यूहन्ना 6:45 - चम्बयाली नौआ नियम

⁴⁵ कुसकी भविष्यद्वक्ता री कताब बिच ए लिख्खे रा है, कि से सब परमेश्वर रे पासे का सिखाए रे होणे जिन्नी भी बाबे का सूणेया कने सिखया, से मेरे का आन्दा।

यूहन्ना 6:45 ပူးပေါင်းရင်းမြစ်များ

मत्ती 11:27

मेरे परम पिता ने सब किच्‍छ मेरे हवाले करी दित्तेया, अते कोई पुत्तर जो नी जाणदा, सिर्फ परम पिता जाणदा अते कोई परम पिता जो नी जाणदा, सिर्फ पुत्तर जाणदा, अते हर इक्क से मणू परम पिता जो जाणदा, जिस पर पुत्तर तिसजो जाहिर करणा चाए।

मत्ती 17:5

से बोल्लेया ही करदा थिया कि दिख्खो, इक्क चमकदे बदल ने तिन्हा जो ढक्की लेया, अते तिस बदल बिच का इक्क अवाज निकली, ए मेरा प्यारा पुत्तर है, जिस का मैं बड़ा खुस है: इसेरी सुणो।

मरकुस 1:2

ते इसेरी सुरुआत इय्यां हुंदी कि जिय्यां परमेश्वर ने अपणे पुत्तर यीशु मसीह जो यशायाह भविष्यद्वक्ता री कताब बिच बोल्ले रा है, “दिख्ख मैं अपणे दूत जो तेरे अग्गे भेज्जेया करदा है, जिनिये तेरे आणे तांइ लोक्कां जो तैयार करणा।”

लूका 1:70

जिय्यां कि परमेश्वर ने बड़े पैल्ले ही अपणे पवित्र भविष्यद्वक्ता रे जरिए बोल्लेया थिया,

लूका 18:31

फिरी तिन्हा ने अपणे कने बारा चेल्‍लेयां जो लित्या, अते तिन्हा जो बोल्लेया, असी यरुशलेम सहर जो जाए करदे हिन अते जिस बेल्ले असी तित्ते पूज्जणा, तां मणू रे पुत्तर, जे मैं ही है रे बारे बिच, भविष्यद्वक्ता री लिखी रियां से सारी गल्लां पूरी होणी

यूहन्ना 10:27

मेरी भेड़ां मेरी अवाज सुणदी, मैं तिन्हा जो जाणदा, ते से मेरे पीच्छे-पीच्छे चलदी।

यूहन्ना 6:37

जिस कुसकी जो मेरा “पिता” मेरे जो दिंदा, से मेरे का आंगा, ते जे कोई मेरे का आदां, तिसजो मैं कदी भी नी नक्कारणा।

यूहन्ना 6:65

फिरी तिन्हा ने बोल्लेया, इस तांइ मैं तुसा जो बोल्लेया थिया जां तांइ कुसकी जो पिता रे पास्से का वरदान ना मिल्ले, तां तांइ से मेरे का नी आई सकदा।

प्रेरितां रे कम्म 13:40

इधेरे तांइ तैयार रेयो, इय्यां ना हो कि जे भविष्यद्वक्ता री कताब बिच लिख्खे रा है से तुसा कने भी होई जाण

प्रेरितां रे कम्म 7:42

इस कने परमेश्वर ने मुँह मोड़ी करी तिन्हा जो छड्डी दित्तेया ताकि आसमान रे तारेयां री भक्ति करण जिय्यां भविष्यद्वक्ता री कताबां बिच लिख्खे रा भी है, “ओ इस्राएल रे लोक्कों, कै तुसा बियाबान बिच चाली साल्लां तिकर जानवर री कुर्बानी ते अनाज रा चढ़ावा सिर्फ मेरे जो ही चढ़ादें रेय?”

इफिसियों 1:17

मैं प्रार्थना करदा कि असा रे प्रभु यीशु मसीह रे महिमामय पिता परमेश्वर तुसा जो आत्मिक ज्ञान ते समजदे ताकि तुसा तिन्हा जो पूरी तरिक्के कने जाणी सको।

फिलिप्पियों 3:15

अते असा बिच जिन्ने भी मणू आत्मिक तौर पर परिपक्व हिन, से इदेइ ही सोच रख्खे ते जे अगर तुसा रा होर गल्लां बिच किच्‍छ होर सोच-विचार हो तां परमेश्वर ने तुसा जो से गल्ल भी दस्सी दैणी।

1 थिस्सलुनीकियों 4:9

पर मेरे जो चीठ्ठी लिख्खी करी तुसा जो संगी विश्वासियां कने प्यार रखणे तांइ दसणे री जरुरत नी है, किजोकी से तुसा अप्पु परमेश्वर का सिख्खे रा है।

इब्रानियों 10:16

“प्रभु बोलदे कि ए नौई वाचा जे मैं अपणा लोक्कां कने तिस दिन बनणी, से ए है कि मैं तिन्हा जो अपणे कानून री सोच बिच पाई दैणा, ते तिन्हा तिसजो अपणे दिल बिच रखणा।”

1 यूहन्ना 2:27

पर तुसा तांइ से पवित्रात्मा जे तुसा ने मसीह यीशु का पाए रा है, तुसा बिच बणी रैहन्दा, ते इसेरी कोई जरुरत नी कि कोई तुसा जो सच्चाई री गल्लां सिखाए, बल्कि जिय्यां पवित्रात्मा ने जे मसीह ने तुसा जो मिल्ले रा है, तुसा जो सच्चाई री सारी गल्लां सिखणे तांइ मदद करणी, जे पवित्रात्मा तुसा जो सिखांदा, से पूरी तरिक्के कने सच है, ते तिस बिच कोई झूठ नी, इधेरे तांइ मसीह बिच बणी रेयो, जिय्यां पवित्रात्मा ने तुसा जो करणे तांइ दस्से रा है।