यूहन्ना 6:15 - चम्बयाली नौआ नियम

¹⁵ यीशु ए जाणी करी कि सेह़ मेरे जो राजा बणाणे तांइ पकड़ना चाह्‍ंदे हिन फिरी से पहाड पर किल्ला चली गेया।

यूहन्ना 6:15 ပူးပေါင်းရင်းမြစ်များ

मत्ती 5:1

यीशु ने जां भीड़ दिख्खी तां से तिन्हा लोक्कां जो सखाणे तांइ फाट्टा पर चढ़ी गे ते तित्ते बेई गे, ते तिन्हेरे चेल्‍ले तिन्हेरे का आये,

मरकुस 11:9

यीशु तिस भीड़ रे बिच मझाटे थिये ते जे मणू तिन्हेरे चारो पास्से थिये से जोरे-जोरे ए बोल्लेया करदे थिये कि, “जय हो!” धन्न हिन से जे प्रभु रे नां कने आन्दा है!

लूका 19:38

धन्न है से राजा, जे प्रभु रे नां कने आंदा, स्वर्ग बिच सांती अते आसमान बिच परमेश्वर री जे जे कार हो

यूहन्ना 18:36

यीशु ने जवाब दित्तेया, मेरा राज इत्ते रा नी है जे मेरा राज इत्ते रा हुन्दा तां मेरे पीच्छे चलणे वाले ते मेरी शिक्षा पर चलणे वालेयां ने मेरे जो यहूदियां रे हवाले दैणे का बचाणे तांइ लड़ाई करणी थी पर असलियत बिच मेरा राज इत्ते रा नी है।

यूहन्ना 5:41

मैं मणूआं का बड़ाई नी चाहन्दा।

यूहन्ना 6:22

अगले दिन तिस भीड़ ने जे झील रे किनारे ही रुकी गे थिये, तिन्हा ने दिख्खेया कि यीशु रे चेल्‍ले इक्को-इक्क किस्ती लेई करी चली गेरे हिन, तां तिन्हा जो समझ आई गेया कि यीशु अपणे चेल्‍लेयां कने नी गेरे हिन।

यूहन्ना 6:3

तां यीशु पहाड़ा पर चढ़ी करी अपणे चेल्‍लेयां कने उत्ते बेई गे

इब्रानियों 4:13

परमेश्वर का किच्‍छ भी लुके रा नी है, ते असा ने जे किच्‍छ अपणी जिन्दगी बिच कित्ते रा है, तिसेरा लेखा-जोखा परमेश्वर जो दैणा पैणा।