यूहन्ना 4:8 - चम्बयाली नौआ नियम

⁸ किजोकी तिसेरे चेल्‍ले तां ग्रां बिच रोट्टी खरीदणे गेरे थिये।

यूहन्ना 4:8 ပူးပေါင်းရင်းမြစ်များ

लूका 9:13

यीशु ने अपणे चेल्‍लेयां जो बोल्लेया, तुसा ही इन्हेरे तांइ रोट्टी रा इंतजाम करो तिन्हा ने बोल्लेया, कि असा रे का तां पंज रोटियां अते दो मच्छियाँ रे सिवाए होर किच्‍छ भी नी है, पर जे असी इन्हा तांइ रोट्टी खरीदी करी लेई आण, तां किच्‍छ इतंजाम होई सकदा तित्ते लाई-पाई करी पंज हजा़र तां मड़द ही थिये।

यूहन्ना 2:2

यीशु कने तिसेरे चेल्‍ले भी तिस ब्याह बिच सद्दे रे थिये

यूहन्ना 4:27

इतणे बिच ही तिसेरे चेल्‍ले आई गे कने हैरान होई गे कि से जनानी कने गल्ल करे करदा फिरी भी कुसी ने नी पुछया, कि तू कै चाहन्दा है या कुस तांइ तिसेरे कने गल्लां करे करदा?

यूहन्ना 4:39

उस कस्बे बिच बड़े-वरी सामरिया प्रदेश रे लोक्कां ने तिस जनानी रे बोलणे पर यीशु पर विश्वास कित्ता किजोकी तिसने सारेयां जो ए बोल्लेया थिया कि तिसने सब किच्‍छ जे मैं अपणी जिन्दगी बिच कित्ते रा थिया से मेरे जो दस्सी दिता।

यूहन्ना 4:5

इस तांइ से सुखार नां रे सामरिया प्रदेश रे इक्क ग्रां तिकर आया, जे तिस जमीन रे नेड़े है जिस जो याकूब ने अपणे निक्के यूसुफ जो दिता थिया,

यूहन्ना 4:7

इतणे बिच इक्क सामरिया प्रदेश री जनानी पाणी भरणे आई यीशु ने तिसजो बोल्लेया, मेरे जो पाणी पिया