरे मन का बुरी गल्लां ही कडदा किजोकी जिन्हा गल्लां कने तिसेरा मन भरितेरा हुन्दा, तिन्हा ही गल्लां जो मुँह पर लियान्दा

यूहन्ना 18:20

यीशु ने तिसजो जवाब दित्तेया, मैं हमेसा लोक्कां रे सामणे खुली करी गल्ल कित्ती, मैं हमेसा सभास्थल बिच अते मन्दिर बिच, जित्ते सारे यहूदी इकट्ठा हुन्दे उपदेस दित्ती है मैं किच्‍छ भी लुकाई करी नी बोल्लेया

यूहन्ना 7:3

इस तांइ यीशु रे भ्यालां ने तिसजो बोल्लेया, असा जो छडी करी यहूदियां प्रदेश जो चली जा, ताकि जे चिन्ह-चमत्कार तू करदा है, से यहूदियां प्रदेश रे तेरे सारे चेल्‍ले भी दिखण।

यूहन्ना 7:5

किजोकी तिसेरे भ्याल भी तिस पर विश्वास नी करदे थिये।