यूहन्ना 5:29 - चम्बयाली नौआ नियम

²⁹ जिन्हा ने भलाई जिन्दगी बिताए री है, तिन्हा जो हमेसा री जिन्दगी पाणे तांइ मरे रे लोक्कां बिच का फिरी जिन्दा कित्तेया जाणा, ते जिन्हा ने पाप री जिन्दगी बिताए री है, तिन्हा जो हमेसा री सजा भूगतणे तांइ जिन्दा कित्ता जाणा।

यूहन्ना 5:29 ပူးပေါင်းရင်းမြစ်များ

लूका 14:14

किजोकी तिन्हा का तिज्जो हटाणे तांइ किच्‍छ भी नी है, ए ही गल्ल तेरे तांइ आशीष री वजह बणी जाणी इधेरा फल्ल तिज्जो धार्मिक मणूआं रे फिरी जिन्दे होई उठणे का बाद मिलणा।

प्रेरितां रे कम्म 24:15

ते परमेश्वर का आस रखदा जे से अप्पु भी रखदे, कि परमेश्वर ने धार्मिक ते अधर्मी दोनो किस्मे रे मणूआं ने मुर्देयां बिच का फिरी जिन्दे कित्ते जाणे।

1 तीमुथियुस 6:18

तिन्हा जो बड़े जादा ठीक काम्म, ते दयालू ते इक्क-दूए री जरुरत रे हिसाब कने बडंणा सिखाओ।

इब्रानियों 10:27

हाँ, तां फिरी असा जो बड़े डर कने ए गल्ल जाणी लैणी चाएदी कि परमेश्वर ने तिन्हा विरोधी लोक्कां का हिसाब लैणा ते तिन्हा जो नरक री आग्ग बिच पाई करी सजा दैणी।

इब्रानियों 13:16

भलाई रे कम्म करेयो, ते जे तुसा का है, तिसजो जरुरतमंद लोक्कां कने बंडेया करो। किजोकी परमेश्वर इदेय कुर्बानी कने खुस रैहन्दे।

1 पतरस 3:11

तिसजो बुराई रे कम्म करणा छड्डी दैणा चाएदा। इसेरे बजाए, तिसजो से ही करणा चाएदा जे खरा है। सारेयां कने सांती कने रैह्णे री कोसीस करो।