यूहन्ना 6:30 - चम्बयाली नौआ नियम

³⁰ तां तिन्हा ने तिसजो बोल्लेया, फिरी तू कुण सी निशानी दिखान्दा है कि असी तिसजो दिख्खी करी तुसा पर विश्वास करण? तू कुण देय्या कम्म दसदा?

यूहन्ना 6:30 ပူးပေါင်းရင်းမြစ်များ

मरकुस 15:32

इस्राएल रा राज्जा, मसीह, अवे सुली का उतरी आओ कि असी दिख्खी करी विश्वास करण।” अते जे तिन्हा कन्ने सुली पर चढ़ाये थिये, से भी तिन्हेरी बेजती करदे थिये।

मरकुस 8:11

जां फरीसी लोक्कां ने सूणेया कि यीशु दलमनूता जिले का हटी आई रे हिन, तां से आई करी तिन्हा कने बैह्स करणा लग्गे। तिन्हा ने यीशु जो फसाणे तांइ तिन्हा का स्वर्गीय चमत्कार री मांग कित्ती ताकि जाणी सकण कि से सच अंदर परमेश्वर रे भेज्जे रे हिन या नी।

यूहन्ना 10:38

पर जे अगर मैं से कम्म करदा, तां चाए मेरा विश्वास ना भी करो, पर उन्हा कम्मां रा तां विश्वास करो, ताकि तुसा जाणी सको ते समझो की प्यो मेरे बिच है ते मैं प्यो बिच।

यूहन्ना 12:37

तिनिये उन्हेरे सामणे इन्ने चमत्कार दिखाए। तां भी उन्हा ने उस पर विश्वास नी कित्तेया।

यूहन्ना 2:18

इस पर यहूदी लोक्कां रे अगुवे लोक्कां ने तिसजो बोल्लेया, तू जे ए करदा तां हमारे जो कुण वाला चमत्कार दसदा?

यूहन्ना 4:8

किजोकी तिसेरे चेल्‍ले तां ग्रां बिच रोट्टी खरीदणे गेरे थिये।

यूहन्ना 6:14

तां जे चमत्कार तिसने करी दखाया तिसजो दिख्खी करी मणू बोलणा लगे, से भविष्यवाणी करणे वाला जे दुनिया अन्दर आणे वाले थिया, पक्का ऐई है

यूहन्ना 6:2

कने इक्क बड़ी भीड़ तिसरे पीच्छे चली पेई किजोकी जे चमत्कार से बिमारा पर दसदा थिया से तिन्हा जो दिखदे थिये

यूहन्ना 6:36

पर जिय्यां मैं तुसा जो बोल्लेया थिया, कि तुसा ने मेरे जो दिख्खी भी लित्या तां भी मेरा विश्वास नी करदे।

प्रेरितां रे कम्म 4:30

जिस बेल्ले ठीक करणे तांइ तुसा अपणा हत्थ बधाओ कि चिन्ह-चमत्कार ते अनौखे कम्म तुसा रे पवित्र सेवक यीशु रे नां कने कित्ते जाण।

1 कुरुन्थियों 1:22

यहूदी लोक्कां जो ए बेवकूफी लगदी किजोकी से मणू विश्वास करणे तांइ परमेश्वर का निशानी तोपदे, ते गैर यहूदियां जो ए बेवकूफी इधेरे तांइ लगदी किजोकी से इन्सानी ज्ञान री तोप बिच हिन।

इब्रानियों 2:4

ते परमेश्वर ने मते चिन्ह-चमत्कार, आश्चर्यकर्म, ते पवित्रात्मा रे दान देई करी इस बसेख जो लोक्कां सामणे पक्का कित्ता।