यूहन्ना 4:34 - चम्बयाली नौआ नियम

³⁴ यीशु ने तिन्हा जो बोल्लेया, मेरी रोट्टी से है कि परमेश्वर जिन्हा ने मेरे जो भेज्जे रा है, तिन्हेरी मर्जी रे हिसाब कने चलां ते तिसेरा कम्म पूरा करां।

यूहन्ना 4:34 ပူးပေါင်းရင်းမြစ်များ

मत्ती 26:39

फिरी से थोड़ा होर अग्गे बधी करी मुँह रे भारे पेय, ते प्रार्थना कित्ती, ओ मेरे पिता जे होई सके तां ए कटोरा मेरे का टली जाए तां भी जिय्यां मैं चाह्‍ंदा तिय्यां नी पर जिय्यां तुसा चाह्‍ंदे तिय्यां ही हो।

मत्ती 3:15

पर यीशु ने तिसजो ए जवाब दित्तेया, “इस बेल्ले इय्यां ही होणा दे, किजोकी असा तांइ सही ए है कि इय्यां ही सारी धार्मिकता जो पूरा करण तां यूहन्ना ने तिन्हेरी गल्ल मन्नी लेई।”

मत्ती 9:19

यीशु ते तिन्हेरे चेल्‍ले उठ्ठे अते तिसेरे पीच्छे चली पेह्।

लूका 15:10

मैं तुसा जो बोलदा, कि इय्यां ही जां कोई मणू पाप्पां जो छड्डी करी परमेश्वर रे रस्ते पर चलणा लग्गी पैन्दा, तां तिसेरे तांइ स्वर्गदूतां रे सामणे उतणी ही खुसियां मनाई जान्दियां।

लूका 19:10

किजोकी मणू रा पुत्तर, जे मैं ही है तेरे जदेय होर भी मणूआं जो हमेसा री सजा का बचाणे तांइ आए रा है।

लूका 2:49

यीशु ने तिन्हा जो बोल्लेया, तुसा मेरे जो किजो तोपदे थिये? कै तुसा ए नी जाणदे कि मेरे तांइ अपणे प्यो रे घरे रैह्णा कितणा जरुरी है?

यूहन्ना 17:4

जे कम्म तुसा ने मेरे जो दित्ते थिये, उन्हा जो पूरा करी के दुनिया बिच मैं तुसा रे नां री बड़ाई कित्ते री है

यूहन्ना 19:28

यीशु जाणदे थिये कि तिन्हा ने अपणा मकसद पूरा करी लित्ते रा है, ते इधेरे तांइ कि पवित्रशास्त्र बिच लिख्खे री गल्ल पूरी हो तिन्हा ने ए बोल्लेया, “मैं प्यासा है।”

यूहन्ना 19:30

जां यीशु ने से सिरके जो चख्खेया, तां बोल्लेया, पूरा होया, तां तिन्हा ने अपणा सिर झुकाई करी अपणे प्राण छड्डी दित्ते।

यूहन्ना 4:32

पर तिसने तिन्हा जो बोल्लेया मेरे का खाणे वास्ते इदेइ रोट्टी है जिसेरे बारे बिच तुसा नी जाणदे

यूहन्ना 5:30

मैं अप्पु का किच्‍छ नी करी सकदा, जदेया मेरे जो “पिता” करणे तांइ बोलदे से ही करदा। मैं हिसाब-किताब करदा कने मेरा हिसाब-किताब सच्चा है किजोकी मैं अपणी मर्जी नी पर अपणे भेजणे वाले री मर्जी पूरी करणा चाहन्दा।

यूहन्ना 5:36

पर मेरे का जेड़ी गवाई है से यूहन्ना री गवाई का बड्डी है, किजोकी जेडा कम्म “पिता” ने मेरे जो पूरा करणे जो दित्ते रा है, से ही कम्म मेरी गवाह है, कि “पिता” ने मेरे जो भेज्जे रा है।

यूहन्ना 6:33

परमेश्वर री रोट्टी ओ ही है, जेडी स्वर्ग का उत्तरी करी दुनिया रे लोक्कां जो जिन्दगी दिन्दी।

यूहन्ना 6:38

किजोकी मैं अपणी मर्जी कने नी, पर अपणे “पिता” री मर्जी पूरी करणे तांइ स्वर्ग का उतरेया।

यूहन्ना 8:29

कने मेरा भेजणे वाला मेरे कने है तिन्ही मेरे जो कल्ला नी छडेया, किजोकी मैं हमेसा से ही कम्म करदा, जिस का से खुस हुन्दा:

प्रेरितां रे कम्म 20:35

मैं तुसा जो सब किच्‍छ करी के दस्सेया कि इस तरिक्के कने मैह्नत करी के कमजोर मणूआं जो सम्भालणा ते प्रभु यीशु रे वचनां जो याद रखणा जरुरी है, जे तिन्हा ने अप्पु ही बोल्ले रा है, लैणे का दैणा धन्न है

इब्रानियों 12:2

असा जो अपणी हाख्खियां यीशु पर लाई रखणी चाएदी, जे असा जो विश्वास बिच अग्गे बधांदे ते पूरा भी करदे। तिन्हा ने सुली पर जान दैणे ते बेज्जती जो भी, बाद बिच मिलणे वाले आनंद रे बारे बिच सोचदे होए सहन करी लित्तेया। से अवे परमेश्वर रे सिहांसन रे सज्जे पास्से बैठ्ठे रे हिन।