यूहन्ना 5:26 - चम्बयाली नौआ नियम

²⁶ किजोकी जिस तरिक्के बाबा अप्पु अन्दर जिन्दगी रखदा तिसी तरिक्के तिसने पुत्तर जो भी ए हक्क दितेरा है कि अप्पु बिच जिन्दगी रखे

यूहन्ना 5:26 ပူးပေါင်းရင်းမြစ်များ

यूहन्ना 1:4

तिस बिच जिन्दगी थी जे सारे मणूआं जो रौसनी दिंदा।

यूहन्ना 10:18

कोई मेरी जिन्दगी मेरे का खुस्सेया नी है करदा, बल्कि मैं अप्पु ही अपणी जिन्दगी दिंदा, मेरे जो अपणी जिन्दगी दैणे रा भी हक्क है, ते तिसजो फिरी लेई लैणे रा भी हक्क है: ए हुकम मेरे जो मेरे पिता-परमेश्वर का मिल्ले रा है।

यूहन्ना 11:25

यीशु ने तिसजो बोल्लेया, फिरी जिन्दा होणा ते अब्बे री जिन्दगी मैं ही है जै कोई मेरे पर विश्वास रखदा, से मरी भी जाए तां भी तिनिये जीणा,

यूहन्ना 11:26

ते जे कोई जिन्दा है ते मेरे पर विश्वास रखदा, तिनिए कदी नी मरणा, कै तू इस गल्ल पर विश्वास करदी?

यूहन्ना 14:19

अवे थोड़ी ही देर बाद दुनिया रे लोक्कां ने मेरे जो नी दिख्खणा, पर तुसा ने मेरे जो दिख्खणा, किजोकी मैं जिंदा है, इधेरे तांइ तुसा भी जिंदे रैह्णा।

यूहन्ना 14:6

यीशु ने तिसजो बोल्लेया, रस्ता अते सच्चाई ते जिन्दगी मैं ही है, बगैर मेरे कोई पिता-परमेश्वर का नी पूज्जी सकदा।

यूहन्ना 4:10

यीशु ने जवाब दित्ता, जे तू परमेश्वर रे वरदान जो जाणदी जे से तिज्जो दैणा चाह्‍ंदे, कने ए भी नी जाणदी कि से कुण है जे तिज्जो बोलदा, मेरे जो पाणी पिया, तां तू तिसका मंगदी कने से तिज्जो जिन्दगी रा पाणी दिंदा।

यूहन्ना 6:57

जिय्यां जिन्दे पिता ने मेरे जो भेज्जेया ते मैं पिता री वजह कने जिन्दा है, तिय्यां ही से भी जे मेरे जो खाणा, तिनिये भी मेरी वजह कने जिन्दा रैह्णा।

यूहन्ना 8:51

मैं तुसा कने सच-सच बोलदा कि जे कोई मणू मेरी शिक्षा जो मनदा, तां तिसने कदी भी नी मरणा।

प्रेरितां रे कम्म 17:25

न कुसकी चीजां तांइ मणू रे हत्थां री जरुरत है, किजोकी से तां अप्पु ही सब जो जिन्दगी ते होर किच्‍छ भी दिन्दा।

1 कुरुन्थियों 15:45

पवित्रशास्त्र बिच इय्यां भी लिख्खे रा है, “पैल्ला मणू, मतलब आदम जिन्दा मणू बणेया, ते आखरी आदम, जे मसीह यीशु हिन, हमेसा री जिन्दगी दैणे वाला बणेया।”

1 तीमुथियुस 1:17

हमेसा तिकर राज करणे वाले राज्जा, अविनाशी, अणदिख्खे ते इकलौत्ते परमेश्वर रा आदरमान ते महिमा हमेसा-हमेसा तिकर हुंदी रे। आमीन!

1 तीमुथियुस 6:16

ते सिर्फ से ही हिन जिन्हा ने हमेसा तांइ रैह्णा, से इन्नी जादा चमकदार रौसनी बिच रैह्‍न्दे। कुसकी मणू ने तिन्हा जो कदी नी दिख्खेया ते ना ही दिख्खी सकदा, तिन्हेरी महिमा ते ताकत हमेसा-हमेसा तांइ रैह्णी। आमीन!

इब्रानियों 1:2

पर आखरी रोज्जां रे बारे बिच परमेश्वर ने अपणे पुत्र रे जरिये असा कने गल्लां कित्ते री हिन, जिन्हेरे जरिए तिन्हा ने सारे ब्रम्हांड जो भी रचेया, ते जिन्हा जो परमेश्वर ने अपणी रचे री हर चीज रा वारिस भी बणाया।

प्रकाशित वाक्य 21:6

फिरी तिन्हा ने मेरे जो बोल्लेया, ए गल्लां पूरी होई गे री हिन, मैं अल्फा ते ओमेगा, आदी ते अंत है। जिस कुसकी ने भी प्यासे होणा, मैं तिसजो तिस झरने बिच का से पाणी पुआणा जे हमेसा री जिन्दगी दिंदा।

प्रकाशित वाक्य 22:1

तां मेरे जो स्वर्गदूत ने से पाणी दिखाया जे हमेसा री जिन्दगी दैणे वाला पाणी केहलांदा, ते से पाणी सीसा सांई साफ थिया। ते तिस पाणी रा जरिया परमेश्वर रा सिंहासन है जे उरणू रा भी सिंहासन है।

प्रकाशित वाक्य 22:17

पवित्रात्मा ते उरणू री नौई लाड़ी यीशु जो बोलदे, “तुसां रा आणा जरुरी है।” हर बसेख जो सुनणे वाले हर इक्क मणू जो बोलणा जरुरी है, “आ!” जे कोई भी प्यासा है से जरुर आए ते तिस पाणी जो अपणाए जिस कने मुफ्त बिच जिन्दगी मिलदी।

प्रकाशित वाक्य 7:17

किजोकी उरणू जे सिंहासन रे मझाटे है, तिन्हा ने तिन्हा लोक्कां री इदेइ रखवाली करणी जिय्यां कोई पुहाल अपणी भेड़ां री करदा। परमेश्वर ने तिन्हा लोक्कां जो से ताजा पाणी पुआणे तांइ अपणे कने लेई करी जाणा जिस कने जिन्दगी मिलदी, ते परमेश्वर ने तिन्हा लोक्कां री हाख्खियां का सारे आँसु पूंजी दैणे।