यूहन्ना 4:53 - चम्बयाली नौआ नियम

⁵³ तां तिस बेल्ले तिसेरे प्यो जो पता लग्गी गेया कि ए तिसी बेल्ले होया, जां यीशु ने तिसजो बोल्लेया कि तेरे निक्के ने नी मरणा। तिस मणू ते तिसेरे पूरे परिवार ने यीशु पर विश्वास कित्ता।

यूहन्ना 4:53 ပူးပေါင်းရင်းမြစ်များ

मत्ती 8:13

तां यीशु ने हाकिम जो बोल्लेया, घरे जा, तेरे विश्वास रे हिसाब कने तेरे तांइ होई जाए, अते तिस्सी बेल्ले सूबेदार रा नौक्कर खरा होई गेया।

लूका 19:9

यीशु ने तिसजो बोल्लेया, अज्ज तेरा अते तेरे घरे वालेयां रा छुटकारा होया है किजोकी अज्ज तू अब्राहम औलाद बणेया।

यूहन्ना 4:51

से हल्ले रस्ते बिच ही थिया कि तिसेरे नौक्कर ने तिसका आई करी बोल्लेया कि तेरा निक्का जिन्दा है।

यूहन्ना 4:52

यीशु ने तिसका पूच्छेया, से कुस बेल्ले से ठीक होणा लग्गेया थिया? तिन्हा ने तिसजो बोल्लेया, कल धियाड़ी इक्क बजे रे करीब बिच तिसेरा बुखार उतरी गेया।

प्रेरितां रे कम्म 11:14

तिन्ने तुसा कने इदेइ गल्लां बोलणी, जिन्हा कने परमेश्वर ने तिज्जो तेरे पूरे टब्बर जो छुटकारा दैणा।

प्रेरितां रे कम्म 16:15

अपणे सारे टब्बर समेत बपतिस्मा लैणे का बाद तिसने असा रे छन्दे कित्ते कि जे तुसा मेरे जो परमेश्वर री सच्ची भक्तण मनदे तां चलो मेरे घरे रुको ते से असा जो मनाई करी अपणे घरे लेई गई।

प्रेरितां रे कम्म 16:34

फिरी से पौलुस ते सीलास जो अपणे घरे लेई गेया ते तिन्हा जो रोट्टी खुआई ते सारे घरेतां जो परमेश्वर पर विश्वास करणे री वजह कने खुसी होई।

प्रेरितां रे कम्म 18:8

तां सभास्थल रे सरदार क्रिस्पुस ने ते तिसेरे टब्बर ने प्रभु पर विश्वास कित्तेया, ते बड़े कुरुन्थियों ने भी सूणेया ते विश्वास कित्तेया ते बपतिस्मा लित्तेया

प्रेरितां रे कम्म 2:39

किजोकी ए वादा तुसा तांइ, तुसा री औलादां तांइ, ते उन्हा सारे दुर-दुर रे लोक्कां तांइ भी है जिन्हा जो असा रे प्रभु परमेश्वर अपणे नेड़े सदगा।