यूहन्ना 5:34 - चम्बयाली नौआ नियम

³⁴ पर मैं अपणे बारे बिच मणू री गवाई नी चाहन्दा तां भी ए गल्लां इस तांइ बोलदा कि तुसा जो छुटकारा मिल्ले।

यूहन्ना 5:34 ပူးပေါင်းရင်းမြစ်များ

लूका 13:34

ओ यरुशलेम रे लोक्कों, इक्क समय पर तुसा ने भविष्यद्वक्ता जो मारे रा है, जिन्हा जो परमेश्वर ने इत्ते रे मणूआं तांइ भेज्जे रा थिया, तिन्हा जो इत्ते रे ही मणूआं ने पत्थरां कने मारे रा है, मैं बड़ी वरी इत्ते रे मणूआं रे बचाणे री कोसीस कित्ती, जिय्यां इक्क मुर्गी अपणे बच्चेयां जो अपणे पंखा रे हेठ समेटी लिन्दी, पर तुसा नी चाएया कि मैं तुसा जो बचां।

लूका 19:10

किजोकी मणू रा पुत्तर, जे मैं ही है तेरे जदेय होर भी मणूआं जो हमेसा री सजा का बचाणे तांइ आए रा है।

लूका 24:47

अते तिन्हेरा नां लेई करी यरुशलेम सहर अते देस-देस रे लोक्कां बिच पाप्पां का तौबा अते माफी पाणे रा सुब बसेख सुणाया जाणा।

यूहन्ना 20:31

अते जे गल्लां लिख्खी हिन, से इधेरे तांइ हिन कि तुसा विश्वास करो कि यीशु ही परमेश्वर रे पुत्तर, मसीह हिन अते इधेरे तांइ विश्वास करणे रे जरिए तुसा जो उसेरे नां बिच हमेसा री जिन्दगी मिल्लो।

यूहन्ना 5:32

पर “पिता” मेरे बारे बिच गवाई दिंदे ते मैं जाणदा जेडी मेरी गवाई दिन्दा से सच्ची है

यूहन्ना 5:41

मैं मणूआं का बड़ाई नी चाहन्दा।

यूहन्ना 8:54

यीशु ने जवाब दित्ता, जे अगर मैं अप्पु अपणी बड़ाई करां, तां मेरी बड़ाई किच्‍छ नी पर मेरी बड़ाई करणे वाला मेरा पिता है, जिस जो तुसा बोलदे कि तुसा रा परमेश्वर है।

रोमियों 10:1

ओ मेरे संगी विश्वासियों, मैं ए चाह्‍ंदा, ते परमेश्वर का मेरी ए ही प्रार्थना है कि से इस्राएल रे लोक्कां जो छुटकारा दे।

रोमियों 10:21

पर इस्राएली लोक्कां रे बारे बिच परमेश्वर ने ए बोल्लेया, “मैं सारा दिन, मेरा हुकम ना मनणे वाले, ते मेरे खिलाफ रैह्णे वाले लोक्कां अग्गे तिन्हा जो फिरी अपणाई लैणे तांइ अपणे हत्थ फलाई रख्खे।”

रोमियों 12:21

बुराई का मत हारो, पर भलाई कने बुराई जो जीत्ती लियो।

रोमियों 3:3

जे अगर किच्‍छ यहूदी मणू परमेश्वर कने भरोसेमंद ना रे तां कै होया? तिन्हेरे भरोसेमंद ना होणे रे बावजूद भी परमेश्वर ने तिन्हा कने अपणे वादे जो पूरा करणे बिच भरोसेमंद रैह्णा।

1 कुरुन्थियों 9:22

जां मैं विश्वास बिच कमजोर लोक्का कने रेया तां मैं तिन्हा सांई ही बर्ताव कित्ता ताकि मैं तिन्हा मसीह बिच छिक्की अणा। मैं सबणी मणूआं तांइ सब किच्‍छ बणेया कि कुसकी-ना-कुसकी तरिक्के कने मते जणेया रा छुटकारा कराई सकां।

1 तीमुथियुस 4:16

इधेरे तांइ चुकन्ने रेयो कि तुसा किय्यां अपणी जिन्दगी जिया करदे हिन ते तुसा कै सिखांदे। इन्हा गल्लां पर टिकी रेय किजोकी जे अगर इय्यां करदा रैह्‍ंगा तां इसेरे नतीज्जे रे तौर पर परमेश्वर तेरे जो तेरे सुनणे वाले लोक्कां जो सजा का बचाणा।

1 यूहन्ना 5:9

जां असी मणूआं री गवाई मन्नी लिन्दे, तां परमेश्वर री गवाई तिसका बद्धी करी है जे तिन्हा ने अपणे पुत्तर रे बारे अन्दर गवाई दित्ते री है।