यूहन्ना 6:28 - चम्बयाली नौआ नियम

²⁸ तिन्हा ने तिसजो बोल्लेया, परमेश्वर रा कम्म करणे तांइ असी कै करिये?

यूहन्ना 6:28 ပူးပေါင်းရင်းမြစ်များ

मत्ती 19:16

इक्क मणू यीशु का आया ते तिन्हा जो बोलणा लगेया, ओ गुरु जी, मैं कुण इदेया भला कम्म करां कि मेरे जो हमेसा री जिन्दगी मिली जाओ?

लूका 10:25

फिरी इक्क दिन जां यीशु लोक्कां जो सिखाया करदे थिये, तां शास्त्री लोक्कां बिच का इक्क जणा उठी करी यीशु जो परखणे तांइ सुआल पूच्छणा लग्गेया, कि ओ गुरु जी, मेरे जो कै करणा चह्ईंदा कि मेरे जो हमेसा री जिन्दगी मिल्ली जाओ?

यूहन्ना 6:27

मुकी जाणे वाली रोट्टी तांइ परिश्रम न करो, पर तिस रोट्टी तांइ मैहनत करो जे कि हमेसा री जिन्दगी तक रैह्‍ंदी, जिस जो मणू रा पुत्तर, जे मैं ही है, तुसा जो दिंगा, किजोकी पिता परमेश्वर ने ए करणा रा अधिकार भी दित्ते रा है।

यूहन्ना 6:29

यीशु ने तिन्हा जो जवाब दित्ता परमेश्वर तुसा का ए चाह्‍ंदे कि तुसा मणू तिस पर विश्वास करो जिस जो परमेश्वर ने भेज्जे रा है।

प्रेरितां रे कम्म 16:30

ते तिन्हा जो बाहर लियाई करी बोलणा लग्गेया, ओ महान मणूओं, छुटकारा पाणे तांइ मैं कै करां?

प्रेरितां रे कम्म 2:37

जां लोक्कां ने ए गल्लां सुणी तां से इदेय परेशान होई गे कि जिय्यां से गल्लां तिन्हेरे दिल रे आर-पार होई गयी होण, ते पतरस ते बाकि प्रेरितां का पूच्छणा लग्गे, ओ भाईयों, असी कै करण?

प्रेरितां रे कम्म 9:6

पर अवे उठी करी कस्बे बिच जा, अते जे तेरे जो करणा है से तेरे जो दस्सी दित्तेया जाणा,