यूहन्ना 5:14 - चम्बयाली नौआ नियम

¹⁴ इन्हा गल्लां रे बाद से मणू यीशु जो मन्दिर रे अंगण बिच मिल्लेया, यीशु ने तिसजों बोल्लेया, दिख्ख, तू ठीक होई गे रा है: फिरी पाप मत करदा, इय्यां न हो कि इसेरे का भी कोई बड्डी मुसीबत तेरे पर आई पे।

यूहन्ना 5:14 ပူးပေါင်းရင်းမြစ်များ

मत्ती 12:45

तां से दुष्टात्मा जाई करी अपणे कने होर जादा बुरी, होर सत्त दुष्टामां जो लेई आंदी, अते तिस मणू बिच रैह्णा लग्गी पैंदी, ते तिस मणू री हालत पैल्ले का भी जादा बुरी होई जांदी, अज्ज री इस बुरी पीढ़ी रे मणूआं री हालत भी इय्यां ही होणी।

मरकुस 2:5

यीशु ने तिन्हा लोक्कां विश्वास दिख्खी करी तिस अधरंग रे बिमार मणू जो बोल्लेया, “ओ पुत्तर, मैं तेरे पाप माफ कित्ते।”

यूहन्ना 5:13

पर जे ठीक होए रा थिया से नी जाणदा थिया कि से कुण है, किजोकी यीशु तित्ते का इक्क भीड़ बिच तिन्हेरी नजरां का ओझल होई गे थिये।

यूहन्ना 5:5

तित्ते इक्क मणू थिया जे अठ्ठती साला रा बीमारी अन्दर पेरा थिया

यूहन्ना 8:11

तिस जनानी ने बोल्लेया, ओ प्रभु, कुसकी ने भी नी: यीशु ने बोल्लेया, मैं भी तिज्जो सजा नी दिन्दा। जा, ते फिरी दुबारा पाप मत करदी।

1 पतरस 4:3

किजोकी तुसा ने अपणे पैल्ले री जिन्दगी जो तिन्हा कम्मां बिच गुजारी दित्ती जिन्हा जो करणे बिच अविश्वासी मणू बड़े खुस रैह्‍न्दे। तुसा री जिन्दगी व्यभिचार ते अश्लीलता, ते अविश्वासी लोक्कां री धाम ते सराब पी करी मतवाल्ले होणे, रंगरेलियां मनाणे, ते तिन्हेरी मूर्तां री पूजा करणे बिच बीत्ती जिन्हा का परमेश्वर नफरत करदे।