यूहन्ना 5:44 - चम्बयाली नौआ नियम

⁴⁴ तुसा इक्क-दुजे का बड़ाई चाह्‍ंदे, कने से बड़ाई जे इक्क मात्र परमेश्वर रे पासे का है, नी चाहंदे, कुस तरिक्के कने मेरा विश्वास करी सकगे?

यूहन्ना 5:44 ပူးပေါင်းရင်းမြစ်များ

मत्ती 23:5

से ठीक कम्म इधेरे तांइ करदे कि मणू उन्हा जो दिखण, से पवित्रशास्त्र रे लिख्खे री वचनां री लम्बी-लम्बी पट्टियां अपणे जिस्म पर बन्नी करी फिरदे, अते अपणे कपड़ेयां री झालरां जो बड़ा बड्डा करदे।

लूका 19:17

मालक, ने तिसजो बोल्लेया, शाबास, तू तां बड़ा खरा कन्ने भरोसे रे लायक नौक्कर है, इधेरे तांइ मैं तिज्जो दस राज रा अधिकारी बणाई दिन्दा

यूहन्ना 12:43

किजोकी मणूआं रे पास्से री बड़ाई उन्हा जो परमेश्वर रे पास्से री बड़ाई का जादा प्यारी थी।

यूहन्ना 17:3

ते इस तरिक्के कने हमेसा री जिन्दगी जो हासिल कित्तेया जाई सकदा कि मणू इकलौते सच्चे परमेश्वर जो ते यीशु मसीह यानी मेरे जो जाणे जिस जो तुसा दुनिया रे लोक्कां का भेज्जे रा है।

यूहन्ना 3:20

कि जे कोई बुराई करदा से रौसनी कने दुश्मणी रखदा कने रौसनी रे नेड़े नी आंदा, इदेया न हो कि तिसेरे कम्मां पर दोष लगाया जाए

यूहन्ना 5:41

मैं मणूआं का बड़ाई नी चाहन्दा।

यूहन्ना 8:43

तुसा मेरी गल्ल किजो नी समजदे? इस तांइ किजोकी तुसा मेरा शिक्षा जो सुणी नी सकदे।

रोमियों 2:10

पर परमेश्वर ने हर इक्क भला कम्म करणे वाले, पैल्ले यहूदी फिरी गैर यहूदी मणू जो महिमा, आदर ते सांती दैणी।

रोमियों 2:29

पर सच्चा यहूदी से ही है जिसेरा मन परमेश्वर री नजरां बिच धार्मिक हो। ते सच्चा खतना सिर्फ मूसा रे कानून बिच लिख्खे री गल्लां जो मनणा ही नी है, पर परमेश्वर रे आत्‍मा रे जरिये अपणे दिल रा बदलणा है। इदेय मणू जो मणूआं रे पास्से का नी पर परमेश्वर रे पास्से का प्रशंसा मिलदी।

रोमियों 2:7

जे ठीक कम्मां बिच टिके रेई करी महिमा, इज्जत ते हमेसा री जिन्दगी री खोज बिच हिन, परमेश्वर ने तिन्हा लोक्कां जो हमेसा री जिन्दगी दैणी।

1 कुरुन्थियों 4:5

इधेरे तांइ, पैल्ले ही कुसकी गल्ल रा हिसाब कताब मत करेया करो, बल्कि जां तांइ प्रभु नी आंदे तां तांइ रुकी रेयो। किजोकी तिन्हा ने लोक्कां री दिल री लुके री गल्लां रे बारे बिच साफ-साफ दसणा जिन्हा रे बारे बिच कोई नी जाणदा। तिन्हा ने लोक्कां रे दिल रे लुके रे इराद्देयां जो साफ-साफ ज़ाहिर करणा। तां फिरी परमेश्वर ने सारेयां री तारिफ करणी।

2 कुरुन्थियों 10:18

किजोकी जे अपणी तारिफ करदा, से नी, पर जिसेरी तारिफ प्रभु करदे, से ही प्रभु री नजरां बिच सही है।

फिलिप्पियों 2:3

मतलबीपन या झूठ्ठी बड़ाई तिकर किच्‍छ मत करो, पर दीनता कने इक्क दुजे जो अप्पु का बदिया समझो।

1 थिस्सलुनीकियों 2:6

असी मणूआं का आदर नी चाह्‍ंदे थिये, ते ना तुसा का, ना होर कुसकी का, हालांकि असी चाह्‍ंदे तां मसीह यीशु रे प्रेरित होणे रे वजह कने तुसा पर बोझ पाई सकदे थिये

1 तीमुथियुस 1:17

हमेसा तिकर राज करणे वाले राज्जा, अविनाशी, अणदिख्खे ते इकलौत्ते परमेश्वर रा आदरमान ते महिमा हमेसा-हमेसा तिकर हुंदी रे। आमीन!

इब्रानियों 3:12

ओ संगी विश्वासियों, चुकन्ने रेयो, कि तुसा रे मन बिच इदेइ बुराई ते अविश्वास ना आई जाओ, जे तुसा जो जिन्दगी दैणे वाले परमेश्वर रे हुकमा जो मनणे का फेरी दे।

याकूब 2:1

ओ मेरे संगी विश्वासियों, तुसा असा रे महिमामय मसीह यीशु बिच विश्वास करणे वाले मणू हिन, इधेरे तांइ तुसा बिच दूज करणे रा स्वभाव ना हो।

1 पतरस 1:7

इन्हा मुसीबतां रा मकसद ए दर्शाणा है कि तुसा परमेश्वर पर विश्वास करदे भी या नी। मसीह बिच तुसा विश्वास सोन्ने का भी जादा कीमती है। जिय्यां कि सोन्ना जे इक्क दिन खत्म होई जाणा, तिसजो भी आग्ग बिच परखेया ते निखारेया जांदा। जे अगर तुसा रा विश्वास इन्नी कड़ी मुसीबतां रे बाद भी बणेया रैहन्दा, तां इसेरी वजह कने तुसा जो तिस दिन बड़ा आदरमान ते महिमा मिलणी जिस दिन मसीह यीशु ने हटी आणा।