यूहन्ना 4:42 - चम्बयाली नौआ नियम

⁴² अते तिस जनानी जो बोल्लेया, अवे असी तेरे बोलणे कने विश्वास नी करदे किजोकी असी अप्पु ही सुणी लिता कने जाणदे हिन कि ऐई सच्चो ही दुनिया छुटकारा दैणे वाले है।

यूहन्ना 4:42 ပူးပေါင်းရင်းမြစ်များ

मत्ती 1:21

तिसने इक्क मुंडे जो जमणा, ते तू तिसेरा नां यीशु रख्खेया, किजोकी तिनिए सारी दुनिया रे मणूआं रा तिन्हेरे पाप्पां का छुटकारा दैणा।”

लूका 2:32

ताकि मसीह गैर यहूदी मणूआं जो परमेश्वर रा रस्ता दिखाणे वाली रौसनी बणना, ते इस्राएल रे मणू, जे कि तुसा रे अपणे हिन, तिन्हा तांइ ए परमेश्वर री महिमा लियाणे री वजह बणना।

यूहन्ना 1:29

दूए दिन तिसने यीशु जो अपणे पास्से आंदे दिख्खी करी बोल्लेया, “दिख्खो! ए परमेश्वर रा मेमना है, जे दुनिया रे पाप्पां जो मिटाणे तांइ आए रा है।”

यूहन्ना 11:17

जां यीशु बैतनिय्याह कस्बे बिच पूज्जे तां तिन्हा जो ए पता चलेया कि लाज़र जो कब्र बिच रख्खे चार दिन होई गेरे हिन।

यूहन्ना 17:8

किजोकी मैं तिन्हा जो से ही सारे उपदेस दित्ते, जे तुसा ने मेरे दित्ते थिये, अते तिन्हा ने तिसजो अपणाई लेया ते पक्के तौर पर जाणी लेरा है कि मैं तुसा पास्से का आए रा है, अते उन्हा ने विश्वास कित्तेया कि तुसा ने ही मेरे जो भेज्जे रा है।

यूहन्ना 4:29

आओ कने इस मणू जो दिखो जिस ने सारा किच्‍छ जे मैं अपणी जिन्दगी बिच कित्ते रा थिया मेरे जो दस्सी दित्ता, कुत्ते ए ही तां मसीह नी है?

यूहन्ना 4:41

तिन्हा रे बसेख री वजह कने होर भी कई मणूआं ने तिस पर विश्वास कित्ता।

प्रेरितां रे कम्म 13:23

इसेरे ही वंश बिच का परमेश्वर ने अपणी कसम रे हिसाब कने इस्राएल रे मणूआं का इक्क छुटकारा दैणे वाला मतलब यीशु जो भेज्जेया

प्रेरितां रे कम्म 4:12

यीशु जो छड्डी करी कुसकी दूए रे जरिए छुटकारा नी, किजोकी आसमान रे थल्ले मणूआं बिच यीशु छड्डी करी होर कोई दुआ नां नी दित्तेया गेया, जिसेरे जरिए असी छुटकारा पाई सके।

प्रेरितां रे कम्म 5:31

तिसजो परमेश्वर ने प्रभु ते छुटकारा दैणे वाला बणाई करी अपणे सज्जे हत्थ पास्से उच्चां करी दित्तेया कि से इस्राएलियां जो तौबा करी के ताकत ते पाप्पां री माफी देई सके।

2 कुरुन्थियों 5:19

इसेरा मतलब ए है कि परमेश्वर ने मसीह यीशु बिच होई करी अपणे कन्ने दुनिया रा मेल जोल करी लित्ता, ते लोक्कां रे पाप्पां रा इल्जाम तिन्हा पर नी लाया। ते ए ही मेल जोल कराणे रा से बसेख है, जे परमेश्वर ने लोक्कां जो सुनाणे तांइ असा जो सौंप्पे रा है।

1 तीमुथियुस 4:10

किजोकी असी जिंदा परमेश्वर बिच विश्वास करदे इधेरे तांइ असी संघर्ष ते मैहनत करदे ताकि तिस जिन्दगी जो हासिल करी सकण। परमेश्वर असा मणूआं जो छुटकारा दिंदे ते खासतौर पर तिन्हा लोक्कां जो जे तिन्हा बिच विश्वास करदे।

1 यूहन्ना 2:2

ते मसीह यीशु असा रे पाप्पां री कीमत चुकाणे तांइ कुर्बान होया, ते सिर्फ असा तांइ ही नी पर सारी दुनिया रे लोक्कां रे पाप्पां तांइ भी।

1 यूहन्ना 4:14

ते असा ने पुत्तर जो अपणी हाख्खियां कने दिख्खी भी लित्ता ते गवाई दिन्दे कि पिता परमेश्वर ने पुत्तर जो दुनिया रे लोक्कां रा छुटकारा दैणे वाला बणाई करी के भेज्जे रा है।

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।