यूहन्ना 5:21 - चम्बयाली नौआ नियम

²¹ जिय्यां पिता, मरे रे लोक्कां जो जिन्दा करदे, तिय्यां ही पुत्तर भी जिन्हा जो चाह्‍ंदा तिन्हा जो फिरी जिन्दा करदा।

यूहन्ना 5:21 ပူးပေါင်းရင်းမြစ်များ

यूहन्ना 11:25

यीशु ने तिसजो बोल्लेया, फिरी जिन्दा होणा ते अब्बे री जिन्दगी मैं ही है जै कोई मेरे पर विश्वास रखदा, से मरी भी जाए तां भी तिनिये जीणा,

यूहन्ना 17:2

किजोकी तुसा ने अपणे पुत्तर जो पूरी मणू जाति पर हक दित्ते रा है कि से, हर इक्क जो, जिन्हा जो तुसा ने तिसजो दित्ते रा है, हमेसा री जिन्दगी देयो।

यूहन्ना 6:63

आत्‍मा ते जिन्दगी दिंदी, पर सरीर कने किच्‍छ फैदा नी है, जेडी गल्लां मैं तुसा जो बोल्ली, से पवित्रात्मा रे पास्से का है, जे जिन्दगी दिंदा।

प्रेरितां रे कम्म 26:8

तां पौलुस ने तित्ते खड़ित्ते सारे यहूदियां जो बोल्लेया, हालांकि तुसा मणू ए विश्वास करदे कि परमेश्वर मरी गेरे मणूआं जो जिन्दा करी दिन्दे, तां तुसा ए गल्ल किजो नी मनदे कि परमेश्वर ने यीशु जो मुर्देयां बिच का जिन्दा कित्ते रा है?

रोमियों 8:11

पवित्रात्मा तुसा बिच रैहन्दा जिन्हा ने मसीह यीशु जो मुर्देयां बिच का जिन्दा कित्ता। ते जिय्यां परमेश्वर ने मसीह यीशु जो मुर्देयां बिच का जिन्दा कित्ता, तिय्यां ही तुसा जो भी तिस्सी पवित्रात्मा रे जरिये मुर्देया बिच का जिन्दा करणा जे तुसा बिच रैहन्दा।

1 कुरुन्थियों 15:45

पवित्रशास्त्र बिच इय्यां भी लिख्खे रा है, “पैल्ला मणू, मतलब आदम जिन्दा मणू बणेया, ते आखरी आदम, जे मसीह यीशु हिन, हमेसा री जिन्दगी दैणे वाला बणेया।”