यूहन्ना 6:51 - चम्बयाली नौआ नियम

⁵¹ हमेसा री जिन्दगी री रोट्टी, जे स्वर्ग का उतरे री है, से मैं है, जे कोई इस रोट्टी जो खान्दा, तिनिये हमेसा तांइ जिन्दा रैह्णा ते जे रोट्टी मैं दुनिया रे लोक्कां जो जिन्दगी तांइ दैणी, से मेरा सरीर है।

यूहन्ना 6:51 ပူးပေါင်းရင်းမြစ်များ

मत्ती 20:28

जिय्यां मणू रा पुत्तर, जे मैं ही है से इस तांइ नी आया कि उसेरी सेवा-टहल कित्ती जाए, पर इस तांइ आया कि अप्पु सेवा टहल करे ते मते जणेया रे छुटकारे तांइ अपणी जान देई दे।

लूका 22:19

फिरी यीशु ने रोट्टी जो पकड़ी करी परमेश्वर रा सुक्र कित्ता अते तोड़ी करी चेल्‍लेयां जो देई दित्ती अते बोल्लेया कि, ए मेरा जिस्म है, जे तुसा तांइ दित्ता गे रा है: मेरे जो याद करणे तांइ तुसा इय्यां ही करेया करो

यूहन्ना 1:14

वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो।

यूहन्ना 1:29

दूए दिन तिसने यीशु जो अपणे पास्से आंदे दिख्खी करी बोल्लेया, “दिख्खो! ए परमेश्वर रा मेमना है, जे दुनिया रे पाप्पां जो मिटाणे तांइ आए रा है।”

यूहन्ना 11:26

ते जे कोई जिन्दा है ते मेरे पर विश्वास रखदा, तिनिए कदी नी मरणा, कै तू इस गल्ल पर विश्वास करदी?

यूहन्ना 3:13

कोई स्वर्ग बिच नी गेया सिवाय मणू रे पुत्तर, जे मैं ही है, जे स्वर्ग का आये रे हिन।

यूहन्ना 3:14

जिस तरिक्के कने मूसा ने बियाबान जगाह् बिच पीतल रे कीड़े जो ऊचे पर चढ़ाया उसी तरिके कने जरुरी है कि मणू रा पुत्तर, जे मैं ही है भी उँचे पर चढ़ाया जाए।

यूहन्ना 3:16

किजोकी परमेश्वर ने दुनिया रे लोक्कां कने इन्ना प्यार कित्ती कि तिन्हा ने अपणा इकलौता पुत्तर देई दिता कि जेड़ा तिस पर विश्वास करे से नास न हो पर हमेसा री जिन्दगी पाओ।

यूहन्ना 3:36

जे परमेश्वर रे पुत्तर पर विश्वास करदा, हमेसा री जिन्दगी तिसेरी है, पर जे परमेश्वर रे पुत्तर री नी मनदा, तिनिए हमेसा री जिन्दगी नी दिखणी, पर परमेश्वर ने तिसजो सजा दैणी।

यूहन्ना 5:24

मैं तुसा रे कने सच-सच बोलदा, जे मेरा वचन सुणी करी मेरे भेजणे वाले पर विश्वास करदा हमेसा री जिन्दगी तिसका है, कने तिस पर सजा रा हुकम नी हुन्दा पर से मौत जो टप्पी करी हमेसा री जिन्दगी बिच जाई चुके रा है।

यूहन्ना 6:33

परमेश्वर री रोट्टी ओ ही है, जेडी स्वर्ग का उत्तरी करी दुनिया रे लोक्कां जो जिन्दगी दिन्दी।

यूहन्ना 6:35

यीशु ने तिन्हा जो बोल्लेया, हमेसा री जिन्दगी री रोट्टी मैं ही है: जे मेरे का आंगा से कदी भी भूखा नी रैह्णा ते जेडा मेरे पर विश्वास करगां से कदी भी प्यासा नी रिगां

यूहन्ना 6:41

फिरी यहूदी मणू यीशु पर बुड़बुड़ाणे लग्गे, इस तांइ कि तिन्ही बोल्लेया थिया कि जेडी रोट्टी स्वर्ग का उतरी है, से मैं है

