यूहन्ना 6:64 - चम्बयाली नौआ नियम

⁶⁴ पर तुसा बिच किन्ने इदेए मणू हिन जे विश्वास नी करदे: किजोकी यीशु ता पैल्ले का ही जाणदे थिये कि जे विश्वास नी करदे से कुण हिन? ते कुनिये मेरे जो पकडवाणा।

यूहन्ना 6:64 ပူးပေါင်းရင်းမြစ်များ

यूहन्ना 10:26

पर तुसा इस तांइ विश्वास नी करदे किजोकी मेरी भेड़ां बिच का नी हिन

इब्रानियों 4:13

परमेश्वर का किच्‍छ भी लुके रा नी है, ते असा ने जे किच्‍छ अपणी जिन्दगी बिच कित्ते रा है, तिसेरा लेखा-जोखा परमेश्वर जो दैणा पैणा।

2 तीमुथियुस 2:19

तां भी परमेश्वर रे लोक्कां रा विश्वास कुसकी घरे री नीं सांई मजबूत है जे बिल्कुल भी हिलदी नी। तिस नीं पर ए गल्लां लिखित्ते री हिन, “परमेश्वर जाणदे कि तिन्हेरे मणू कुण हिन” ते ए भी “जे मणू परमेश्वर री अराधना करदे तिन्हा जो बुराई करणा छड्डी दैणा चाएदा।”

रोमियों 8:29

किजोकी परमेश्वर अपणे लोक्कां जो पैल्ले का जाणदे, ते परमेश्वर ने तिन्हा लोक्कां जो अपणे पुत्र सांई बणने तांइ चुणे रा है, ताकि मसीह यीशु परमेश्वर रे बाकि मती औलाद्दां बिच तिन्हेरे जेठे पुत्तर ठैहरे।

यूहन्ना 6:61

यीशु ने अपणे मन बिच ए जाणी करी कि मेरे चेल्‍ले अप्पु बिच इस गल्ल पर बुड़बुड़ाया करदे हिन, तिन्हा जो पूच्छेया कै इस गल्ल कने तुसा जो ठेस लग्गी?

यूहन्ना 5:42

पर मैं जाणदा कि तुसा परमेश्वर जो दिल कने प्यार नी करदे।

प्रेरितां रे कम्म 15:18

ए ओई प्रभु बोल्दे हिन जे दुनिया री सुरुआत का ही इन्हा गल्लां रा सुब बसेख दिंदे आये रे हिन

यूहन्ना 6:66

इसेरे बाद यीशु रे दूए मते चेल्‍ले तिन्हा जो छड्डी करी चली गे, ते तिन्हेरी गल्लां जो मनणा छड्डी दित्तेया।

यूहन्ना 6:36

पर जिय्यां मैं तुसा जो बोल्लेया थिया, कि तुसा ने मेरे जो दिख्खी भी लित्या तां भी मेरा विश्वास नी करदे।

यूहन्ना 8:55

तुसा तां तिन्हा जो नी जाणदे: पर मैं तिन्हा जो जाणदा, पर जे अगर मैं बोल्लां कि मैं तिन्हा जो नी जाणदा, तां मैं तुसा सांई झूठ्ठा ठैहरणा, पर मैं तिन्हा जो जाणदा ते तिन्हेरी शिक्षा जो मनदा।

यूहन्ना 8:23

यीशु ने तिन्हा लोक्कां जो बोल्लेया, तुसा मणूआं का पैदा होए रे हिन, पर मैं स्वर्ग का आए रा है, ते मैं इस दुनिया रे लोक्कां बिच का नी है।

मत्ती 10:4

शमौन जे जेलोतेस नां रे समुह रा मणू थिया अते यहूदा इस्करियोती, जिनिये यीशु जो पकड़वाई भी दित्तेया।

यूहन्ना 6:60

तिसेरे दूए चेल्‍ले बिच मत्ते जणे ने ए सुणी करी बोल्ले, कि ए गल्ल तां मनणे तांइ मुस्किल है ते इसजो कुण सुणी सकदा?

यूहन्ना 18:4

फिरी यीशु जे सब किच्‍छ जाणदे थिये कि तिन्हा कने कै होणे वाला है, अग्गे आये अते तिन्हा जो बोल्लेया, तुसा कुस जो तोप्पेया करदे हिन?