यूहन्ना 5:10 - चम्बयाली नौआ नियम

¹⁰ यहूदी अगुवे तिस मणू जो टोकणा लग्गी पये, “विश्राम दिन पर इय्यां अपणी पन्द लेई करी मूसा रे नियम रे हिसाब कने चलणा-फिरणा मना है।”

यूहन्ना 5:10 ပူးပေါင်းရင်းမြစ်များ

मत्ती 12:10

तित्ते इक्क मणू थिया, जिसेरा इक्क हत्थ सुक्कड़ीह् गे रा थिया तां मणूआं ने पुछ्‌छेया, मूसा री रीति रे हिसाब कने विश्राम दिन कुसकी जो खरा करणा, सही है? तिन्हा ने उन्हा का ए इधेरे तांइ पुछ्‌छेया ताकि से तिन्हा पर इल्जाम लगाई सकण।

मरकुस 2:24

तां फरीसियां ने उन्हा जो बोल्लेया, “दिख्खो ए विश्राम दिन पर कम्म किजो करदे जे मूसा रे कानून रे खिलाफ है?”

मरकुस 3:4

ते यीशु ने तिन्हा लोक्कां का पूच्छेया, “मूसा रे कानून रे हिसाब कने विश्राम दिन भलाई करणा ठीक है या बुराई करणा? जान बचाणा या मारणा?” पर से मणू चुप रे।

लूका 13:14

यीशु ने विश्राम दिन तिसजो खरा करदे दिख्खी करी सभास्थल रा प्रधान गुस्सा होई गेया ते मणूआं जो बोलणा लगेया, हफ्ते अन्दर कम्म करणे तांइ छे रोज दित्ते रे हिन, तां तिन्हा रोज्जां बिच ही खरा होणे तांइ आया करो, विश्राम दिन नी

लूका 23:56

फिरी से घरां जो हटी आई अते तिन्हा ने यीशु रे सरीर पर मलणे तांइ खुशबू वाली चीजां कने इत्र रा लेप तैयार कित्तेया। अते तिय्यां ही विश्राम दिन वाला रोज आई गेया अते तिन्हा ने मूसा रे कानून रे हिसाब कने तिस रोज अराम कित्ता।

लूका 6:2

तां फरीसियां ने तिन्हा जो जान्दे दिख्खेया अते से यीशु जो बोलणा लग्गे तुसा इदेय कम्म किजो करेया करदे हिन, जे कि परमेश्वर रे नियम रे हिसाब कने विश्राम दिन करणा ठीक नी है?

यूहन्ना 1:19

यूहन्ना री गवाई ए है कि जिस बेल्ले यहूदी अधिकारियां ने यरुशलेम सहर रे लेवी पुरोत्तां ते लेवी गोत्र रे लोक्कां जो तिसका ए पूछने जो भेज्जेया “तू कुण है।”

यूहन्ना 5:11

तिसने तिन्हा जो जवाब दिता, “जिन्नी मेरे जो ठीक कित्ता तिसी ने मेरे जो बोल्लेया कि अपणा मंजा चुक ते चल फिर।”

यूहन्ना 5:15

तिस मणू ने जाई करी यहूदियां अधिकारियां जो बोल्ली दित्ता कि जिनिये मेरे जो ठीक कित्ता से यीशु है।

यूहन्ना 5:16

इसेरी वजह कने यहूदी यीशु जो सताणा लगे किजोकी से इदेय कम्म विश्राम दिन पर करदा थिया।

यूहन्ना 7:23

जां विश्राम दिन पर मणू रा खतना कित्ता जान्दा ताकि मूसा रे कानून रा हुकम न टालो, तां तुसा मेरे पर किजो गुस्सा हुन्दे, कि मैं विश्राम दिन पर इक्क मणू जो पूरे तरिक्के कने ठीक कित्तेया।

यूहन्ना 9:16

इस पर किच्‍छ फरीसी बोलणा लग्गे, ए मणू परमेश्वर रे पास्से का नी है किजोकी से विश्राम दिन नी मनदा, दूज्जेयां ने बोल्लेया, पाप्पी मणू इदेय चमत्कार किय्यां दिखाई सकदा? अते तिन्हा बिच फूट पेई गेई।