यूहन्ना 7:29 - चम्बयाली नौआ नियम

²⁹ पर मैं तिसजो जाणदा, किजोकी मैं तिसेरे पास्से का है ते तिसने मेरे जो भेज्जे रा हैं।

यूहन्ना 7:29 ပူးပေါင်းရင်းမြစ်များ

मत्ती 11:27

मेरे परम पिता ने सब किच्‍छ मेरे हवाले करी दित्तेया, अते कोई पुत्तर जो नी जाणदा, सिर्फ परम पिता जाणदा अते कोई परम पिता जो नी जाणदा, सिर्फ पुत्तर जाणदा, अते हर इक्क से मणू परम पिता जो जाणदा, जिस पर पुत्तर तिसजो जाहिर करणा चाए।

यूहन्ना 1:18

परमेश्वर जो कदी कुसकी ने नी दिख्खेया पर इकलौते पुत्तर ने जे अप्पु ही परमेश्वर है, ते पिता रे सबका जादा करीब है। तिन्हा ने ही असा पर परमेश्वर जो प्रकट कित्ते रा है।

यूहन्ना 10:15

जिय्यां प्यो मेरे जो जाणदा ते मैं प्यो जो जाणदा, ते मैं अपणी भेड़ां तांइ हमेसा जान दैणे तांइ तैयार रैहन्दा।

यूहन्ना 13:3

यीशु ने ए जाणी करी कि पिता ने सब किच्‍छ मेरे हक बिच देई दित्ते रा है, ते से परमेश्वर रे पास्से का आया ते परमेश्वर का हटेया करदा है,

यूहन्ना 17:18

जिय्यां तुसा ने मेरे जो दुनिया अन्दर भेज्जेया, तिय्यां ही मैं भी इन्हा जो दुनिया अन्दर भेज्जेया।

यूहन्ना 6:46

इय्यां नी है कि कुसकी ने भी “पिता” जो नी दिख्खेया, पर मैं परमेश्वर जो दिख्खे रा है, जे अप्पु परमेश्वर रे पास्से का आए रा है।

यूहन्ना 8:55

तुसा तां तिन्हा जो नी जाणदे: पर मैं तिन्हा जो जाणदा, पर जे अगर मैं बोल्लां कि मैं तिन्हा जो नी जाणदा, तां मैं तुसा सांई झूठ्ठा ठैहरणा, पर मैं तिन्हा जो जाणदा ते तिन्हेरी शिक्षा जो मनदा।

1 यूहन्ना 1:2

से इस दुनिया रे लोक्कां बिच आया ते असा बिच मझाटे रेया, ते असा ने तिसजो दिख्खेया, असी तिसेरे गवाह हिन, अते अवे असी तुसा जो तिस्सी हमेसा री जिन्दगी रा सुब बसेख देया करदे हिन, जे पिता कने थिया अते असा पर प्रकट होया।

1 यूहन्ना 4:14

ते असा ने पुत्तर जो अपणी हाख्खियां कने दिख्खी भी लित्ता ते गवाई दिन्दे कि पिता परमेश्वर ने पुत्तर जो दुनिया रे लोक्कां रा छुटकारा दैणे वाला बणाई करी के भेज्जे रा है।

1 यूहन्ना 4:9

जे प्यार परमेश्वर असा कने करदा, से इस कने जाहिर होया कि परमेश्वर ने अपणे इक्को ही इक्क निक्के जो दुनिया अन्दर भेज्जे रा है कि असी तिसेरे जरिए हमेसा री जिन्दगी हासिल करण।