यूहन्ना 6:68 - चम्बयाली नौआ नियम

⁶⁸ शमौन पतरस ने तिसजो जवाब दिता, ओ प्रभु, असी कुसका जाईए? तुसा का हमेसा री जिन्दगी रे वचन हिन।

यूहन्ना 6:68 ပူးပေါင်းရင်းမြစ်များ

मत्ती 16:16

शमौन पतरस ने जवाब दित्तेया, तुसा जिंदा परमेश्वर रे पुत्तर मसीह यीशु हिन।

मरकुस 8:29

यीशु ने चेल्‍लेयां जो पूच्छेया, “पर तुसा मेरे जो कै मनदे? पतरस ने तिन्हा जो जवाब दित्तेया, तुसा मसीह हिन।”

लूका 9:20

यीशु ने अपणे चेल्‍लेयां का पूच्छेया, पर तुसा जो कै लगदा, कि मैं कुण है? पतरस ने जवाब दित्तेया, कि असी तां तुसा जो परमेश्वर रा भेज्जे रा मसीह यीशु मन्दे

यूहन्ना 12:49

किजोकी मैं अपणे पास्से का गल्लां नी कित्ती पर पिता जिनिये मेरे जो भेज्जे रा है, उन्ने ही मेरे जो हुकम दित्तेया कि क्‍या-क्‍या बोलणा?

यूहन्ना 12:50

ते मैं जाणदा कि तिन्हेरे हुकम हमेसा री जिन्दगी रे रस्ते पर लेई चलदे, इस तांइ मैं जे किच्‍छ भी बोलदा से ही बोलदा जैसा पिता मेरे जो बोलदे।

यूहन्ना 17:8

किजोकी मैं तिन्हा जो से ही सारे उपदेस दित्ते, जे तुसा ने मेरे दित्ते थिये, अते तिन्हा ने तिसजो अपणाई लेया ते पक्के तौर पर जाणी लेरा है कि मैं तुसा पास्से का आए रा है, अते उन्हा ने विश्वास कित्तेया कि तुसा ने ही मेरे जो भेज्जे रा है।

यूहन्ना 5:24

मैं तुसा रे कने सच-सच बोलदा, जे मेरा वचन सुणी करी मेरे भेजणे वाले पर विश्वास करदा हमेसा री जिन्दगी तिसका है, कने तिस पर सजा रा हुकम नी हुन्दा पर से मौत जो टप्पी करी हमेसा री जिन्दगी बिच जाई चुके रा है।

यूहन्ना 6:40

किजोकी मेरे “पिता” री इच्छा ए है कि जे कोई पुत्तर जो दिख्खे, कने तिस पर विश्वास रखे, से हमेसा री जिन्दगी पाये कने मैं तिसजो आखरी दिन फिरी जिन्दा करणा।

यूहन्ना 6:63

आत्‍मा ते जिन्दगी दिंदी, पर सरीर कने किच्‍छ फैदा नी है, जेडी गल्लां मैं तुसा जो बोल्ली, से पवित्रात्मा रे पास्से का है, जे जिन्दगी दिंदा।

प्रेरितां रे कम्म 13:26

ओ भाईयों, तुसा जे अब्राहम री औलाद हिन, ते जे तुसा परमेश्वर रा डर मनणे वाले हिन, परमेश्वर ने तुसा तांइ मसीह यीशु रे बारे बिच ए बसेख भेज्जे रा है जे लोक्कां जो बचांदे।

प्रेरितां रे कम्म 4:12

यीशु जो छड्डी करी कुसकी दूए रे जरिए छुटकारा नी, किजोकी आसमान रे थल्ले मणूआं बिच यीशु छड्डी करी होर कोई दुआ नां नी दित्तेया गेया, जिसेरे जरिए असी छुटकारा पाई सके।

प्रेरितां रे कम्म 5:20

जाओ, मन्दिर बिच खड़ी करी इस हमेसा री जिन्दगी री गल्लां सारे लोक्कां जो सुणाओ।

प्रेरितां रे कम्म 7:38

ए से ही मूसा है, जिस ने बियाबान बिच इस्राएली मणूआं रे बिच-मझाटे तिस स्वर्गदूत कने सीने पहाड़ पर कने गल्लां कित्ती ते असा रे पूरखां कने थिया, तिसी जो जिन्दगी दैणे वचन मिल्ले कि असा तिकर पूजाए।

प्रेरितां रे कम्म 8:37

फिलिप्पुस ने तिसजो बोल्लेया, जे अगर तू अपणे पूरे मन कने विश्वास करदा, तां ए होई सकदा: तिसने जवाब दित्तेया कि मैं विश्वास करदा कि मसीह यीशु ही परमेश्वर रे पुत्तर हिन।