यूहन्ना 5:22 - चम्बयाली नौआ नियम

²² परमेश्वर पिता कुसकी रा हिसाब-किताब नी करदा, पर हिसाब-किताब करणे रा सारा कम्म पुत्तर जो सौंपी दित्तेया गे रा है,

यूहन्ना 5:22 ပူးပေါင်းရင်းမြစ်များ

मत्ती 11:27

मेरे परम पिता ने सब किच्‍छ मेरे हवाले करी दित्तेया, अते कोई पुत्तर जो नी जाणदा, सिर्फ परम पिता जाणदा अते कोई परम पिता जो नी जाणदा, सिर्फ पुत्तर जाणदा, अते हर इक्क से मणू परम पिता जो जाणदा, जिस पर पुत्तर तिसजो जाहिर करणा चाए।

मत्ती 16:27

किजोकी मणू रा पुत्तर, जे मैं ही है अपणे स्वर्गदूतां कने अपणे पिता री महिमा बिच आणे वाला है तां तिन्ने हर इक्क मणू जो तिसेरे कम्मां रे हिसाब कने ईनाम दैणा।

मत्ती 28:18

फिरी यीशु ने उन्हेरे का जाई करी बोल्लेया, स्वर्ग ते जमीन बिच सब हक मेरे जो दित्ते गे हिन।

यूहन्ना 17:2

किजोकी तुसा ने अपणे पुत्तर जो पूरी मणू जाति पर हक दित्ते रा है कि से, हर इक्क जो, जिन्हा जो तुसा ने तिसजो दित्ते रा है, हमेसा री जिन्दगी देयो।

यूहन्ना 3:35

“पिता” अपणे पुत्तर कने प्यार रखदा, ते तिन्हा ने सारी चीजां पुत्तर रे हत्थां अन्दर देई दित्ते री हिन,

यूहन्ना 5:27

ते परमेश्वर ने मेरे जो हर इन्सान पर, तिन्हेरा हिसाब-किताब करणे रा भी हक्क दित्ते रा है, किजोकी मैं मणू रा पुत्तर है।

यूहन्ना 9:39

तां यीशु ने बोल्लेया, मैं इस दुनिया बिच हिसाब-किताब करणे तांइ आए रा है, ताकि जे नी दिखदे से दिखण, ते जे दिखदे से अन्ने होई जाण।

प्रेरितां रे कम्म 10:42

ते तिन्हा ने असा जो हुकम दित्तेया, कि सारे मणूआं बिच प्रचार करो, ते गवाई देयो, कि यीशु ही परमेश्वर रे पुत्तर हिन, जिन्हा जो परमेश्वर ने मरे रे लोक्कां रा फैसला करणे तांइ चुणे रा है।

प्रेरितां रे कम्म 17:31

किजोकी तिन्हा ने इक्क रोज पक्का कित्तेया है, तिन्हा मणूआं रे जरिए धर्म कने दुनिया रा हिसाब-किताब करणा, जिन्हा जो तिन्हा ने चुणे रा है तिन्हा जो मरे रेयां बिच का जिंदा करणा, ए गल्ल सबनियां पर प्रमाणित करी दित्ती गे री है।

रोमियों 2:16

ए सारा किच्‍छ तिस दिन ज़ाहिर कित्तेया जाणा, जां परमेश्वर ने तिस सुब बसेख रे मुताबिक जिसेरा मैं प्रचार करदा, मसीह यीशु रे जरिये लोक्कां रे लुके री गल्लां रा हिसाब लैणा।

2 कुरुन्थियों 5:10

किजोकी जरुरी है असा सारेयां रा हाल मसीह यीशु रे असा रा हिसाब-किताब करदे बेल्ले खुली जाए, की हर इक्क मणू अपणे भले-बुरें कम्मां रा बदला पाए जे तिन्हा ने सरीर रे जरिए कित्ते होण।

2 तीमुथियुस 4:1

जां मसीह यीशु ने इक्क राज्जे रे रुप बिच राज करणे तांइ आणा, तां तिन्हा ने जिन्दा लोक्कां रा ते मरे रे लोक्कां रा भी हिसाब-किताब करणा। इधेरे तांइ परमेश्वर ते मसीह जो गवाह मन्नी करी मैं तेरे पर इस गल्ल रा जोर पांदा

1 पतरस 4:5

पर इक्क दिन परमेश्वर ने तिन्हा सारेयां का हिसाब-किताब लैणे तांइ तिन्हा जो अपणे मुहाग्गर खड़ा करणा, ते परमेश्वर ने तिन्हा सारे मणूआं का तिन्हा कम्मां रे बारे बिच पूच्छणा जे तिन्हा ने इस धरती पर रैह्‍न्दे बेल्ले कित्ते। परमेश्वर ने कै जिन्दा ते कै मुर्दा, हर इक्क जणे का हिसाब-किताब लैणा।