यूहन्ना 7:36 - चम्बयाली नौआ नियम

³⁶ ए कै गल्ल है जे उन्हा ने बोल्ली, कि तुसा मेरे जो तोपणा पर नी मिलणा ते जित्ते मैं है, उत्ते तुसा नी आई सकदे?

यूहन्ना 7:36 ပူးပေါင်းရင်းမြစ်များ

यूहन्ना 12:34

इस पर लोक्कां ने तिसजो बोल्लेया, असा ने पवित्रशास्त्र री ए गल्ल सुणे री है, कि मसीह ने हमेसा जिन्दे रैह्णा, फिरी तू किय्यां बोलदा कि मणू रे पुत्तर जो उच्चे पर चढ़ाया जाणा ज़रुरी है? ए मणू रा पुत्तर, कुण है?

यूहन्ना 13:33

ओ मेरे प्रियों, मैं होर थोड़ी हाण तुसा रे कने है: फिरी तुसा मेरे जो तोपणा, ते जिय्यां यहूदियां जो बोल्लेया, जित्ते जाया करदा है तित्ते तुसा नी आई सकदे, तिय्यां ही मैं तुसा जो भी बोलदा

यूहन्ना 3:4

नीकुदेमुस ने तिसका पुछया, मणू जिस बेल्ले सयाणा होई जाए तां से दुबारा किय्यां जमी सकदा? कै से अपणी मां रे पेट्टा बिच दुबारा जाई करी जन्म लेई सकदा?

यूहन्ना 3:9

नीकुदेमुस ने जवाब दित्ता ए गल्लां कियां होई सकदीयां?

यूहन्ना 6:41

फिरी यहूदी मणू यीशु पर बुड़बुड़ाणे लग्गे, इस तांइ कि तिन्ही बोल्लेया थिया कि जेडी रोट्टी स्वर्ग का उतरी है, से मैं है

यूहन्ना 6:52

इस पर यहूदी मणू ए बोल्ली करी अप्पु मिते लडने लगे, कि ए मणू किय्यां अपणा सरीर खाणे जो देई सकदा।

यूहन्ना 6:60

तिसेरे दूए चेल्‍ले बिच मत्ते जणे ने ए सुणी करी बोल्ले, कि ए गल्ल तां मनणे तांइ मुस्किल है ते इसजो कुण सुणी सकदा?

यूहन्ना 7:34

तुसा मेरे जो तोपणा, पर मैं नी मिलणा, ते जित्ते मैं है, उत्ते तुसा नी आई सकदे

यूहन्ना 8:21

यीशु ने फिरी तिन्हा जो बोल्लेया, मैं जान्दा ते तुसा ने मेरे जो तोपणा, पर तुसा अपणे पाप री माफी पाए बगैर ही मरी जाणा: जित्ते मैं जादां तित्ते तुसा नी आई सकदे।

1 कुरुन्थियों 2:14

पर कोई अविश्वासी मणू परमेश्वर रे आत्‍मा री शिक्षां जो नी अपणांदा, किजोकी से शिक्षां तिसेरी नजरां बिच बेवकूफी री गल्लां हिन, अते ना ही से मणू सही या गलत गल्लां बिच फैसला नी लेई पांदे। किजोकी से मणू आत्मिक गल्लां जो सिर्फ तां ही समजी सकदे जे अगर तिन्हा का पवित्रात्मा हो।