यूहन्ना 7:20 - चम्बयाली नौआ नियम

²⁰ लोक्कां ने यीशु जो जवाब दिता, “तेरे बिच तां दुष्टात्मा है! कुण तुसा जो मारणा चाहन्दा?”

यूहन्ना 7:20 ပူးပေါင်းရင်းမြစ်များ

मत्ती 10:25

चेल्‍ले तांइ ए काफी है कि से अपणे गुरु रे बराबर है, अते नौक्कर तांइ ए कि से अपणे मालक रे बराबर है, जे तिन्हा घरे रे मालक जो दुष्टात्मां रा सरदार बोल्ली दित्तेया तां घरे रे दूज्जेयां लोक्कां जो कै किच्‍छ नी बोलणा।

मत्ती 12:24

जां फरीसियां ने ए सूणेया तां से बोलणा लग्गे, ए तां दुष्टात्मा जो, दुष्टात्मां रे सरदार री मदत कने कड़दा।

मत्ती 9:34

पर फरीसी मणू बोलणा लग्गे, ए तां दुष्टात्मा रे सरदार री मदत कने दुष्टात्मा जो कड्डदा।

मरकुस 3:30

किजोकी से मणू ए बोलदे थिये कि उस बिच दुष्टात्मा है।

यूहन्ना 10:20

तिन्हा बिच का मते सारे बोलण लग्गे, तिन्हा बिच दुष्टात्मा है, ते से पागल हिन, तिन्हेरी मत सुणो।

यूहन्ना 8:48

ए सुणी करी यहूदियां ने तिन्हा जो बोल्लेया, कै असी ठीक नी बोलदे कि तू सामरिया प्रदेश रा है, ते तेरे बिच दुष्टात्मा है?

यूहन्ना 8:49

यीशु ने जवाब दित्ता, मेरे बिच दुष्टात्मा नी पर मैं प्यो री बड़ाई करदा ते तुसा मेरी बेजती करदे,

यूहन्ना 8:52

यहूदियां ने तिन्हा जो बोल्लेया, अवे असी जाणी लित्ता की तेरे अन्दर दुष्टात्मा है, अब्राहम मरी गेया, ते भविष्यद्वक्ता भी मरी गे, ते तुसा बोलदे जे कोई मेरे शिक्षा जो मनगा, तिसने कदी भी नी मरणा।

प्रेरितां रे कम्म 26:24

जिस बेल्ले पौलुस इस तरिक्के कने जवाब देया करदा थिया, तां फेस्तुस ने ऊच्ची अवाज अन्दर बोल्लेया, ओ पौलुस, तू पागल है मते सारे ज्ञान ने तिज्जो पागल करी दित्ते रा है।