यूहन्ना 6:47

मैं तुसा जो सच-सच बोलदा, कि जे कोई विश्वास करदा, हमेसा री जिन्दगी तिसेरी ही है।

यूहन्ना 6:48

जिन्दगी री रोटी, मैं ही हैं।

यूहन्ना 6:50

ए से रोट्टी है जेडी स्वर्ग का उत्तरी है ताकि मणू तिस बिच का खाए ते न मरण

यूहन्ना 7:38

जे मेरे पर विश्वास करगा, जिय्यां पवित्रशास्त्र बिच लिख्खे रा है, उसेरे दिल बिच का जिन्दगी रे पाणी री नदियां फूटी निकलणी जे हमेसा री जिन्दगी दिंदी।

2 कुरुन्थियों 5:19

इसेरा मतलब ए है कि परमेश्वर ने मसीह यीशु बिच होई करी अपणे कन्ने दुनिया रा मेल जोल करी लित्ता, ते लोक्कां रे पाप्पां रा इल्जाम तिन्हा पर नी लाया। ते ए ही मेल जोल कराणे रा से बसेख है, जे परमेश्वर ने लोक्कां जो सुनाणे तांइ असा जो सौंप्पे रा है।

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

इफिसियों 5:2

जिय्यां मसीह यीशु ने तुसा कने प्यार कित्तेया, तिय्यां ही तुसा भी सारेयां कने प्यार करो। मसीह ने अप्पु जो तुसा रे पाप मिटाणे तांइ कुर्बान करी दित्ता ते से कुर्बानी परमेश्वर रे सामणे इक्क खुशबूदार भेंट सांई थिया।

इफिसियों 5:25

ओ लाड़ेयों, अपणी-अपणी लाड़ियां कने प्यार रखो, जिय्यां मसीह यीशु ने भी कलीसिया कने प्यार कित्ता ते अप्पु जो तिस तांइ कुर्बान करी दित्ता

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।

इब्रानियों 10:20

मसीह यीशु ने तिस परदे का, जे तिन्हेरी मौत जो दर्शांदा, हमेसा री जिन्दगी रे पास्से जाणे वाला इक्क नौआ रस्ता खोल्लेया।

1 पतरस 2:4

तुसा मसीह यीशु का आए रे हिन। से तिस जरुरी बट्टे सांई हिन जिस जो इमारत री नीं बिच लाया जांदा, पर से जिंदे बट्टे हिन। मते लोक्कां ने तिन्हा जो नक्कारेया पर परमेश्वर ने तिन्हा जो चुणेया से तिन्हा जो बड़ा कीमती भी मनदे। ते जिय्यां मणू बट्टेयां कने घर जो बणांदे, तिय्यां ही परमेश्वर भी तुसा जो इक्क इदेइ मण्डली रा हिस्सा बणाया करदे हिन जित्ते पवित्रात्मा वास करदा। तिन्हा कम्मां री वजह कने जे मसीह ने असा तांइ कित्ते, तुसा परमेश्वर जो कुर्बानी चढ़ाणे वाले पुरोत्तां सांई तिन्हा जो खुस करणे वाले कम्म करो।

1 यूहन्ना 2:2

ते मसीह यीशु असा रे पाप्पां री कीमत चुकाणे तांइ कुर्बान होया, ते सिर्फ असा तांइ ही नी पर सारी दुनिया रे लोक्कां रे पाप्पां तांइ भी।

1 यूहन्ना 4:10

सच्चा प्यार ए है कि असा ने परमेश्वर जो पैल्ले प्यार नी कित्ता पर तिन्हा ने पैल्ले असा जो प्यार कित्ता। परमेश्वर ने अपणे इकलौते मुंडे जो असा रे पाप्पां तांइ कुर्बान करी के दित्तेया ताकि असा जो असा रे पाप्पां का माफी मिल्ले।

1 यूहन्ना 4:14

ते असा ने पुत्तर जो अपणी हाख्खियां कने दिख्खी भी लित्ता ते गवाई दिन्दे कि पिता परमेश्वर ने पुत्तर जो दुनिया रे लोक्कां रा छुटकारा दैणे वाला बणाई करी के भेज्जे रा है।