यूहन्ना 6:40 - चम्बयाली नौआ नियम

⁴⁰ किजोकी मेरे “पिता” री इच्छा ए है कि जे कोई पुत्तर जो दिख्खे, कने तिस पर विश्वास रखे, से हमेसा री जिन्दगी पाये कने मैं तिसजो आखरी दिन फिरी जिन्दा करणा।

यूहन्ना 6:40 ပူးပေါင်းရင်းမြစ်များ

मत्ती 10:15

मैं तुसा जो सच बोलदा हिसाब-किताब होणे रे रोज्जे उस सहर री हालत का सदोम अते अमोरा रे देस री हालत केई जादा ठीक होणी।

मत्ती 25:46

ते तिन्हा पुठ्ठे पास्से वाले बुरे लोक्कां ने हमेसा बलणे वाली आग्ग बिच सजा भुगतणी पर, धार्मिक सीद्दे पास्से वाले लोक्कां ने हमेसा री जिन्दगी बिच चली जाणा।

मरकुस 16:16

जे विश्वास करी के बपतिस्मा लिन्गा तिसेरा ही छुटकारा होणा, पर जे विश्वास नी करगा, तिसेरे पाप माफ नी होणे ते से गुनेह्गार मन्नेया जाणा।

लूका 2:30

किजोकी, मैं अपणी हाख्खी कने तुसा रे भेजे रे छुटकारा दैणे वाले जो दिख्खी लेया,

यूहन्ना 1:14

वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो।

यूहन्ना 10:28

ते मैं तिन्हा जो हमेसा री जिन्दगी दिंदा, से कदी भी बर्बाद नी होणी, ते कोई तिन्हा जो मेरे हथ का नी खुस्सि सकदा।

यूहन्ना 11:24

मार्था ने तिसजो बोल्लेया, मैं जाणदी कि हिसाब कताब होणे रे दिन पर फिरी जिन्दे होणे रे बेल्ले तिनिये फिरी जिन्दें होई जाणा जां सारे लोक्कां ने भी जिन्दे होई जाणा।

यूहन्ना 11:25

यीशु ने तिसजो बोल्लेया, फिरी जिन्दा होणा ते अब्बे री जिन्दगी मैं ही है जै कोई मेरे पर विश्वास रखदा, से मरी भी जाए तां भी तिनिये जीणा,

यूहन्ना 12:45

ते जे मेरे जो दिखदा, ओ मेरे भेजणे वाले जो दिखदा

यूहन्ना 12:50

ते मैं जाणदा कि तिन्हेरे हुकम हमेसा री जिन्दगी रे रस्ते पर लेई चलदे, इस तांइ मैं जे किच्‍छ भी बोलदा से ही बोलदा जैसा पिता मेरे जो बोलदे।

यूहन्ना 14:17

मतलब से आत्‍मा, जे लोक्कां जो परमेश्वर रे सच रे बारे बिच एहसास दुआंदी, ते जिस जो दुनिया अपणाई नी सकदी, किजोकी से ना तां तिन्हा जो दिखदा ते से ना तिसजो जाणदा। तुसा तिसजो जाणदे, किजोकी से तुसा रे कने रैहन्दा, ते से तुसा बिच होणा।

यूहन्ना 14:19

अवे थोड़ी ही देर बाद दुनिया रे लोक्कां ने मेरे जो नी दिख्खणा, पर तुसा ने मेरे जो दिख्खणा, किजोकी मैं जिंदा है, इधेरे तांइ तुसा भी जिंदे रैह्णा।

यूहन्ना 17:2

किजोकी तुसा ने अपणे पुत्तर जो पूरी मणू जाति पर हक दित्ते रा है कि से, हर इक्क जो, जिन्हा जो तुसा ने तिसजो दित्ते रा है, हमेसा री जिन्दगी देयो।

यूहन्ना 3:36

जे परमेश्वर रे पुत्तर पर विश्वास करदा, हमेसा री जिन्दगी तिसेरी है, पर जे परमेश्वर रे पुत्तर री नी मनदा, तिनिए हमेसा री जिन्दगी नी दिखणी, पर परमेश्वर ने तिसजो सजा दैणी।

यूहन्ना 4:14

पर जे कोई तिस पाणी बिच का पिन्गा, जे मैं तिसजो दैणा, तिसजो फिरी कदी भी प्यास नी लगणी पर जे पाणी मैं तिसजो दैणा, तिसेरा उस मणू अन्दर इक्क सोता बणी जाणा जे हमेसा तिकर रैह्णा।

