यूहन्ना 5:36 - चम्बयाली नौआ नियम

³⁶ पर मेरे का जेड़ी गवाई है से यूहन्ना री गवाई का बड्डी है, किजोकी जेडा कम्म “पिता” ने मेरे जो पूरा करणे जो दित्ते रा है, से ही कम्म मेरी गवाह है, कि “पिता” ने मेरे जो भेज्जे रा है।

यूहन्ना 5:36 ပူးပေါင်းရင်းမြစ်များ

मत्ती 11:4

यीशु ने जवाब दित्तेया, कि जे किच्‍छ तुसा दिखदे सूणदे हिन, से सब किच्‍छ जाई करी यूहन्ना जो बोल्ली देयो।

लूका 2:49

यीशु ने तिन्हा जो बोल्लेया, तुसा मेरे जो किजो तोपदे थिये? कै तुसा ए नी जाणदे कि मेरे तांइ अपणे प्यो रे घरे रैह्णा कितणा जरुरी है?

यूहन्ना 10:25

यीशु ने तिन्हा जो जवाब दित्ता, मैं तुसा जो बोल्ली दित्ता पर तुसा विश्वास ही नही करदे, जे कम्म मैं अपणे प्यो रे दित्ते रे अधिकार कने करदा, ओ ही मेरे गवाह हिन

यूहन्ना 11:37

पर उन्हा बिच का किच्‍छ लोक्कां ने बोल्लेया, कै जिनिये अन्नेया री हाख्खियां री रौसनी ठीक कित्ती, ओ इन्ना भी करी सकेया कि ए मणू नी मरदा?

यूहन्ना 15:24

जे मैं तिन्हेरे बिच से चिन्हा-चमत्कार नी दसदा, जे कुसकी ने भी नी कित्ते, तां से पाप रे कसुरवार नी हुन्दे, पर अवे जां से दिख्खी चुके रे हिन तां भी मेरे कने अते मेरे पिता दोन्नां का नफरत करदे हिन।

यूहन्ना 17:4

जे कम्म तुसा ने मेरे जो दित्ते थिये, उन्हा जो पूरा करी के दुनिया बिच मैं तुसा रे नां री बड़ाई कित्ते री है

यूहन्ना 2:23

“जिस बेल्ले से यरुशलेम सहर बिच फसह रे त्याहार बिच थिया, तां मतेयां ने तिन्हेरे चमत्कार, जे से दसदा थिया, से दिख्खी करी तिस पर विश्वास कित्ता।”

यूहन्ना 3:17

परमेश्वर ने अपणे पुत्तर जो दुनिया बिच इस तांइ नी भेज्जेया कि दुनिया रे लोक्कां पर सजा रा हुकम दे, पर इस तांइ कि दुनिया रे मणू तिसेरे जरिए छुटकारा पाए।

यूहन्ना 3:2

तिनिये रात्ती यीशु का आई करी तिन्हा जो बोल्लेया, ओ गुरु, असी जाणदे कि परमेश्वर ने तुसा जो असी लोक्कां जो सिखाणे तांइ भेज्जे रा है, किजोकी जदेय जदेय चमत्कार तुसा दिखादें, अगर परमेश्वर तुसा रे कन्ने ना हो तां नी दिखाई सकदे।

यूहन्ना 4:34

यीशु ने तिन्हा जो बोल्लेया, मेरी रोट्टी से है कि परमेश्वर जिन्हा ने मेरे जो भेज्जे रा है, तिन्हेरी मर्जी रे हिसाब कने चलां ते तिसेरा कम्म पूरा करां।

यूहन्ना 5:32

पर “पिता” मेरे बारे बिच गवाई दिंदे ते मैं जाणदा जेडी मेरी गवाई दिन्दा से सच्ची है

प्रेरितां रे कम्म 2:22

ओ इस्राएलियों, ए गल्लां सुणो: नासरत कस्बे रे यीशु, इक्क मणू थिये जिन्हेरा परमेश्वर रे पास्से का होणे रा सबूत तिन्हा चिन्ह-चमत्कारां, अनौखे कम्मां ते चमत्कारी चिन्ह कने अप्पु जो साबित कित्ता, जे परमेश्वर ने तुसा मझाटे तिन्हेरे का करी दिखाए, जिन्हेरे जो तुसा अप्पु ही जाणदे।

1 यूहन्ना 5:9

जां असी मणूआं री गवाई मन्नी लिन्दे, तां परमेश्वर री गवाई तिसका बद्धी करी है जे तिन्हा ने अपणे पुत्तर रे बारे अन्दर गवाई दित्ते री है।