यूहन्ना 7:37 - चम्बयाली नौआ नियम

³⁷ त्योहर रे आखरी दिन पर, जे खास दिन है, यीशु खड़े होए ते हक्क मारी करी बोल्लेया, जे कोई प्यासा हो तां मेरे का आए ते पिए।

यूहन्ना 7:37 ပူးပေါင်းရင်းမြစ်များ

मत्ती 11:28

ओ सब मैह्नत करणे वालेयों अते बोझ कने दबितेरे मणूओं, मेरे का आओ मैं तुसा जो अराम दिन्गा।

मत्ती 3:3

यूहन्ना बपतिस्मा दैणे वाला से ही मणू जिसेरे बारे अन्दर यशायाह भविष्यद्वक्ता ने पवित्रशास्त्र बिच बोल्लेया थिया, “बियाबान अन्दर कुसकी री अवाज आया करदी है, प्रभु रा रस्ता तैयार करो, तिन्हेरी सड़कां सीद्दी करो।”

मत्ती 5:6

धन्न हिन से, जे धार्मिकता रे भूख्खे अते प्यासे हिन, किजोकी परमेश्वर ने तिन्हा जो रजाणा।

यूहन्ना 1:23

तिसने बोल्लेया जिय्यां यशायाह भविष्यद्वक्ता ने बोल्लेया है; मैं जंगला बिच इक्क अवाज है, कि परमेश्वर रा रस्ता तैयार करो

यूहन्ना 14:6

यीशु ने तिसजो बोल्लेया, रस्ता अते सच्चाई ते जिन्दगी मैं ही है, बगैर मेरे कोई पिता-परमेश्वर का नी पूज्जी सकदा।

यूहन्ना 4:10

यीशु ने जवाब दित्ता, जे तू परमेश्वर रे वरदान जो जाणदी जे से तिज्जो दैणा चाह्‍ंदे, कने ए भी नी जाणदी कि से कुण है जे तिज्जो बोलदा, मेरे जो पाणी पिया, तां तू तिसका मंगदी कने से तिज्जो जिन्दगी रा पाणी दिंदा।

यूहन्ना 4:11

जनानी ने तिसजो बोल्लेया, ओ प्रभु तेरे का तां पाणी भरणे तांइ किच्‍छ है भी नी कने कुआँ डुग्गा है, तां सेह़ जिन्दगी रा पाणी तेरे का कुत्ते का आया?

यूहन्ना 4:14

पर जे कोई तिस पाणी बिच का पिन्गा, जे मैं तिसजो दैणा, तिसजो फिरी कदी भी प्यास नी लगणी पर जे पाणी मैं तिसजो दैणा, तिसेरा उस मणू अन्दर इक्क सोता बणी जाणा जे हमेसा तिकर रैह्णा।

यूहन्ना 5:40

फिरी भी तुसा हमेसा री जिन्दगी पाणे तिकर मेरे का आणा नी चाह्‍ंदे।

यूहन्ना 6:35

यीशु ने तिन्हा जो बोल्लेया, हमेसा री जिन्दगी री रोट्टी मैं ही है: जे मेरे का आंगा से कदी भी भूखा नी रैह्णा ते जेडा मेरे पर विश्वास करगां से कदी भी प्यासा नी रिगां

यूहन्ना 6:37

जिस कुसकी जो मेरा “पिता” मेरे जो दिंदा, से मेरे का आंगा, ते जे कोई मेरे का आदां, तिसजो मैं कदी भी नी नक्कारणा।

यूहन्ना 6:55

किजोकी मेरा सरीर असलियत बिच खाणे री चीज है ते मेरा खून असलियत बिच पीणे री चीज है,

यूहन्ना 7:28

तां यीशु ने मन्दिर रे अंगण बिच उपदेस दिंदे बेल्ले ऊच्ची अवाज बिच बोल्लेया, तुसा मेरे जो जाणदे ते ए भी जाणदे कि मैं कुते का है: मैं अपणे पास्से का नी आया पर मेरा भेजणे वाला सच्चा हैं, तिसजो तुसा नी जाणदे,

1 कुरुन्थियों 10:21

ए मुमकिन नी है कि तुसा इक्क ही समय पर दुष्टात्मा जो चढ़ाए रे कुर्बानी बिच का भी खाओ-पीयो ते कन्ने-कन्ने प्रभु भोज बिच शामिल हो जे असा जो मसीह री मौत रा चेत्ता दुआंदा।

1 कुरुन्थियों 10:4

ते सबणा ने से ही पाणी भी पित्तेया जे परमेश्वर ने सप्पड़ बिच का दित्तेया थिया। ते से सप्पड़ मसीह यीशु री बराबरी बिच भी है जे तिन्हा लोक्कां कने तिन्हेरे सफर बिच कन्ने-कन्ने थी ते जिनिये तिन्हा जो जिन्दगी भी दित्ती।

1 कुरुन्थियों 11:25

जां से खाई बैठ्ठे तां तिन्हा ने से कटोरे बिच अंगूर रा रस्स भरी करी लेई आए, “ए कटोरा मेरे खून बिच इक्क नौई वाचा है, जां कदी भी पीयो तां मेरी याद बिच इय्यां ही करेया करो।”

1 कुरुन्थियों 12:13

तिय्यां ही असी सारे जणे चाए यहूदी या गैर यहूदी, चाए गुलाम हो या अजाद, असी सारेयां रा इक्क ही सरीर बिच इक्क बणी जाणे तांइ तिस ही आत्‍मा रे जरिये बपतिस्मा होए रा है ते असी सारेयां ने इक्क ही आत्‍मा पाए रा है।

इफिसियों 5:18

सराब पी करी मतवाल्ले मत बणो किजोकी इस कने बेकाबू होई करी बेशर्मी रे गलत कम्म हुंदे। पर इसेरे बजाए पवित्रात्मा रे काबू बिच जिन्दगी बिताओ,

प्रकाशित वाक्य 21:6

फिरी तिन्हा ने मेरे जो बोल्लेया, ए गल्लां पूरी होई गे री हिन, मैं अल्फा ते ओमेगा, आदी ते अंत है। जिस कुसकी ने भी प्यासे होणा, मैं तिसजो तिस झरने बिच का से पाणी पुआणा जे हमेसा री जिन्दगी दिंदा।

प्रकाशित वाक्य 22:1

तां मेरे जो स्वर्गदूत ने से पाणी दिखाया जे हमेसा री जिन्दगी दैणे वाला पाणी केहलांदा, ते से पाणी सीसा सांई साफ थिया। ते तिस पाणी रा जरिया परमेश्वर रा सिंहासन है जे उरणू रा भी सिंहासन है।

प्रकाशित वाक्य 22:17

पवित्रात्मा ते उरणू री नौई लाड़ी यीशु जो बोलदे, “तुसां रा आणा जरुरी है।” हर बसेख जो सुनणे वाले हर इक्क मणू जो बोलणा जरुरी है, “आ!” जे कोई भी प्यासा है से जरुर आए ते तिस पाणी जो अपणाए जिस कने मुफ्त बिच जिन्दगी मिलदी।