यूहन्ना 4:6 - चम्बयाली नौआ नियम

⁶ ते इस्राएली लोक्कां रे पुरखे, याकूब रा खोद्दे रा कुआँ भी तित्ते थिया, ते यीशु रस्ते रा थकी करी तिस कुएं पर इय्यां ही बेई गेया। ए तकरिबन बारा बजे रे लगभग थिया।

यूहन्ना 4:6 ပူးပေါင်းရင်းမြစ်များ

मत्ती 27:45

दोपहर का लेई करी त्रिये पहर तिकर तिस सारे देस बिच न्याहरा होई गेया।

मत्ती 4:2

जां यीशु चाली रोज अते चाली रात्तां तिकर ब्रत्त रख्खी बैठ्ठे तां तिन्हा जो भूख लग्गी।

मत्ती 8:24

उस्सी बेल्ले झील अन्दर इक्क इदेयी बड़ी बड्डी हनेरी आयी कि तिन्हेरी किस्ती पाणी री छलारां कने ढकी गई, पर यीशु सुत्ते रे थिये।

लूका 2:7

ते तिनिये अपणे पैल्ले मुंडे, यीशु जो जम्मेया, अते तिसजो फालड़ी अन्दर लपेटी करी चरिह् अन्दर रखेया, किजोकी तिन्हेरे जो सराये बिच रैह्णे तांइ जगाह् नी मिल्ली थी।

लूका 9:58

यीशु ने तिसजो बोल्लेया, गीदड़ां जो रैह्णें तांइ कुड्डां ते आसमान रे चिडू-पखेरुआं तांइ बसे रे हिन, पर मणू रे पुत्तर, जे मैं ही है जो सर ढ़कणे तांइ भी कोई ठकाणा नी है

यूहन्ना 11:9

यीशु ने उत्तर दित्तेया, कै दिन रे बारा घटें नी हुदें? अते जे कोई दिन अन्दर चले तां ओ ठोक्कर नी खादां, किजोकी इस दुनिया री रौसनी दिखदा,

यूहन्ना 4:12

कै तू असा रे बाबे याकूब का बड्डा है जिस ने असा जो ए कुआँ दित्ते रा है, कने अप्पु ही अपणे पुत्तर कने अपणे डंगरा समेत इस बिच का पीन्दा

यूहन्ना 4:5

इस तांइ से सुखार नां रे सामरिया प्रदेश रे इक्क ग्रां तिकर आया, जे तिस जमीन रे नेड़े है जिस जो याकूब ने अपणे निक्के यूसुफ जो दिता थिया,

यूहन्ना 4:7

इतणे बिच इक्क सामरिया प्रदेश री जनानी पाणी भरणे आई यीशु ने तिसजो बोल्लेया, मेरे जो पाणी पिया

2 कुरुन्थियों 8:9

तुसा असा रे प्रभु यीशु मसीह रे अनुग्रह जो जाणदे कि से अमीर होई करी भी तुसा तांइ कगांल बणी गे, ताकि तिन्हेरे कगांल होई जाणे कने तुसा अमीर होई जाओ।

इब्रानियों 2:17

इधेरे तांइ तिन्हा जो चाएदा थिया कि हर गल्ल से इक्क आम इन्सान सांई बणे, ताकि से असा तांइ परमेश्वर रा दयालू ते विश्वासयोग्य प्रधान पुरोत्त बणी करी तिन्हेरी सेवा करी सके, ते असा रे पाप्पां री माफी तांइ अपणी जान देई दे।

इब्रानियों 4:15

असा रे प्रधान पुरोत्त, जे मसीह यीशु हिन, असा री हर कमजोरी जो समजदे, किजोकी शैतान ने तिन्हा जो असा सांई हर गल्ल बिच परखेया, पर फिरी भी तिन्हा ने कोई पाप नी कित्तेया।