यूहन्ना 5:46 - चम्बयाली नौआ नियम

⁴⁶ किजोकी जे अगर तुसा मूसा रा विश्वास करदे तां मेरा भी विश्वास करदे, इस तांइ की तिसने मेरे बारे बिच लिखेरा है

यूहन्ना 5:46 ပူးပေါင်းရင်းမြစ်များ

लूका 24:27

तां यीशु ने मूसा रे कानून अते सारे भविष्यद्वक्ता री कताबां का सुरु करी के, सारे पवित्रशास्त्र बिच लिखी री गल्लां बिच का खुद रे बारे बिच तिन्हा जो समजाया।

यूहन्ना 1:45

फिलिप्पुस नतनएल कने मिलया कने तिसजो बोल्लेया, मूसा ते भविष्यद्वक्तां ने ते परमेश्वर रे कानून बिच जिसेरी चर्चा ने कित्ती री है, से असा जो मिली गेया, से यूसुफ रा पुत्तर, नासरत कस्बे रा यीशु है।

यूहन्ना 5:47

पर जे तुसा मूसा रे कानून बिच लिख्खे री गल्लां पर विश्वास नी करदे तां मेरी गल्लां पर विश्वास किय्यां करी करगें।

प्रेरितां रे कम्म 26:22

पर परमेश्वर री मदद कने मैं अज्ज तांइ बणी रे रा है ते छोटे-बड्डे सबणी सामणे गवाई दिन्दा, ते तिन्हा गल्लां जो छड्डी करी होर किच्‍छ नी बोलदा जे भविष्यद्वक्ता ने अते मूसा ने भी बोल्लेया कि से होणे वालियां हिन,

रोमियों 10:4

मसीह यीशु ने मूसा रे कानूनां जो पूरा कित्तेया जिस मकसद तांइ से दित्ते गेया थिया, ताकि हर इक्क मणू जे मसीह यीशु बिच विश्वास करे, से परमेश्वर री नजर बिच धार्मिक ठैहरे।

गलातियों 2:19

मैं ए गल्ल समजदा कि मैं मूसा रे कानून जो मनणे कने धार्मिक नी ठैहरी सकदा। तां मैं ए समजदा कि मैं मूसा रे कानून तांइ मरी गेया ताकि मैं परमेश्वर तांइ जियां।

गलातियों 3:10

इधेरे तांइ तिन्हा लोक्कां पर लाणत है जे मणू मूसा रे कानून जो मनणे पर भरोसा रखदे, किजोकी पवित्रशास्त्र बिच ए लिख्खे रा है, “लाणत है तिन्हा लोक्कां पर जे मणू मूसा रे कानून रे इक्क-इक्क नियम जो नी निभांदे।”

गलातियों 3:13

मसीह यीशु ने असा जो मूसा रे कानून रे श्राप का छुटकारा दैणे तांइ तिस श्राप जो अपणे उप्पर लेई करी सुली पर अपणी जान देई दित्ती, किजोकी पवित्रशास्त्र बिच लिख्खे रा है, “शापित है से मणू जे सुली पर मरदा।”

गलातियों 3:24

मूसा रा कानून असा जो इधेरे तांइ दित्तेया गेया ताकि मसीह रे आणे तिकर से असा जो रस्ता दस्से ते असा रा ख्याल रख्खे। ताकि असी परमेश्वर री नजरां बिच मसीह यीशु बिच विश्वास करणे रे जरिये धार्मिक ठैहरे।