यूहन्ना 6:37 - चम्बयाली नौआ नियम

³⁷ जिस कुसकी जो मेरा “पिता” मेरे जो दिंदा, से मेरे का आंगा, ते जे कोई मेरे का आदां, तिसजो मैं कदी भी नी नक्कारणा।

यूहन्ना 6:37 ပူးပေါင်းရင်းမြစ်များ

मत्ती 11:28

ओ सब मैह्नत करणे वालेयों अते बोझ कने दबितेरे मणूओं, मेरे का आओ मैं तुसा जो अराम दिन्गा।

मत्ती 24:24

किजोकी झूठ्ठे मसीह ते झूठ्ठे भविष्यद्वक्ता खड़ी उठणे, ते बड्डी-बड्डी चीजां ते हैरान करणे वाले चमत्कार दिखाणे कि जे होई सके ते चुणे रे लोक्कां जो भी भड़काई दैण।

यूहन्ना 17:11

अवे मैं दुनिया बिच नी रैह्णा, अवे मैं तुसा का आया करदा है, पर मेरे चेल्‍लेयां ने इस दुनिया बिच रैह्णा, ते मैं तुसा का आई जाणा, ओ पवित्र पिता, अवे अपणे उस नां री ताकत कने तिन्हेरी रक्षा कर जे तुसा ने मेरे जो दित्तेया है, ताकि जिय्यां मैं ते तुसा इक्क हिन, से भी इक्क होई सकण।

यूहन्ना 17:2

किजोकी तुसा ने अपणे पुत्तर जो पूरी मणू जाति पर हक दित्ते रा है कि से, हर इक्क जो, जिन्हा जो तुसा ने तिसजो दित्ते रा है, हमेसा री जिन्दगी देयो।

यूहन्ना 17:24

ओ पिता जी! जे मणू तुसा मेरे जो दित्ते हिन, मैं चाह्‍ंदा कि जित्ते मैं है, से भी मेरे कने हो ताकि से मेरी उस बड़ाई जो दिख्खी सकण जे तुसा ने मेरे जो दित्ती है किजोकी दुनिया री रचना का भी पैल्ले तुसा मेरे कने प्यार करदे हिन

यूहन्ना 17:6

जिन्हा लोक्कां जो तुसा इस दुनिया रे लोक्कां बिच का मेरे जो सौंपेया थिया, मैं तिन्हा जो तुसा रे बारे बिच दस्सेया। से हमेसा का तुसा रे ही हिन। से तुसा रे बोलणे रे हिसाब कने चलेया करदे हिन।

यूहन्ना 6:39

पर मेरे “पिता” री इच्छा ए है कि जे किच्‍छ तिन्ही मेरे जो दित्ता है, उस बिच का मैं किच्‍छ न गवाई देयां पर तिसजो आखरी दिन फिरी जिन्दा करणा,

यूहन्ना 6:65

फिरी तिन्हा ने बोल्लेया, इस तांइ मैं तुसा जो बोल्लेया थिया जां तांइ कुसकी जो पिता रे पास्से का वरदान ना मिल्ले, तां तांइ से मेरे का नी आई सकदा।

यूहन्ना 9:34

तिन्हा ने तिसजो जवाब दित्ता, तू तां बिल्कुल पाप्पां बिच जम्मे रा है, तू असा जो कै सिखान्दा? ते तिन्हा ने तिसजो बाहर कड्डी दित्ता।

रोमियों 5:20

परमेश्वर ने लोक्कां जो मूसा रे जरिये कानून इधेरे तांइ दित्तेया गेया ताकि से जाणी सके कि से किन्ने पाप कने भरे रे थिये, पर जां मणू जादा का जादा पाप करणा लग्गे, तां परमेश्वर रा अनुग्रह भी जादा बदधी करी होया।

फिलिप्पियों 1:29

किजोकी मसीह यीशु री वजह कने तुसा पर ए दया होई कि नां सिर्फ तुसा तिन्हा पर विश्वास करो पर तिन्हा तांइ दुख भी सही सको।

1 तीमुथियुस 1:16

पर मेरे पर दया कित्ती गई। मेरे जदेय सबका बड्डे पाप्पी जो माफ करणे रे जरिये मसीह यीशु ए दिखाणा चाह्‍ंदे थिये कि तिन्हा बिच किन्ना जादा सबर है। ए तिन्हा लोक्कां तांइ इक्क उदारण बणी जाणा जिन्हा ने बाद बिच मसीह यीशु बिच विश्वास करी के हमेसा री जिन्दगी हासिल करणी।

2 तीमुथियुस 2:19

तां भी परमेश्वर रे लोक्कां रा विश्वास कुसकी घरे री नीं सांई मजबूत है जे बिल्कुल भी हिलदी नी। तिस नीं पर ए गल्लां लिखित्ते री हिन, “परमेश्वर जाणदे कि तिन्हेरे मणू कुण हिन” ते ए भी “जे मणू परमेश्वर री अराधना करदे तिन्हा जो बुराई करणा छड्डी दैणा चाएदा।”

इब्रानियों 4:15

असा रे प्रधान पुरोत्त, जे मसीह यीशु हिन, असा री हर कमजोरी जो समजदे, किजोकी शैतान ने तिन्हा जो असा सांई हर गल्ल बिच परखेया, पर फिरी भी तिन्हा ने कोई पाप नी कित्तेया।

इब्रानियों 7:25

इधेरे तांइ जे मणू मसीह यीशु रे जरिए परमेश्वर का आंदे, से तिन्हा लोक्कां रा पूरा छुटकारा दिंदे, किजोकी मसीह यीशु तिन्हा लोक्कां तांइ बिचौल्ले रे तौर पर हमेसा प्रार्थना करदे रैहन्दे।

1 यूहन्ना 2:19

मसीह रा विरोध करणे वाले मणू असा री कलीसिया बिच का निकली करी चली गे, पर से असा रे अपणे नी थिये। किजोकी जे अगर से असा रे अपणे हुंदे तां तिन्हा ने असा कने रैहन्दे, पर से मणू निकली गे जिस कने ए साबित होई गेया कि से सारे कदी असा रे अपणे नी थिये।

प्रकाशित वाक्य 22:17

पवित्रात्मा ते उरणू री नौई लाड़ी यीशु जो बोलदे, “तुसां रा आणा जरुरी है।” हर बसेख जो सुनणे वाले हर इक्क मणू जो बोलणा जरुरी है, “आ!” जे कोई भी प्यासा है से जरुर आए ते तिस पाणी जो अपणाए जिस कने मुफ्त बिच जिन्दगी मिलदी।