यूहन्ना 5:39 - चम्बयाली नौआ नियम

³⁹ तुसा पवित्रशास्त्र जो पढ़दे किजोकी सोचदे कि तिस बिच तुसा जो हमेसा री जिन्दगी मिलदी ते ए ही है जे मेरी गवाई दिंदा।

यूहन्ना 5:39 ပူးပေါင်းရင်းမြစ်များ

मत्ती 22:29

यीशु ने तिन्हा जो जवाब दित्तेया, तुसा पवित्रशास्त्र ते परमेश्वर री ताकत नी जाणदे इसी वजह कने भूल बिच पे रे हो।

मरकुस 10:3

यीशु ने फरीसी लोक्कां जो पूच्छेया, “मूसा ने तुसा जो कै हुकम दित्ते रा है?”

मरकुस 12:10

कै तुसा ने पवित्रशास्त्र अन्दर ए वचन नी पढ़ेया? ‘जिस पत्थर जो मिस्त्रियां ने तुच्छ समजेया थिया, सेह्ई कुणे रा खास पत्थर बणी गेया।

लूका 16:29

अब्राहम ने बोल्लेया, तेरे भ्यालां तांइ मूसा रे कानून ते भविष्यद्वक्तां दी कताबां हिन, से तिन्हा जो पढ़ी करी तिन्हेरी गल्लां पर चली सकदे

लूका 16:31

अब्राहम ने तिसजो बोल्लेया, जे से मूसा रे कानून अते भविष्यद्वक्तां री कताबा बिच जे लिख्खे रा है, तिन्हा जो नी सूणदे तां कोई मरे रे मणूआं बिच का जिन्दा होई करी तिन्हा का जाओ, तां भी तिन्हा तिन्हेरा विश्वास नी करणा।

लूका 24:25

तां यीशु ने तिन्हा दो चेल्‍लेयां जो बोल्लेया, तुसा बड़े बेवकूफ हिन भविष्यद्वक्ता ने शास्त्र बिच जे किच्‍छ बोल्लेया थिया तिन्हा गल्लां पर विश्वास करणा तुसा जो बड़ा मुशकल लग्गेया करदा है?

लूका 24:27

तां यीशु ने मूसा रे कानून अते सारे भविष्यद्वक्ता री कताबां का सुरु करी के, सारे पवित्रशास्त्र बिच लिखी री गल्लां बिच का खुद रे बारे बिच तिन्हा जो समजाया।

लूका 24:44

फिरी यीशु ने तिन्हा जो बोल्लेया, ए से गल्लां हिन जे मैं तुसा जो बोल्ली थिया, जां मैं तुसा कन्ने थिया, कि हर से गल्ल जे मेरे बारे बिच मूसा रे कानून बिच भविष्यद्वक्ता री कताबां बिच अते भजना री कताबां बिच लिख्खी दी हिन, से सब गल्लां पूरी होणी।

यूहन्ना 1:45

फिलिप्पुस नतनएल कने मिलया कने तिसजो बोल्लेया, मूसा ते भविष्यद्वक्तां ने ते परमेश्वर रे कानून बिच जिसेरी चर्चा ने कित्ती री है, से असा जो मिली गेया, से यूसुफ रा पुत्तर, नासरत कस्बे रा यीशु है।

यूहन्ना 5:32

पर “पिता” मेरे बारे बिच गवाई दिंदे ते मैं जाणदा जेडी मेरी गवाई दिन्दा से सच्ची है

यूहन्ना 5:36

पर मेरे का जेड़ी गवाई है से यूहन्ना री गवाई का बड्डी है, किजोकी जेडा कम्म “पिता” ने मेरे जो पूरा करणे जो दित्ते रा है, से ही कम्म मेरी गवाह है, कि “पिता” ने मेरे जो भेज्जे रा है।

