यूहन्ना 5:30 - चम्बयाली नौआ नियम

³⁰ मैं अप्पु का किच्‍छ नी करी सकदा, जदेया मेरे जो “पिता” करणे तांइ बोलदे से ही करदा। मैं हिसाब-किताब करदा कने मेरा हिसाब-किताब सच्चा है किजोकी मैं अपणी मर्जी नी पर अपणे भेजणे वाले री मर्जी पूरी करणा चाहन्दा।

यूहन्ना 5:30 ပူးပေါင်းရင်းမြစ်များ

मत्ती 26:39

फिरी से थोड़ा होर अग्गे बधी करी मुँह रे भारे पेय, ते प्रार्थना कित्ती, ओ मेरे पिता जे होई सके तां ए कटोरा मेरे का टली जाए तां भी जिय्यां मैं चाह्‍ंदा तिय्यां नी पर जिय्यां तुसा चाह्‍ंदे तिय्यां ही हो।

यूहन्ना 14:10

कै तू विश्वास नी करदा कि मैं पिता बिच है ते पिता मेरे बिच हिन? ए गल्लां जे मैं तुसा कने बोल्लेया करदा है, अपणे पास्से का नी है बोल्लेया करदा, बल्कि पिता मेरे बिच रही करी अपणा कम्म करेया करदे हिन।

यूहन्ना 17:4

जे कम्म तुसा ने मेरे जो दित्ते थिये, उन्हा जो पूरा करी के दुनिया बिच मैं तुसा रे नां री बड़ाई कित्ते री है

यूहन्ना 18:11

फिरी यीशु ने पतरस जो बोल्लेया, अपणी तलवार म्यान बिच रख्खी लै। कै मैं दुख रा से कटोरा नी पीयां जे परम पिता ने मेरे जो दित्तेया है?

यूहन्ना 4:34

यीशु ने तिन्हा जो बोल्लेया, मेरी रोट्टी से है कि परमेश्वर जिन्हा ने मेरे जो भेज्जे रा है, तिन्हेरी मर्जी रे हिसाब कने चलां ते तिसेरा कम्म पूरा करां।

यूहन्ना 5:19

इस पर यीशु ने तिन्हा जो बोल्लेया, मैं तुसा जो सच-सच बोलदा, पुत्तर अपणी मर्जी कने किच्‍छ नी करी सकदा, पर सिर्फ से ही, जे परमेश्वर पिता जो करदे दिखदा, किजोकी जिन्हा-जिन्हा कम्मां जो “पिता” करदा, तिसजो पुत्तर भी तिसी तरिक्के करदा।

यूहन्ना 6:38

किजोकी मैं अपणी मर्जी कने नी, पर अपणे “पिता” री मर्जी पूरी करणे तांइ स्वर्ग का उतरेया।

यूहन्ना 8:28

तां यीशु ने बोल्लेया, कि जां तुसा मणू रे पुत्तर, जो ऊचें पर चढ़ांगे, तां जाणगें कि मैं से ही हैं, ते मैं अपणे आप का किच्‍छ नी करदा, पर पिता मेरे जो जिय्यां सिखान्दा, से ही गल्लां मैं बोलदा।

यूहन्ना 8:42

यीशु ने तिन्हा जो बोल्लेय, जे परमेश्वर तुसा रा प्यो हुदां, तां तुसा मेरे कने प्यार करदे, किजोकी मैं परमेश्वर रे पास्से का आए रा है, मैं अप्पु नी आया, पर तिनहा ने ही मेरे जो भेज्जेया।

यूहन्ना 8:50

पर मैं अपणी बड़ाई नी कराणा चाह्‍ंदा, इक्क है जे चाह्‍ंदा कि मेरी बड़ाई हो, ते से इंसाफ करदा।

रोमियों 15:3

किजोकी मसीह यीशु ने अपणे आप जो खुस नी कित्तेया, पर जिय्यां पवित्रशास्त्र बिच लिख्खे रा है: “जिन्हा लोक्कां ने तेरी बेज्जती कित्ती, तिन्हा ने मेरी भी बेज्जती कित्ते री है।”

रोमियों 2:2

असी जाणदे की परमेश्वर धार्मिक तरिक्के कने सारेयां रा हिसाब लिंदे, ते इदेय-इदेय कम्म करणे वालेयां जो परमेश्वर तिन्हा रे कम्मां रे हिसाब कने तिन्हा जो सजा दिंदे।

रोमियों 2:5

पर किजोकी तुसा ढीठ हिन ते अपणे पाप्पां का तौबा करणे का इन्कार करणे कने तुसा अपणे तांइ बड़ी वरी सजा कठेरेया करदे हिन। किजोकी परमेश्वर रे गुस्सा करणे रा से दिन आया करदा है, जा तिन्हेरा धार्मिक इन्साफ लोक्कां पर ज़ाहिर होणा।