यूहन्ना 7:19 - चम्बयाली नौआ नियम

¹⁹ मूसा ने तुसा जो कानून दित्तेया पर तां भी तुसा बिच का कुसकी ने परमेश्वर रे कानून जो नी मन्नेया पर तुसा मेरे जो मारणे री कोसीस करेया करदे हिन।

यूहन्ना 7:19 ပူးပေါင်းရင်းမြစ်များ

मत्ती 12:14

फिरी फरीसी तित्ते का बाहर निकली आये अते यीशु जो मारणे तांइ कोई तरकिब सोच्चणा लग्गे।

मत्ती 21:38

पर किसानां ने तिस मुडें जो दिख्खी करी अप्पु बिच बोल्लेया, ए तां वारिस है, आओ, इसजो मारी रखदे ते इसेरी मिरास लेई लिदें।

मरकुस 11:18

मन्दिर बिच यीशु ने जे किच्‍छ कित्तेया थिया जां बड्डे पुरोत्तां ते शास्त्रियां ने से सूणेया तां तिन्हा जो मारणे री साजिश करणा लग्गे। से मणू यीशु जो पकड़ने का डरदे थिये किजोकी कि बाकि सारे मणू तिन्हेरे उपदेस का हैरान हुन्दे थिये।

मरकुस 3:4

ते यीशु ने तिन्हा लोक्कां का पूच्छेया, “मूसा रे कानून रे हिसाब कने विश्राम दिन भलाई करणा ठीक है या बुराई करणा? जान बचाणा या मारणा?” पर से मणू चुप रे।

मरकुस 3:6

फिरी फरीसी तित्ते का बाह्रर जाई करी तिस्सी बेल्ले राजा हेरोदेस रे झुण्ड रे लोक्कां कने मिली करी यीशु रे खलाफ सलाह करणा लग्गे कि से किय्यां तिन्हा जो मारी सकदे।

यूहन्ना 1:17

इस तांइ कि मूसा रा कानून तां मूसा रे पास्से का दित्तेया गेरे थिया पर परमेश्वर ने यीशु मसीह रे जरिए अनुग्रह कने सच्चाई लोक्कां पर ज़ाहिर कित्ती।

यूहन्ना 10:39

तां तिन्हा ने फिरी यीशु जो पकड़ने री कोसीस कित्ती पर से तिन्हेरे हत्थां का निकली गे।

यूहन्ना 11:53

अते उसी दिन का से यहूदी अधिकारी यीशु जो मारणे री तरकिब्बां बनाणा लग्गी पये।

यूहन्ना 5:16

इसेरी वजह कने यहूदी यीशु जो सताणा लगे किजोकी से इदेय कम्म विश्राम दिन पर करदा थिया।

यूहन्ना 5:18

इस वजह कने यहूदी होर भी बधी करी तिसजो मारणे री कोसीस करणा लगे किजोकी सेह न सिर्फ विश्राम दिन रे रीति रीवाज जो तोडदा थिया पर परमेश्वर जो अपणा बाबा बोल्ली करी अप्पु जो परमेश्वर रे बराबर करदा थिया।

यूहन्ना 5:45

इय्यां मत समझो कि मैं बाबे रे सामणे तुसा पर दोष लगांगा, तुसा पर दोष लगाणे वाला तां मूसा है जिस पर तुसा आस लाई करी बैठ्ठे रे हिन।

यूहन्ना 7:1

इन्हा गल्लां रे बाद यीशु गलील प्रदेश बिच फिरदे रे, किजोकी यहूदी तिन्हा जो मारणे रा मौका थिये तोपदे, इस तांइ से यहूदियां प्रदेश बिच फिरणा नी चाह्‍ंदे थिये,

यूहन्ना 7:25

तां किच्‍छ यरुशलेम सहर रे मणू अप्पु अंदर बोलणा लग्गे “क्‍या ए से ही नी, जिस जो मारणे रा कोसीस यहूदी अधिकारी करेया करदे हिन?”

प्रेरितां रे कम्म 7:38

ए से ही मूसा है, जिस ने बियाबान बिच इस्राएली मणूआं रे बिच-मझाटे तिस स्वर्गदूत कने सीने पहाड़ पर कने गल्लां कित्ती ते असा रे पूरखां कने थिया, तिसी जो जिन्दगी दैणे वचन मिल्ले कि असा तिकर पूजाए।

गलातियों 3:19

तां फिरी परमेश्वर रा मूसा रे जरिये इस्राएल रे लोक्कां जो कानून दैणे रा कै मकसद थिया? लोक्कां जो ए एहसास कराणे तांइ कि से किन्ने जादा पाप्पी हिन, से कानून दित्तेया गेया, ताकि मूसा रा कानून अब्राहम री औलाद रे आणे तिकर रे जे मसीह हिन ते जिसेरे बारे बिच परमेश्वर ने वादा कित्तेया थिया। मूसा जो कानून स्वर्गदूतां री मदद कने दित्तेया गेया थिया, ते मूसा परमेश्वर ते इस्राएल देस रे लोक्कां बिच इक्क बिचौल्ला बणी गेया।

गलातियों 6:13

किजोकी यहूदी विश्वासी जो अप्पु ता मूसा रे कानून पर नी चलदे, पर तुसा रा खतना इधेरे तांइ कराणा चाह्‍ंदे कि तुसा रे सरीर री हालत पर घमंड करण।