यूहन्ना 7:3 - चम्बयाली नौआ नियम

³ इस तांइ यीशु रे भ्यालां ने तिसजो बोल्लेया, असा जो छडी करी यहूदियां प्रदेश जो चली जा, ताकि जे चिन्ह-चमत्कार तू करदा है, से यहूदियां प्रदेश रे तेरे सारे चेल्‍ले भी दिखण।

यूहन्ना 7:3 ပူးပေါင်းရင်းမြစ်များ

मत्ती 12:46

जां से मणूआं री भीड़ कने गल्लां करेया करदे थिये कि यीशु री मां अते भाई तित्ते आई करी बाहर खड़े होई गे अते से यीशु कने गल्ल करणे तांइ भालेया करदे थिये।

मरकुस 3:21

जां उन्हेरे रिस्तेदारां ने ए सूणेया, ते से यीशु जो पकड़ने ताइं निकले किजोकी से बोलदे थिये कि उन्हेरा दमाग ठिकाणे नी है।

मरकुस 3:31

तां यीशु री माता ते छोटे भाई आए, ते बाह्र खड़े होई गे, ते उन्हा ने यीशु जो बाह्र सद्दणे तांइ कुसकी जो भेज्जेया।

लूका 8:19

इक्क रोज यीशु री मां अते तिन्हेरे भ्याल तिन्हा कने मिलणे जो आये, पर मणूआं री भीड़ इतणी जादा थी कि से तिन्हा का पूज्जी नी सके।

लूका 8:20

फिरी कुसकी ने तिन्हा जो बोल्लेया, तुसा री मां अते भ्याल बाहर खड़ितेरे हिन से तुसा रे कने मिलणा चाहन्देे हिन

यूहन्ना 2:2

यीशु कने तिसेरे चेल्‍ले भी तिस ब्याह बिच सद्दे रे थिये

यूहन्ना 6:60

तिसेरे दूए चेल्‍ले बिच मत्ते जणे ने ए सुणी करी बोल्ले, कि ए गल्ल तां मनणे तांइ मुस्किल है ते इसजो कुण सुणी सकदा?

यूहन्ना 6:66

इसेरे बाद यीशु रे दूए मते चेल्‍ले तिन्हा जो छड्डी करी चली गे, ते तिन्हेरी गल्लां जो मनणा छड्डी दित्तेया।

यूहन्ना 7:10

पर जां तिसेरे भ्याल त्याहार बिच चली गे, तां से अप्पु ही चुपचाप लुक्दे-लुक्दे गेया।

यूहन्ना 7:4

किजोकी इदेया कोई नी होणा जे मसहूर होणा चाए, फिरी लुकी करी चिन्ह-चमत्कार करे, पर जां तू ए कम्म करेया ही करदा है तां लोक्कां रे सामणे कर।

यूहन्ना 7:5

किजोकी तिसेरे भ्याल भी तिस पर विश्वास नी करदे थिये।

प्रेरितां रे कम्म 2:14

तां पतरस तिन्हा ग्याराह प्रेरितां कने खड़ित्ता ते ऊच्ची अवाज बिच बोलणा लग्गेया, ओ यहूदियां ते ओ यरुशलेम सहर रे सारे रैह्णे वालेयों, ए जाणी लेयो, ते कान्न लाई करी मेरी गल्लां सुणो,