यूहन्ना 7:1 - चम्बयाली नौआ नियम

¹ इन्हा गल्लां रे बाद यीशु गलील प्रदेश बिच फिरदे रे, किजोकी यहूदी तिन्हा जो मारणे रा मौका थिये तोपदे, इस तांइ से यहूदियां प्रदेश बिच फिरणा नी चाह्‍ंदे थिये,

यूहन्ना 7:1 ပူးပေါင်းရင်းမြစ်များ

मत्ती 10:23

जां भी से तुसा जो इस सहर बिच तंग करो, तां दूज्जे सहर नह्स्सी जायो किजोकी मैं तुसा जो सच बोलदा इसका पैल्ले तुसा इस्राएल रे सब सहरां बिच जाणा खत्म करो मणू रे पुत्तर जे मैं ही है, ने आई जाणा।

मत्ती 21:38

पर किसानां ने तिस मुडें जो दिख्खी करी अप्पु बिच बोल्लेया, ए तां वारिस है, आओ, इसजो मारी रखदे ते इसेरी मिरास लेई लिदें।

मरकुस 11:18

मन्दिर बिच यीशु ने जे किच्‍छ कित्तेया थिया जां बड्डे पुरोत्तां ते शास्त्रियां ने से सूणेया तां तिन्हा जो मारणे री साजिश करणा लग्गे। से मणू यीशु जो पकड़ने का डरदे थिये किजोकी कि बाकि सारे मणू तिन्हेरे उपदेस का हैरान हुन्दे थिये।

यूहन्ना 1:19

यूहन्ना री गवाई ए है कि जिस बेल्ले यहूदी अधिकारियां ने यरुशलेम सहर रे लेवी पुरोत्तां ते लेवी गोत्र रे लोक्कां जो तिसका ए पूछने जो भेज्जेया “तू कुण है।”

यूहन्ना 4:3

तां से अपणे चेल्‍लेयां कने यहूदियां प्रदेश जो छडी करी फिरी गलील प्रदेश जो चली पये।

यूहन्ना 4:54

ए दूज्जी निशानी थी जे यीशु ने यहूदियां प्रदेश का गलील प्रदेश जो हटी आणे का बाद कित्ता थिया।

यूहन्ना 6:1

इनाह् गल्लां रे बाद यीशु गलील प्रदेश री झीला मतलब की तिबिरियुस री झीला रे पार चली गे

यूहन्ना 7:11

तां यहूदी त्योहर अन्दर यीशु जो ए बोल्ली करी तोपणा लगे, “से कुते है?”

यूहन्ना 7:13

तां भी यहूदी अधिकारियां रे डरे रे मारे मते मणू यीशु रे हित बिच गल्ल नी करदे थिये।

यूहन्ना 7:19

मूसा ने तुसा जो कानून दित्तेया पर तां भी तुसा बिच का कुसकी ने परमेश्वर रे कानून जो नी मन्नेया पर तुसा मेरे जो मारणे री कोसीस करेया करदे हिन।

यूहन्ना 7:25

तां किच्‍छ यरुशलेम सहर रे मणू अप्पु अंदर बोलणा लग्गे “क्‍या ए से ही नी, जिस जो मारणे रा कोसीस यहूदी अधिकारी करेया करदे हिन?”

यूहन्ना 7:35

इस पर यहूदियां अधिकारियां ने अप्पु बिच बोल्लेया, इन्हा ने कुते जाणा कि असी इन्हा जो तोपी नी सकदे? कै ए तिन्हा यहूदी लोक्कां का जांगा जे यूनानी लोक्कां बिच तित्तर-बित्तर होई करी रैहन्दे, ते यूनानी लोक्कां जो भी उपदेस दिंगा?

यूहन्ना 8:37

मैं जाणदा कि तुसा अब्राहम रे ‍खानदान का हिन तां भी तांइ तुसा मेरे जो मारी रखणा चाह्‍ंदे किजोकी मेरी शिक्षा जो नी मनदे।

यूहन्ना 8:40

पर अवे तुसा मेरे जो मारी रखणा चाह्‍ंदे जिन्निए तुसा जो ओ सच्ची गल्ल दस्सी जे परमेश्वर का सूणेया। इदेया तां अब्राहम ने नी कित्ता थिया।

प्रेरितां रे कम्म 10:38

परमेश्वर ने कुस तरिक्के कने नासरत कस्बे रे यीशु, जो पवित्रात्मा ते ताकत कने अभिषेक कित्तेया: से भलाई रे कम्म करदे, ते सारेयां जो जे शैतान रे सताए रे थिये, जाई-जाई करी ठीक करदे रे, किजोकी परमेश्वर तिन्हा कने थिये।