यूहन्ना 6:39 - चम्बयाली नौआ नियम

³⁹ पर मेरे “पिता” री इच्छा ए है कि जे किच्‍छ तिन्ही मेरे जो दित्ता है, उस बिच का मैं किच्‍छ न गवाई देयां पर तिसजो आखरी दिन फिरी जिन्दा करणा,

यूहन्ना 6:39 ပူးပေါင်းရင်းမြစ်များ

मत्ती 10:15

मैं तुसा जो सच बोलदा हिसाब-किताब होणे रे रोज्जे उस सहर री हालत का सदोम अते अमोरा रे देस री हालत केई जादा ठीक होणी।

मत्ती 18:14

इय्यां ही तुसा रे स्वर्गीय पिता भी नी चाह्‍ंदे कि इन्हा छोटेयां बिच का कोई नास हो।

लूका 12:32

इधेरे तांइ ओ छोटे झुण्ड, डरो मत, किजोकी तुसा रा परम पिता परमेश्वर चाह्‍ंदा कि तुसा तिन्हेरे राज रे वारिस बणो।

यूहन्ना 12:48

जे मेरे जो निक्कमा मनदा ते मेरी गल्लां नी मन्दा, तिसजो गलत ठैहराणे वाला तां इक्क है उन्निए ही आखरी दिन बिच तिसजो गलत ठहराणा।

यूहन्ना 17:12

जां मैं तिन्हेरे कने थिया, मैं तुसा रे उस नां री ताकत कने जे तुसा ने मेरे जो दित्ते रा है, तिन्हेरी रखवाली कित्ती, सिवाय विनास रे पुत्तर जो छड्डी उन्हा बिच कोई खत्म नी होया, इधेरे तांइ कि पवित्रशास्त्र बिच लिख्खे री गल्ल पूरी हो;

यूहन्ना 17:2

किजोकी तुसा ने अपणे पुत्तर जो पूरी मणू जाति पर हक दित्ते रा है कि से, हर इक्क जो, जिन्हा जो तुसा ने तिसजो दित्ते रा है, हमेसा री जिन्दगी देयो।

यूहन्ना 17:24

ओ पिता जी! जे मणू तुसा मेरे जो दित्ते हिन, मैं चाह्‍ंदा कि जित्ते मैं है, से भी मेरे कने हो ताकि से मेरी उस बड़ाई जो दिख्खी सकण जे तुसा ने मेरे जो दित्ती है किजोकी दुनिया री रचना का भी पैल्ले तुसा मेरे कने प्यार करदे हिन

यूहन्ना 17:6

जिन्हा लोक्कां जो तुसा इस दुनिया रे लोक्कां बिच का मेरे जो सौंपेया थिया, मैं तिन्हा जो तुसा रे बारे बिच दस्सेया। से हमेसा का तुसा रे ही हिन। से तुसा रे बोलणे रे हिसाब कने चलेया करदे हिन।

यूहन्ना 17:9

मैं दुनिया रे लोक्कां तांइ प्रार्थना नी करदा जे गलत तौर-तरिक्के पर चलदे, पर सिर्फ तिन्हा लोक्कां तांइ जिन्हा जो तुसा मेरे जो सौंपेया, किजोकी से तुसा रे हिन।

यूहन्ना 18:9

ए तिन्हा ने इधेरे तांइ बोल्लेया कि से वचन पूरा हो जे तिन्हा ने बोल्लेया थिया, मैं उन्हा बिच का कुसकी जो नी गुआया, जे तुसा मेरे हवाले कित्ते थिये।

यूहन्ना 5:28

इस बिच हैरान मत हो, किजोकी से वक्त आया करदा है कि मरे रे लोक्कां ने तिन्हेरी अवाज सुणी करी वापिस जिन्दे होई जाणा ते अपणी कब्रां का बाहर निकली आणा।

यूहन्ना 6:37

जिस कुसकी जो मेरा “पिता” मेरे जो दिंदा, से मेरे का आंगा, ते जे कोई मेरे का आदां, तिसजो मैं कदी भी नी नक्कारणा।

यूहन्ना 6:40

किजोकी मेरे “पिता” री इच्छा ए है कि जे कोई पुत्तर जो दिख्खे, कने तिस पर विश्वास रखे, से हमेसा री जिन्दगी पाये कने मैं तिसजो आखरी दिन फिरी जिन्दा करणा।

यूहन्ना 6:44

कोई मेरे का नी आई सकदा, जा तक “पिता” जिन्हा ने मेरे जो भेज्जे रा है, तिसजो मेरे का ना लेई आए, फिरी मैं तिसजो आखरी दिन फिरी जिन्दा करगां।

यूहन्ना 6:54

जे कोई मेरा सरीर खान्दा, कने मेरा खून पीन्दा, हमेसा री जिन्दगी तिसेरी है, कने मैं अन्त रे दिना फिरी तिसजो जिन्दा करणा।

रोमियों 8:11

पवित्रात्मा तुसा बिच रैहन्दा जिन्हा ने मसीह यीशु जो मुर्देयां बिच का जिन्दा कित्ता। ते जिय्यां परमेश्वर ने मसीह यीशु जो मुर्देयां बिच का जिन्दा कित्ता, तिय्यां ही तुसा जो भी तिस्सी पवित्रात्मा रे जरिये मुर्देया बिच का जिन्दा करणा जे तुसा बिच रैहन्दा।

1 कुरुन्थियों 6:14

परमेश्वर ने अपणी ताकत कने असा जो मुर्देयां बिच का जिन्दा करी दैणा जिय्यां कि तिन्हा ने मसीह यीशु जो भी मुर्देयां बिच का फिरी जिन्दा कित्तेया थिया।

2 तीमुथियुस 2:19

तां भी परमेश्वर रे लोक्कां रा विश्वास कुसकी घरे री नीं सांई मजबूत है जे बिल्कुल भी हिलदी नी। तिस नीं पर ए गल्लां लिखित्ते री हिन, “परमेश्वर जाणदे कि तिन्हेरे मणू कुण हिन” ते ए भी “जे मणू परमेश्वर री अराधना करदे तिन्हा जो बुराई करणा छड्डी दैणा चाएदा।”

याकूब 5:15

ते विश्वास री प्रार्थना कने बिमार ने बची जाणा ते प्रभु ने तिस मणू जो ठीक करी दैणा ते जे उसने पाप भी कित्ते रे होणे तां से भी माफ होई जाणे।

1 पतरस 1:5

परमेश्वर अपणी महान ताकत कने तुसा जो सुरक्षित रखदे किजोकी तुसा मसीह बिच विश्वास करदे। तिन्हा ने तुसा जो अग्गे भी तां तांइ सुरक्षित रखणा जां तांइ मसीह यीशु हटी नी आंदे तां ही तुसा ने जाणना कि परमेश्वर ने तुसा जो पाप ते हमेसा री मौत का पूरे तरिक्के कने बचाए रा है।

यहूदा 1:1

मैं यहूदा जे मसीह यीशु रा सेवादार ते याकूब रा छोटा भ्याल है, तुसा लोक्कां जो ए चीठ्ठी लिख्खेया करदा है जिन्हा जो परमेश्वर ने तिन्हा बिच विश्वास करणे तांइ सद्दे रा है। परमेश्वर पिता तुसा जो प्यार करदे ते तुसा जो मसीह यीशु बिच सुरक्षित रखदे।