यूहन्ना 5:27 - चम्बयाली नौआ नियम

²⁷ ते परमेश्वर ने मेरे जो हर इन्सान पर, तिन्हेरा हिसाब-किताब करणे रा भी हक्क दित्ते रा है, किजोकी मैं मणू रा पुत्तर है।

यूहन्ना 5:27 ပူးပေါင်းရင်းမြစ်များ

मत्ती 9:6

ताकि तुसा ए जाणी जाओ कि मणू रे पुत्तर, जे मैं ही है जो दुनिया पर पाप माफ करणे रा हक्क है तां तिन्हा ने अधरंग रे मरीज जो बोल्लेया, “उठ, अपणा पन्द चुक्क, अते अपणे घरे चली जा।”

यूहन्ना 5:22

परमेश्वर पिता कुसकी रा हिसाब-किताब नी करदा, पर हिसाब-किताब करणे रा सारा कम्म पुत्तर जो सौंपी दित्तेया गे रा है,

यूहन्ना 9:39

तां यीशु ने बोल्लेया, मैं इस दुनिया बिच हिसाब-किताब करणे तांइ आए रा है, ताकि जे नी दिखदे से दिखण, ते जे दिखदे से अन्ने होई जाण।

प्रेरितां रे कम्म 10:42

ते तिन्हा ने असा जो हुकम दित्तेया, कि सारे मणूआं बिच प्रचार करो, ते गवाई देयो, कि यीशु ही परमेश्वर रे पुत्तर हिन, जिन्हा जो परमेश्वर ने मरे रे लोक्कां रा फैसला करणे तांइ चुणे रा है।

प्रेरितां रे कम्म 17:31

किजोकी तिन्हा ने इक्क रोज पक्का कित्तेया है, तिन्हा मणूआं रे जरिए धर्म कने दुनिया रा हिसाब-किताब करणा, जिन्हा जो तिन्हा ने चुणे रा है तिन्हा जो मरे रेयां बिच का जिंदा करणा, ए गल्ल सबनियां पर प्रमाणित करी दित्ती गे री है।

1 कुरुन्थियों 15:25

किजोकी मसीह यीशु रा तिस राज पर शासन करणा जरुरी है जां तांइ परमेश्वर अपणे सारे दुश्मणा जो अपणे पैरां हेठ ना करी लैण।

इब्रानियों 1:2

पर आखरी रोज्जां रे बारे बिच परमेश्वर ने अपणे पुत्र रे जरिये असा कने गल्लां कित्ते री हिन, जिन्हेरे जरिए तिन्हा ने सारे ब्रम्हांड जो भी रचेया, ते जिन्हा जो परमेश्वर ने अपणी रचे री हर चीज रा वारिस भी बणाया।

1 पतरस 3:22

ते अवे से स्वर्ग जो चली गेरे हिन। से अवे सबका ऊच्ची जगाह् पर, परमेश्वर रे सज्जे हत्थ पास्से का सारे स्वर्गदूतां पर ते सारी हुकुमतां ते ताकतां पर राज करेया करदे हिन।