यूहन्ना 7:14 - चम्बयाली नौआ नियम

¹⁴ फिरी जां त्योहर रे अद्दा दिन बीती गे तां यीशु मन्दिर रे अंगण बिच जाई करी लोक्कां जो शिक्षा दैणा लग्गे।

यूहन्ना 7:14 ပူးပေါင်းရင်းမြစ်များ

मत्ती 21:12

यीशु ने परमेश्वर रे मन्दिर बिच जाई करी तिन्हा सारेयां जो, जे सभास्थल बिच लैण दैण करदे थिये, कड्डी दित्ता, ते सर्राफेयां रे पीढ़े ते कबूतर बेचणे वालेयां री चौकियां पलटी दित्ती।

मत्ती 26:55

तिस बेल्ले यीशु ने भीड़ जो बोल्लेया, कै तुसा तलवारां ते लाठियां लेई करी मेरे जो डाकू सांई पकड़ने तांइ निकले रे हिन? मैं हर रोज मन्दिर बिच बेई करी उपदेस देया करदा थिया ते तुसा मेरे जो नी पकड़ेया।

लूका 19:47

इसका बाद यीशु हर रोज मन्दिर बिच उपदेस दैणे लगे पर बड्डे पुरोत्त शास्त्रियहूदी लोका रे प्रधान यीशु जो मारणे री सलाह करणा लगे

यूहन्ना 18:20

यीशु ने तिसजो जवाब दित्तेया, मैं हमेसा लोक्कां रे सामणे खुली करी गल्ल कित्ती, मैं हमेसा सभास्थल बिच अते मन्दिर बिच, जित्ते सारे यहूदी इकट्ठा हुन्दे उपदेस दित्ती है मैं किच्‍छ भी लुकाई करी नी बोल्लेया

यूहन्ना 5:14

इन्हा गल्लां रे बाद से मणू यीशु जो मन्दिर रे अंगण बिच मिल्लेया, यीशु ने तिसजों बोल्लेया, दिख्ख, तू ठीक होई गे रा है: फिरी पाप मत करदा, इय्यां न हो कि इसेरे का भी कोई बड्डी मुसीबत तेरे पर आई पे।

यूहन्ना 7:2

फिरी यहूदियां प्रदेश रे तम्बू रा त्योहर नेड़े थिया।

यूहन्ना 7:28

तां यीशु ने मन्दिर रे अंगण बिच उपदेस दिंदे बेल्ले ऊच्ची अवाज बिच बोल्लेया, तुसा मेरे जो जाणदे ते ए भी जाणदे कि मैं कुते का है: मैं अपणे पास्से का नी आया पर मेरा भेजणे वाला सच्चा हैं, तिसजो तुसा नी जाणदे,

यूहन्ना 7:37

त्योहर रे आखरी दिन पर, जे खास दिन है, यीशु खड़े होए ते हक्क मारी करी बोल्लेया, जे कोई प्यासा हो तां मेरे का आए ते पिए।

यूहन्ना 8:2

कने भ्यागा-भ्यागा यीशु फिरी मन्दिर रे अंगण बिच आए, ते मते सारे मणू तिसका आए, ते से बेई करी तिन्हा जो उपदेस दैणे लग्गे।

यूहन्ना 8:20

ए गल्लां तिन्हा ने मन्दिर रे अंगण बिच उपदेस दिन्दे होए भण्डार घर बिच बोल्ली, कने कुसी ने तिसजो नी पकड़ेया किजोकी तिसेरा हल्ले तिन्हेरा पकड़ी करी सताए ते मारे जाणे रा बेल्ला नी आया थिया।