यूहन्ना 5:40

फिरी भी तुसा हमेसा री जिन्दगी पाणे तिकर मेरे का आणा नी चाह्‍ंदे।

यूहन्ना 5:46

किजोकी जे अगर तुसा मूसा रा विश्वास करदे तां मेरा भी विश्वास करदे, इस तांइ की तिसने मेरे बारे बिच लिखेरा है

यूहन्ना 7:52

नीकुदेमुस ने यीशु जो जवाब दित्ता, “क्‍या तुसा भी गलील प्रदेश रे हिन? अप्पु ही पवित्रशास्त्र बिच तोप्पि करी समजी जाओ कि गलील प्रदेश का कोई भविष्यद्वक्ता नी बणी सकदा।”

प्रेरितां रे कम्म 13:27

यरुशलेम रे रैह्णे वाले लोक्कां ने ते तिन्हेरे अधिकारियां ने नी समजेया यीशु से ही हिन जिन्हेरे बारे बिच भविष्यद्वक्तां ने बोल्लेया थिया। पर तिन्हा जो पछानणे रे बजाए तिन्हा लोक्कां ने यीशु पर इल्जाम लाए ते इस तरिक्के कने भविष्यद्वक्तां री बोल्ली री तिन्हा गल्लां जो पूरा कित्ता जे असी हर विश्राम दिन पर पढ़दे।

प्रेरितां रे कम्म 17:11

ए मणू थिस्सलुनीके सहर रे मणूआं का जादा ठीक थिये इन्हा ने पूरा मन लगाई करी वचन सूणेया ते हर रोज पवित्रशास्त्र जो उलटदे पलटदे ए जांचदे रे कि पौलुस ने जे गल्लां दस्सी, कै से सच हिन।

प्रेरितां रे कम्म 26:27

ओ राजा अग्रिप्पा, कै तू भविष्यद्वक्ता पर विश्वास करदा? हाँ, मेरे जो पता है कि तू विश्वास करदा

रोमियों 1:2

जिसेरा वादा तिन्हा ने मसीह यीशु रे आणे का बड़े पैल्ले ही पवित्रशास्त्र बिच अपणे भविष्यद्वक्तां रे जरिये कित्ता थिया।

रोमियों 3:2

हाँ! इसेरे मते फायदे हिन। सबका पैल्ली गल्ल ता ए है कि तिन्हा पर परमेश्वर रे बसेख जो ज़ाहिर कित्ता गेया।

कुलुस्सियों 3:16

जिय्यां कि तुसा इक्क दूए जो बड़ी समजदारी ते ज्ञान कने सिखांदे हिन, ते बड़ी शुकरगुज़ारी कने परमेश्वर तांइ भजन, स्तुतीगान ते आत्मिक गीत गाया करदे हिन, तिस कने कने ही मसीह रे वचनां जो अप्पु अंदर भरपुरी कने बसणा देयो।

इब्रानियों 11:16

पर से सबका खरी चीज मतलब स्वर्ग रे चाह्‍णे वाले हिन इधेरे तांइ परमेश्वर तिन्हा का परमेश्वर केहलाणे बिच खुस हुदें थिये, किजोकी तिन्हा ने तिन्हेरे तांइ इक्क सहर तैयार कित्ते रा है।

इब्रानियों 11:35

किच्‍छ जनानियां ने अपणे मरे रे मणूआं जो फिरी जिन्दा पाया, किन्ने तां मार खादें-खादें मरी गे ते छुटकारा नी चाएया, इधेरे तांइ कि सबका बदिया जी उठणा रे भागी बनण

प्रकाशित वाक्य 19:10

तां मैं तिन्हा जो प्रणाम करणे तांइ तिन्हेरे पैरां पर पेई गेया, तिन्हा ने मेरे जो बोल्लेया, दिख्ख, इय्यां मत कर मैं तेरे ते तेरे भ्यालां रा संगी दास है जे यीशु री ग्वाही दैणे पर स्थिर हैं परमेश्वर जो ही प्रणाम करे: किजोकी यीशु री ग्वाही भविष्यवाणी री आत्‍मा है।