यूहन्ना 7:30 - चम्बयाली नौआ नियम

³⁰ इस पर तिन्हा यहूदी अधिकारियां ने यीशु जो गिरफ्तार करणा चाएया, पर तां भी कुसकी ने भी उन्हा पर हत्थ नी पाया किजोकी तिन्हेरा गिरफ्तार होणे रा वक्त हल्ले तिकर नी आया थिया।

यूहन्ना 7:30 ပူးပေါင်းရင်းမြစ်များ

मत्ती 12:14

फिरी फरीसी तित्ते का बाहर निकली आये अते यीशु जो मारणे तांइ कोई तरकिब सोच्चणा लग्गे।

मत्ती 21:46

ते तिन्हा ने तिन्हेरे जो पकड़ना चाएया पर लोक्कां का डरी गे किजोकी से तिन्हेरे जो भविष्यद्वक्ता मनदे थिये।

मरकुस 11:18

मन्दिर बिच यीशु ने जे किच्‍छ कित्तेया थिया जां बड्डे पुरोत्तां ते शास्त्रियां ने से सूणेया तां तिन्हा जो मारणे री साजिश करणा लग्गे। से मणू यीशु जो पकड़ने का डरदे थिये किजोकी कि बाकि सारे मणू तिन्हेरे उपदेस का हैरान हुन्दे थिये।

लूका 20:19

तिस्सी बेल्ले शास्त्रि अते बड्डे पुरोत्त ने कोई तिगड़म लाई करी यीशु जो पकड़ी लैणा चाह्‍ंदे थिये किजोकी से समजी गेरे थिये, कि यीशु ने से उदारण तिन्हेरे ही खिलाफ बोल्लेया पर से मणूआं का डरदे थिये।

लूका 22:53

जां मैं तुसा कने मन्दिर अन्दर हुन्दा थिया, तुसा ने मेरे जो तां किजो नी पकड़ेया? पर अज्ज ए तुसा रा बेल्ला है, अते निहारे रा राज करणे रा बेल्ला है।

यूहन्ना 10:31

यहूदियां ने यीशु जो मारणे तांइ फिरी बट्टे चुक्के।

यूहन्ना 10:39

तां तिन्हा ने फिरी यीशु जो पकड़ने री कोसीस कित्ती पर से तिन्हेरे हत्थां का निकली गे।

यूहन्ना 11:57

बड्डे पुरोत्तां ते फरीसियां ने ए हुकम देई रखे रा थिया कि जै जाणदा हो कि यीशु कुते है ओ दस्से, ताकि ओ तिसजो पकड़ी सकण।

यूहन्ना 7:19

मूसा ने तुसा जो कानून दित्तेया पर तां भी तुसा बिच का कुसकी ने परमेश्वर रे कानून जो नी मन्नेया पर तुसा मेरे जो मारणे री कोसीस करेया करदे हिन।

यूहन्ना 7:32

फरीसी ने लोक्कां जो उन्हेरे बारे बिच ए गल्लां लुकी करी करदे सुणेयां ते बड्डे पुरोत्तां ते फरीसी ने तिन्हेरे जो पकड़ने तांइ मन्दिर रे सिपाई भेज्जे।

यूहन्ना 7:6

तां यीशु ने तिन्हा जो बोल्लेया, मेरे जाणे रा बेल्ला हल्ले नी आया, पर तुसा जाई सकदे।

यूहन्ना 7:8

तुसा त्याहार बिच जाई आओ, मैं हल्ले इस त्याहार बिच नी जाणा, किजोकी हल्ले तिकर मेरे जाणे रा समय नी आए रा है।

यूहन्ना 8:20

ए गल्लां तिन्हा ने मन्दिर रे अंगण बिच उपदेस दिन्दे होए भण्डार घर बिच बोल्ली, कने कुसी ने तिसजो नी पकड़ेया किजोकी तिसेरा हल्ले तिन्हेरा पकड़ी करी सताए ते मारे जाणे रा बेल्ला नी आया थिया।

यूहन्ना 8:37

मैं जाणदा कि तुसा अब्राहम रे ‍खानदान का हिन तां भी तांइ तुसा मेरे जो मारी रखणा चाह्‍ंदे किजोकी मेरी शिक्षा जो नी मनदे।

यूहन्ना 8:59

तां तिन्हा ने उन्हेरे जो मारणे तांइ बट्टे चुक्के, पर यीशु लुकी करी मन्दिर रे अंगण का निकली गे।

यूहन्ना 9:4

जिनिए मेरे जो भेज्जे रा है, असा जो तिन्हेरा कम्म दिन रैहन्दे ही करणा जरुरी है।