यूहन्ना 7:12 - चम्बयाली नौआ नियम

¹² फिरी लोकां ने तिसेरे बारे चोरी-चोरी बड़ी गल्लां कित्ती थोड़े बोलदे थिये से खरा मणू है, ते थोड़े बोलदे थिये नां से मणूआं जो बैह्कांदा

यूहन्ना 7:12 ပူးပေါင်းရင်းမြစ်များ

मत्ती 10:25

चेल्‍ले तांइ ए काफी है कि से अपणे गुरु रे बराबर है, अते नौक्कर तांइ ए कि से अपणे मालक रे बराबर है, जे तिन्हा घरे रे मालक जो दुष्टात्मां रा सरदार बोल्ली दित्तेया तां घरे रे दूज्जेयां लोक्कां जो कै किच्‍छ नी बोलणा।

मत्ती 21:46

ते तिन्हा ने तिन्हेरे जो पकड़ना चाएया पर लोक्कां का डरी गे किजोकी से तिन्हेरे जो भविष्यद्वक्ता मनदे थिये।

मत्ती 27:63

ओ महाराज, असा जो याद है की तिस भरमाणे वाले ने जां से जिन्दा थिया, बोल्लेया थिया, मैं मेरे मरणे रे बाद तिज्जे दिन पर जिन्दा होई जाणा।

लूका 18:19

यीशु ने बोल्लेया, तू मेरे जो उत्तम किजो है बोल्दा? सिर्फ परमेश्वर ही उत्तम है!

लूका 23:47

तां रोमी सपाईयां रे हिसाब ने जे किच्‍छ भी होया थिया तिसजो दिख्खेया अते परमेश्वर री तारिफ करदे बोल्लेया पक्का ए इक्क धार्मिक मणू थिया।

लूका 23:50

तित्ते यूसुफ ना रा यहूदी महासभा रा इक्क बन्दा थिया, से बड़ा खरा मणू थिया।

लूका 6:45

खरा मणू अपणे ठीक मन का ठीक गल्लां ही कडदा, ते बुरा मणू अपणे बुरे मन का बुरी गल्लां ही कडदा किजोकी जिन्हा गल्लां कने तिसेरा मन भरितेरा हुन्दा, तिन्हा ही गल्लां जो मुँह पर लियान्दा

लूका 7:16

ए दिख्खी करी मणू डरी गे, अते परमेश्वर री बड़ाई करी के बोल्णा लगे कि, इक्क बड्डा भविष्यद्वक्ता असा का आए रा है, परमेश्वर ने अपणे लोक्कां पर बड़ी दया कित्ती है।

यूहन्ना 6:14

तां जे चमत्कार तिसने करी दखाया तिसजो दिख्खी करी मणू बोलणा लगे, से भविष्यवाणी करणे वाला जे दुनिया अन्दर आणे वाले थिया, पक्का ऐई है

यूहन्ना 7:32

फरीसी ने लोक्कां जो उन्हेरे बारे बिच ए गल्लां लुकी करी करदे सुणेयां ते बड्डे पुरोत्तां ते फरीसी ने तिन्हेरे जो पकड़ने तांइ मन्दिर रे सिपाई भेज्जे।

यूहन्ना 7:47

फरीसी मणूआं ने तिन्हा जो जवाब दित्ता, कै तुसा भी बैह्की गेरे हिन?

यूहन्ना 7:52

नीकुदेमुस ने यीशु जो जवाब दित्ता, “क्‍या तुसा भी गलील प्रदेश रे हिन? अप्पु ही पवित्रशास्त्र बिच तोप्पि करी समजी जाओ कि गलील प्रदेश का कोई भविष्यद्वक्ता नी बणी सकदा।”

यूहन्ना 9:16

इस पर किच्‍छ फरीसी बोलणा लग्गे, ए मणू परमेश्वर रे पास्से का नी है किजोकी से विश्राम दिन नी मनदा, दूज्जेयां ने बोल्लेया, पाप्पी मणू इदेय चमत्कार किय्यां दिखाई सकदा? अते तिन्हा बिच फूट पेई गेई।

प्रेरितां रे कम्म 11:24

बरनबास इक्क भला मणू थिया, ते पवित्रात्मा रे वस बिच थिया, ते बड़े मणूआं ने प्रभु जी जो अपणाया

रोमियों 5:7

कुसकी धार्मिक मणू तांइ अपणी जान दैणा ता कुसकी तांइ मुस्किल होई सकदा। पर शायद कोई जणा कुसकी भले मणू तांइ अपणी जान दैणे तांइ तैयार होई भी जाए।

फिलिप्पियों 2:14

सारे कम्म बगैर कुडकुडाए ते बगैर कुसकी बैसहबाजी रे करेया करो।