यूहन्ना 4:23 - चम्बयाली नौआ नियम

²³ पर से बेल्ला आणे वाला है हालांकि अब्बे भी है जिस बिच सच्चे भक्त बाबे री भक्ति आत्‍मा कने सच्चाई कने करणी किजोकी बाबा अपणे तांइ इदेए भक्तां जो तोपदा

यूहन्ना 4:23 ပူးပေါင်းရင်းမြစ်များ

यूहन्ना 1:17

इस तांइ कि मूसा रा कानून तां मूसा रे पास्से का दित्तेया गेरे थिया पर परमेश्वर ने यीशु मसीह रे जरिए अनुग्रह कने सच्चाई लोक्कां पर ज़ाहिर कित्ती।

यूहन्ना 12:23

इस पर यीशु ने उन्हा जो बोल्लेया, ओ वक्त आई गे रा है कि मणू रे पुत्तर री बड़ाई हो।

यूहन्ना 16:2

तिन्हा तुसा जो सभास्थल का बाहर कड्डी दैणा, बल्कि से बेल्ला आया करदा ए जां तुसा रे बिच का कुसकी जो भी मारी करी हर कोई ने सोचणा कि से परमेश्वर री सेवा करेया करदा है।

यूहन्ना 16:32

दिख्खो, से बेल्ला आया करदा ए, बल्कि आई गेया कि तुसा तित्तर-बित्तर होई करी अपणे-अपणे रस्ते चली जाणा अते मेरे जो किल्ला छड्डी दैणा, फिरी भी मैं किल्ला नी ए, किजोकी पिता मेरे कने हिन।

यूहन्ना 4:21

यीशु ने तिसजो बोल्लेया, ओ जनानी मेरी गल्ल रा विश्वास कर कि से बेल्ला आंदा है कि न तां तुसा इस पहाड पर बाबे री भक्ति करणी ना ही यरुशलेम बिच

यूहन्ना 5:25

ते मैं तुसा जो सच-सच बोलदा कि से बेल्ला आया करदा है बल्कि अब्बे ही है कि जां मरे रे लोक्कां ने मेरी यानी परमेश्वर रे पुत्तर री अवाज जो सुनणा अते जिन्ने जणेया ने सुनणा तिन्हा ने हमेसा तिकर जीणा।

यूहन्ना 5:28

इस बिच हैरान मत हो, किजोकी से वक्त आया करदा है कि मरे रे लोक्कां ने तिन्हेरी अवाज सुणी करी वापिस जिन्दे होई जाणा ते अपणी कब्रां का बाहर निकली आणा।

रोमियों 1:9

परमेश्वर, जिन्हेरी सेवा मैं अपणे पूरे दिल कने, तिन्हेरे पुत्तर रे सुब बसेख जो सूणाई करी करदा, से ही परमेश्वर मेरा गवाह हिन, कि मैं तुसा जो हमेसा याद करदा रैह्न्दा,

रोमियों 8:15

किजोकी तुसा जो गुलामी री आत्‍मा नी मिल्ले री है कि तुसा जो डर बिच जिन्दगी बिताओ, पर जां परमेश्वर ने तुसा जो अपणी औलाद्दां बणाई करी गोद लेई लित्ता, तां तुसा जो पवित्रात्मा मिल्लेया। अवे असी परमेश्वर जो पिता बोलदे।

रोमियों 8:26

इस्सी तरिक्के कने पवित्रात्मा भी असा री आत्मिक कमजोरी बिच असा री मदद करदा, किजोकी असी अप्पु नी जाणदे कि परमेश्वर कै चाह्‍ंदे कि असा जो कुस गल्ल तांइ प्रार्थना करणा चाएदी, पर पवित्रात्मा अप्पु ही असा तांइ रुआंसे मन कने इदेइ बिनती करदे जिस जो लफ्ज़ां बिच बयान नी कित्तेया जाई सकदा।

गलातियों 4:6

अवे असी जे तिन्हेरे अपणे औलाद हिन इधेरे तांइ परमेश्वर ने अपणे आत्‍मा जो असा रे दिल बिच पाए रा है, जे असा जो ओ अब्बा ते ओ पिता करी के पुकारदा।

इफिसियों 6:18

हर बेल्ले ते हर तरिक्के कने पवित्रात्मा रे कहे मुताबिक प्रार्थना ते बिनती करदे रेयो, ते इस गल्ल तांइ जागदे रेयो की परमेश्वर रे सारे लोक्कां तांइ लगातार बिनती करेया करो।

फिलिप्पियों 3:3

हकीकत बिच तां असी परमेश्वर रे मणू हिन, ते परमेश्वर रे पवित्रात्मा रे दसणे रे हिसाब कने अराधना करदे, ते मसीह यीशु पर घमंड करदे ते असी अपणे इन्सानी कम्मां पर निर्भर नी हुंदे।

1 पतरस 2:9

पर तुसा मणू तैसे नी हिन किजोकी तुसा परमेश्वर रे चुणे रे मणू हिन, तुसा तिस परमेश्वर रे पुरोत्त हिन जे राज्जा है। तुसा सारे परमेश्वर जो समर्पित हिन ते तुसा परमेश्वर रे ही हिन। तिन्हा ने तुसा जो न्याहरे का बाहर अपणी अनौखी रौसनी बिच अंदे रा है ताकि तुसा तिन्हेरे महान कम्मां रा प्रचार करी सको।