यूहन्ना 5:24

मैं तुसा रे कने सच-सच बोलदा, जे मेरा वचन सुणी करी मेरे भेजणे वाले पर विश्वास करदा हमेसा री जिन्दगी तिसका है, कने तिस पर सजा रा हुकम नी हुन्दा पर से मौत जो टप्पी करी हमेसा री जिन्दगी बिच जाई चुके रा है।

यूहन्ना 6:27

मुकी जाणे वाली रोट्टी तांइ परिश्रम न करो, पर तिस रोट्टी तांइ मैहनत करो जे कि हमेसा री जिन्दगी तक रैह्‍ंदी, जिस जो मणू रा पुत्तर, जे मैं ही है, तुसा जो दिंगा, किजोकी पिता परमेश्वर ने ए करणा रा अधिकार भी दित्ते रा है।

यूहन्ना 6:39

पर मेरे “पिता” री इच्छा ए है कि जे किच्‍छ तिन्ही मेरे जो दित्ता है, उस बिच का मैं किच्‍छ न गवाई देयां पर तिसजो आखरी दिन फिरी जिन्दा करणा,

यूहन्ना 6:44

कोई मेरे का नी आई सकदा, जा तक “पिता” जिन्हा ने मेरे जो भेज्जे रा है, तिसजो मेरे का ना लेई आए, फिरी मैं तिसजो आखरी दिन फिरी जिन्दा करगां।

यूहन्ना 6:54

जे कोई मेरा सरीर खान्दा, कने मेरा खून पीन्दा, हमेसा री जिन्दगी तिसेरी है, कने मैं अन्त रे दिना फिरी तिसजो जिन्दा करणा।

यूहन्ना 8:56

तुसा रा पुरखा अब्राहम मेरे दिन दिखणे तांइ उम्मीद कने बड्डा वरी मगन थिया, ते उन्निए दिख्खेया, ते बड्डा खुस होया।

रोमियों 5:21

इक्क मणू रे पाप करणे री वजह कने मौत सारे लोक्कां बिच फैल्ली गई, पर असा रे प्रभु यीशु मसीह रे जरिए परमेश्वर रे अनुग्रह ने तिन्हा जो धार्मिक ठैहराणा ते तिन्हा जो हमेसा री जिन्दगी दैणी।

रोमियों 6:23

किजोकी पाप री मजदूरी ता मौत है, पर परमेश्वर री दान कने असा जो प्रभु यीशु मसीह रे जरिये हमेसा री जिन्दगी मिलदी।

2 कुरुन्थियों 4:6

किजोकी परमेश्वर ने ही बोल्ले रा है, “न्याहरे बिच रौसनी चमके।” ते से ही असा रे दिल बिच चमकी, ताकि असी मसीह बिच परमेश्वर री महिमा जो दिख्खी सकण।

इब्रानियों 11:1

जे मणू परमेश्वर बिच विश्वास करदे, से मणू ए गल्ल पक्के तौर पर जाणदे कि परमेश्वर ने तिन्हा लोक्कां जो से जरुर दैणा जिसेरी आस से मणू रखदे; से मणू ठीक तरिक्के कने जाणदे कि तिन्हा ने हल्ले असलियत नी दिख्खे री है।

इब्रानियों 11:27

भरोसे कने ही राज्जे रे गुस्से का नी डरी करी तिसने मिस्र जो छड्डी दित्ता किजोकी से समजी गेया थिया कि ए इदेया है, जिय्यां तिसने अणदिख्खे परमेश्वर जो दिख्खे रा हो।

1 पतरस 1:8

तुसा ने मसीह यीशु जो कदी भी नी दिख्खे रा है पर फिरी भी तुसा तिन्हा जो प्यार करदे। तुसा इस बेल्ले तिन्हा जो दिख्खी नी सकदे पर तुसा तिन्हा बिच विश्वास करदे। इधेरे तांइ तुसा तिस आनंद ते महिमा बिच खुस हुंदे जे शब्दां बिच बयान नी होई सकदी।

1 यूहन्ना 2:25

जिसेरा वादा पिता परमेश्वर ने असा कने कित्ते रा थिया से हमेसा री जिन्दगी है।

यहूदा 1:21

जिय्यां कि तुसा इस गल्ल रा इंतजार करेया करदे हिन कि मसीह यीशु ने अपणे दया कने तुसा जो हमेसा री जिन्दगी दैणी इधेरे तांइ तुसा जो अपणी जिन्दगी ए जाणदे होए गुजारणा चाएदी कि परमेश्वर तुसा कने प्यार करदे।