यूहन्ना 6:38 - चम्बयाली नौआ नियम

³⁸ किजोकी मैं अपणी मर्जी कने नी, पर अपणे “पिता” री मर्जी पूरी करणे तांइ स्वर्ग का उतरेया।

यूहन्ना 6:38 ပူးပေါင်းရင်းမြစ်များ

मत्ती 20:28

जिय्यां मणू रा पुत्तर, जे मैं ही है से इस तांइ नी आया कि उसेरी सेवा-टहल कित्ती जाए, पर इस तांइ आया कि अप्पु सेवा टहल करे ते मते जणेया रे छुटकारे तांइ अपणी जान देई दे।

यूहन्ना 3:13

कोई स्वर्ग बिच नी गेया सिवाय मणू रे पुत्तर, जे मैं ही है, जे स्वर्ग का आये रे हिन।

यूहन्ना 3:17

परमेश्वर ने अपणे पुत्तर जो दुनिया बिच इस तांइ नी भेज्जेया कि दुनिया रे लोक्कां पर सजा रा हुकम दे, पर इस तांइ कि दुनिया रे मणू तिसेरे जरिए छुटकारा पाए।

यूहन्ना 3:31

जे स्वर्ग का आन्दा से सबणी का जादा बधी करी है, ते जे दुनिया का आन्दा से दुनिया रा है, ते दुनिया री ही गल्लां करदा जे स्वर्ग का आन्दा, से सबणी का उप्पर है।

यूहन्ना 4:34

यीशु ने तिन्हा जो बोल्लेया, मेरी रोट्टी से है कि परमेश्वर जिन्हा ने मेरे जो भेज्जे रा है, तिन्हेरी मर्जी रे हिसाब कने चलां ते तिसेरा कम्म पूरा करां।

यूहन्ना 5:19

इस पर यीशु ने तिन्हा जो बोल्लेया, मैं तुसा जो सच-सच बोलदा, पुत्तर अपणी मर्जी कने किच्‍छ नी करी सकदा, पर सिर्फ से ही, जे परमेश्वर पिता जो करदे दिखदा, किजोकी जिन्हा-जिन्हा कम्मां जो “पिता” करदा, तिसजो पुत्तर भी तिसी तरिक्के करदा।

यूहन्ना 5:30

मैं अप्पु का किच्‍छ नी करी सकदा, जदेया मेरे जो “पिता” करणे तांइ बोलदे से ही करदा। मैं हिसाब-किताब करदा कने मेरा हिसाब-किताब सच्चा है किजोकी मैं अपणी मर्जी नी पर अपणे भेजणे वाले री मर्जी पूरी करणा चाहन्दा।

यूहन्ना 6:29

यीशु ने तिन्हा जो जवाब दित्ता परमेश्वर तुसा का ए चाह्‍ंदे कि तुसा मणू तिस पर विश्वास करो जिस जो परमेश्वर ने भेज्जे रा है।

यूहन्ना 6:33

परमेश्वर री रोट्टी ओ ही है, जेडी स्वर्ग का उत्तरी करी दुनिया रे लोक्कां जो जिन्दगी दिन्दी।

यूहन्ना 6:42

फिरी तिन्हां ने बोल्लेया कै ए यूसुफ रा मुंडा यीशु नी है, जिस्स रे अम्मा बाबे जो असी जाणदे? तां फिरी ए किजो बोलदा कि मैं स्वर्ग का उतरया है।

यूहन्ना 6:57

जिय्यां जिन्दे पिता ने मेरे जो भेज्जेया ते मैं पिता री वजह कने जिन्दा है, तिय्यां ही से भी जे मेरे जो खाणा, तिनिये भी मेरी वजह कने जिन्दा रैह्णा।

रोमियों 15:3

किजोकी मसीह यीशु ने अपणे आप जो खुस नी कित्तेया, पर जिय्यां पवित्रशास्त्र बिच लिख्खे रा है: “जिन्हा लोक्कां ने तेरी बेज्जती कित्ती, तिन्हा ने मेरी भी बेज्जती कित्ते री है।”

इफिसियों 4:9

जां पवित्रशास्त्र ए दसदा, “से ऊच्ची जगाह् पर चढ़ेया” तां इसेरा मतलब ए होया कि से धरती रे सबका थल्ले वाली जगाह् यानी पताल बिच भी उतरेया थिया।

इब्रानियों 5:8

ते परमेश्वर रा पुत्र होणे पर भी, तिन्हा ने से जुल्म सैह्‍ण करी-करी के परमेश्वर रे हुकमां जो मनणा सिख्खेया।