यूहन्ना 5:18 - चम्बयाली नौआ नियम

¹⁸ इस वजह कने यहूदी होर भी बधी करी तिसजो मारणे री कोसीस करणा लगे किजोकी सेह न सिर्फ विश्राम दिन रे रीति रीवाज जो तोडदा थिया पर परमेश्वर जो अपणा बाबा बोल्ली करी अप्पु जो परमेश्वर रे बराबर करदा थिया।

यूहन्ना 5:18 ပူးပေါင်းရင်းမြစ်များ

मत्ती 12:5

या मूसा रे कानून बिच तुसा ए नी पढ़ेया कि विश्राम दिन मन्दिर रे पुरोत्त ही तिसेरी विधि जो तोड़दे हिन अते फिरी भी तिन्हा जो कोई किच्‍छ नी बोलदा।

यूहन्ना 1:19

यूहन्ना री गवाई ए है कि जिस बेल्ले यहूदी अधिकारियां ने यरुशलेम सहर रे लेवी पुरोत्तां ते लेवी गोत्र रे लोक्कां जो तिसका ए पूछने जो भेज्जेया “तू कुण है।”

यूहन्ना 10:30

मैं ते प्यो इक्क ही हिन।

यूहन्ना 10:33

यहूदियां ने तिन्हा जो जवाब दित्ता, ठीक कम्म तांइ असी तुसा जो बट्टे नी मारदे पर परमेश्वर री बेजती करणे री वजह ते इस तांइ की तुसा मणू होई करी अप्पु जो परमेश्वर बणादां।

यूहन्ना 14:23

यीशु ने तिसजो जवाब दित्तेया, जे कोई मेरे कने प्यार रखगा तिनिये मेरे शिक्षा जो मनणा, ते मेरे पिता ने तिस कने दाह-पीड़ रखणी ते असा तिसका आणा, ते तिसेरे कन्ने रैह्णा।

यूहन्ना 14:9

यीशु ने तिसजो बोल्लेया, ओ फिलिप्पुस, मैं इत्तणे रोज्जे रा तुसा कने है, ते कै तू मेरे जो नी जाणदा? जिनिये मेरे जो दिख्खेया तिसने पिता जो दिख्खेया है तां फिरी तू किजो बोल्लेया करदा है कि पिता जो असा जो दिख्खाओ?

यूहन्ना 19:7

यहूदी अधिकारियां ने तिसजो जवाब दित्तेया, असा रे नियम हिन जे बोलदे हिन, इसजो मरणा पैणा किजोकी इसने अप्पु जो परमेश्वर रा पुत्तर दस्सेया है।

यूहन्ना 5:15

तिस मणू ने जाई करी यहूदियां अधिकारियां जो बोल्ली दित्ता कि जिनिये मेरे जो ठीक कित्ता से यीशु है।

यूहन्ना 5:16

इसेरी वजह कने यहूदी यीशु जो सताणा लगे किजोकी से इदेय कम्म विश्राम दिन पर करदा थिया।

यूहन्ना 5:17

इस पर यीशु ने तिसजो बोल्लेया, मेरे पिता परमेश्वर ने हल्ले कम्म करेया करदे हिन, ते मैं भी कम्म करेया करदा है।

यूहन्ना 5:23

ताकि सब जणे जिय्यां परमेश्वर पिता री बड़ाई करदे तिय्यां ही पुत्तर री भी बड़ाई करेया करण। जे पुत्तर री बड़ाई नी करदा, से पिता री, जिन्हा ने तिसजो भेज्जे रा है, बड़ाई नी करदा।

यूहन्ना 7:1

इन्हा गल्लां रे बाद यीशु गलील प्रदेश बिच फिरदे रे, किजोकी यहूदी तिन्हा जो मारणे रा मौका थिये तोपदे, इस तांइ से यहूदियां प्रदेश बिच फिरणा नी चाह्‍ंदे थिये,

यूहन्ना 7:19

मूसा ने तुसा जो कानून दित्तेया पर तां भी तुसा बिच का कुसकी ने परमेश्वर रे कानून जो नी मन्नेया पर तुसा मेरे जो मारणे री कोसीस करेया करदे हिन।

यूहन्ना 8:54

यीशु ने जवाब दित्ता, जे अगर मैं अप्पु अपणी बड़ाई करां, तां मेरी बड़ाई किच्‍छ नी पर मेरी बड़ाई करणे वाला मेरा पिता है, जिस जो तुसा बोलदे कि तुसा रा परमेश्वर है।

यूहन्ना 8:58

यीशु ने तिन्हा जो बोल्लेया, मैं तुसा जो सच-सच बोलदा, कि अब्राहम रे पैदा होणे रे पैल्ले का भी मैं है।

फिलिप्पियों 2:6

जिनिये अप्पु परमेश्वर हुंदे होए भी, परमेश्वर रे बराबर होणे जो अपणे अधिकार बिच रखणे री चीज नी समजेया।

प्रकाशित वाक्य 22:1

तां मेरे जो स्वर्गदूत ने से पाणी दिखाया जे हमेसा री जिन्दगी दैणे वाला पाणी केहलांदा, ते से पाणी सीसा सांई साफ थिया। ते तिस पाणी रा जरिया परमेश्वर रा सिंहासन है जे उरणू रा भी सिंहासन है।

प्रकाशित वाक्य 22:3

तिस सहर बिच रैह्णे वाले लोक्कां पर परमेश्वर रा श्राप नी रैह्णा, ते परमेश्वर रा सिंहासन ते उरणू ने अप्पु भी तिस सहर बिच होणा, ते परमेश्वर रे सेवादार मणूआं ने तिन्हेरी सेवा करणी।