यूहन्ना 4:38 - चम्बयाली नौआ नियम

³⁸ मैं तुसा जो से खेतर कटणे तांइ भेज्जेया जिस बिच तुसा कोई मैहनत नी कित्ती। दूज्जेयां ने मैहनत कित्ती कने तुसा तिसेरी मैहनत रे फल्ल रे हिस्सेदार होए।

यूहन्ना 4:38 ပူးပေါင်းရင်းမြစ်များ

मत्ती 4:23

यीशु सारे गलील प्रदेश रे सभास्थल अंदर स्वर्ग रे राज रे सुब बसेख री उपदेस दिंदे अते हर तरह री बिमारियां का खरा अते मणूआं री कमजोरी जो दुर करदे रे।

यूहन्ना 1:7

से गवाह बणी करी आया ताकि रौसनी री गवाई दे, ताकि तिसेरे जरिए सारे रौसनी बिच विश्वास करण,

यूहन्ना 17:18

जिय्यां तुसा ने मेरे जो दुनिया अन्दर भेज्जेया, तिय्यां ही मैं भी इन्हा जो दुनिया अन्दर भेज्जेया।

यूहन्ना 4:37

किजोकी इत्ते ए कहावत ठीक बैन्दी है कि बाणे वाला होर है ते कटणे वाला होर

यूहन्ना 4:39

उस कस्बे बिच बड़े-वरी सामरिया प्रदेश रे लोक्कां ने तिस जनानी रे बोलणे पर यीशु पर विश्वास कित्ता किजोकी तिसने सारेयां जो ए बोल्लेया थिया कि तिसने सब किच्‍छ जे मैं अपणी जिन्दगी बिच कित्ते रा थिया से मेरे जो दस्सी दिता।

प्रेरितां रे कम्म 2:41

अते जिन्हा ने तिसेरा बसेख सूणेया ते विश्वास कित्ता, तिन्हा ने बपतिस्मा लित्ता ते तिसी दिन त्रै हजार लोक्कां रे लगभग तिन्हा विश्वासियां रे दल बिच मिली गे।

प्रेरितां रे कम्म 4:32

भरोसे करणे वालेयां री मडंली इक्क मन रे थिये, इत्ते तिकर कोई भी अपणी जायदाद जो अपणा नी बोलदा थिया, पर सारा किच्‍छ आपस रा थिया

प्रेरितां रे कम्म 4:4

पर बसेख रे सुनणे वालेयां बिच का मते जणेया ने यीशु पर विश्वास कित्ता, ते तिन्हेरी गिनती लगभग पांज्ज हजार आदमियां तिकर होई गई।

प्रेरितां रे कम्म 5:14

प्रभु बिच विश्वास करणे वाले मते सारे मणू प्रभु री कलीसिया बिच बड़ी वरी गिनती बिच मिलदे रे।

प्रेरितां रे कम्म 6:7

परमेश्वर रा वचन फैलदा गेया ते यरुशलेम सहर बिच चेल्‍लेयां री गिनती मती बदद्धी गेई ते मते सारे पुरोत्तां ने भी मसीह बिच विश्वास करणे रे इस बसेख जो अपणाया।

2 कुरुन्थियों 10:15

असी सीमा का बाहर दूज्जेयां री मैहनत पर गर्व नी करदे, पर असा जो आस है कि जिस तरिक्के कने तुसा रा विश्वास बदधा जाणा तिस तरिक्के कने असी अपणी सीमा रे हिसाब कने तुसा री वजह कने होर भी जादा लोक्कां जो मसीह रा सुब बसेख सूणाई सकणा।